أحيانا يكون البعد عن الحبيب بإرادتنا لأن من نحبه تغير كثيرا وأصبح شخص لم نعرفه، نسي كل ما فعلناه من أجله ولا يتذكر وعوده بتحقيق الاحلام، ولكن كل ما يعرفه تسبب الجروح لقلب من أحبه، فهو لا يعرف الحب ولكنه يعرف الخيانة فهنا يكون البعد أفضل حل، وأحيانا يكون البعد والفراق للحفاظ على سلامة من نحب، ولكن أصعب مايكون تحمل عذاب الحب ومحاولة نسيان الذكريات مع من أحببته، لذلك نقدم لكم موضوع ” اشعار حب حزينة عن بعد الحبيب وفراقه مؤثرة جدا” والذي يحتوي على الأبيات الشعرية الحزينة الأتية” شعر هانساكي، وشعر المخدوعة” والتي عبر من خلالها الشعراء عن مدى الحزن والالم الذي لحق بهم من اسر الفراق والبعد عن من يحبونهم فهيا بنا نتعرف على الأبيات الشعرية الحزينة الأتية .
شعر هانساكي:
انا المتساب لكن مانيش شبطان فى فستانك
ولا حتى هاكون ملاكك ولا أقتل بايدى شيطانك
ولا حتى هادور زى زمان على رساله مكتوب فيها عنوانك
لكن هادور على نفسى بعيد عن نفسى
وهالبس توب ماهوش توبى
واصلى كل يوم ركعه وادعى ربنا يقوينى على نسيانك
انتى كنتى الحسنه الوحيده إلى فى حياتى
بقيتى الخطيئه إلى اجتمعت فيها كل ذنوبى
وهانسى الحاجات إلى اتقالت مابينا انا وانتى
هانسى انى كنت اخوكى فى مشاكلك
وصاحبك إلى ماعابشى فى يوم شكلك
وانسى انك كنتى فى الوجع بنتى
واكتب عنك فى كلامى انك أصبحت فى زمن كنتى
وانسى اسم الواد إلى اتفقنا عليه
وانسى رحيل وأمسح ذكرياتك من حياتى
وانسى وحشتينى ولو كل إلى عارفينك قالولك انى ماانفعكيش
وافتكر ولو كل إلى عارفينى قالولى بكره تنسينى
وانسى اتحدى العالم كله وانا وياااك
واقول للدنيا بحالها ان انا هانساك
واعمل مذاد علنى على قلبى وابيعه
واكتب عليه بيت إلى مايعرفش يجرح ييجى يتعلم هنا
هنا بيت الوجع والندم والفرقه يعنى كامل من مجاميعه
هنا المكان إلى اتقابلنا انا وهى مع بعضنا
هنا زكريات وحكايات ومقابلات هنا حب مات
قرب قرب بس إلى يتعلم يضرب من سكات
والى مالوش فى الشرا يجرب ما حايالله مذاد
شعر المخدوعة:
من البدايه خلينا متفقين
الي اوله طين اخره طين
والي اوله نور اخره نور
دا كلام وكله روتين
من البدايه ماتدوريش علي حب مش عايزك
ماتدوريش علي حد مش عايز يقف جنبك
روتين وكلنا عارفين ان الحكايات مابطولش
اخرها يومين بيعدو بسرعه واهي حدوته مابتكملش
يعدي الوقت زي عقرب ساعه حجرها خلص مابيتحركش
من البدايه دا كان اعجاب
كان كلمه حلوه ومكالمة واتس ونظره بريئه من ورا الباب
وشماعه خشب بيتعلق عليها الحب تحت مسمي الاهتمام
حب واهتمام اي دا كله هباب
وحبه لواحده غيرك وحبك ليه دا كان اوهام
وكلامه بالليل معاكي بالساعات
ونك ماتناميش الا لما بسلامته ينام
وحكايات عليه ويا صحابك البنات
دا هو الحب والعشق دا كله تمام
وتسمعيهم مكالمتك وياه وهو بيقولك بحبك يلا سلام
ودا والله مافيش زيه اتنين مافيش زيه في الاحلام
وفجاه حاجات بتتغير
واحساسك بيه وانه بيحبك بقا صغير
وانك ترني عليه متاخر تلاقيه انتظار
“بتكلم مين في اخر الليل
:باكلم صاحبي دا كان منهار
حبيبته حبت غيره فارتبطت
بدبله وخاتم ومؤذون وكتب كتاب
وبسرعه بقوا عن بعضهم اغراب
هي بقت غريبه عليه وهو بيحلم يرجع حبه من تاني
بقا بيحلم انه مايكونشي وحداني
“ودا صاحبك والا انت باين علي صوتك الكدب
ونبرة صوتك متغيره كانك صاحبك هو انت
ياراجل صعب مش هين انك تكون خاين وتتحب
ياراجل خلي عندك دم
بتجرج فيا وتتمادي
وباصدقك كدبك كالعاده
بتحبني ازاي وانت اصلا لسه بتشرب القهوه علي فراقها ساده
لسه زعلان علي فراقها وبتكدب عليا وبزياده
انا ليه لما سالتك كدبت وخلتني احبك
:اه بحبك ولسه بحبك سيبك من الزعل وهنتراضه
وهافضل احبك وباعشق امك كالعاده
وهاقول لابوكي اني باحبك وهنقضي ايامنا سعاده
“انا عن نفسي شبعت كلام
هذا الوجع هيعدي بلاش اوهام
ولو صدفه هنتقابل بلاش تقف تكلمني
بلاش احراج بلاش صوتك بيقتلني
بلاش لسه بحبك وكلام فاضي مابيخلصش
بلاش حكاياتك عني في الشات عشان انا اصلا مابادخلهوش
بلاش رناتك عليا متاخر علشان تليفوني ماباقفلهوش
بلاش نظراتك ليا في الشارع
خلاص بقا ابعد عني وسيبني اعيش
عشان انت اصلا حبيت غيري وماحبتنيش
ولمزيد من المعلومات عن شعر حزين يمكنك الإطلاع على الموضوعات الأتية:
شعر حب حزين جدا يُبكي الحجر من الالم
شعر حب حزين جدا شعر جميل جدا لمجنون ليلي.
شعر حب حزين ومؤثر جدا عن وجع الفراق بعد العشق.
شعر حب حزين عراقي اجمل ابيات الشعر العراقي
شعر حب حزين عن الفراق شعر عامي وفصحى عن فراق الأحبة
وفي اخر الكلام يكون مسك الختام لموضوع ” اشعار حب حزينة عن بعد الحبيب وفراقه مؤثرة جدا” والذي يحتوي على الأبيات الشعرية الحزينة الأتية مثل” شعر هانساكي، شعر المخدوعة”، ففي شعر”هانساكي” فهنا يصف الشاعر لنا محاولة نسيانه للذكريات التي جمعته بحبيبته التي تسببت في جرحه، وفي شعر” المخدوعة” فهنا يصف الشاعر مدى خداع الشاب للفتاة التي أحبته وتعلقت به ولكنه كان يحب واحدة أخرى وكان يتلاعب بمشاعرها طوال الوقت ويكذب عليها ويتفنن في إختراع الأكاذيب ولكنها تعرف بخداعه لها وبحبه للأخري ومدي حزنه لتركها له فتبتعد عنه وتحاول نسيانه .
