هو سعد بن جابر علوش الهاجري يلقب بالمرعب شاعر كويتي من أصل سعودي مواليد 1980، له الكثير من القصائد المميزة، وهو شاعر يتمتع بالاحساس الصادق والعواطف الجياشة، ويعد افضل شعراء جيلة، يختار كلماته قوية ومؤثرة، ونجاحه وتميزة يجعل من الصعب مقارنته بغيرة من الشعراء في هذا العصر، ويسعدنا ان نستعرض معكم الآن في هذا المقال عبر موقع احلم مجموعة مميزة من اجمل ما كتب سعد علوش من قصائد شعرية مبدعة وجميلة، استمتعوا معنا الآن بهذه المقتطفات الرائعة من شعر سعد علوش وللمزيد يمكنكم زيارة قسم : شعر .. ومن الجدير بالذكر ان الشاعر سعد علوش قام باطلاق مسابقة شعرية كبري عبر موقعه الرسمي علي الانترنت، تتمثل آليتها عن اكمال شطر التالي “محتاج لك و الحاجة ام الاختراع ” وهو الشطر الذي تم وضعه من قبل الشاعر سعد علوش نفسه وتم بعد ذلك اختيار القصيدة الاجمل من وجة نظر اللجنة التي كانت مكونة من عضو واحد فقط وهو سعد علوش نفسه، وكانت جائزة المسابقة هي 20 ألف ريال سعودي للفائز وانفردت المسابقه بفكرة نشر القصيدة الفائزة عبر مجلة المختلف الكويتية، وكانت هذه المسابقة في عام 2008 م، اترككم الآن مع مقتطفات مميزة من اجمل ما كتب الشاعر سعد علوش وللمزيد من اجمل القصائد الشعرية المميزة لاشهر الشعراء العرب القدامي والمعاصرين تابعونا يومياً .
اجمل قصائد الشاعر سعد علوش
اخذيي اليـا عجبتـك بـس ردينـي
وان ماعجبتك خلاص اخذيني.. مابيني
مادامني شفت فيـك الطهـر والعفـة
باعيـف نفسـي ليامنـك كرهتـنـي
اخذيني لو اعتبر من ضمـن اشيائـك
وانـا باحـبـك ولا لازم تحبيـنـي
لابي علاقة ولابـي نظـرة وبسمـة
احساسي اني بقربـك بـس يكفينـي
لو اني انضفت لأشيائك غصب عنـك
طلّـي علـي ياغناتـي لاتخليـنـي
تراي لاجـا المصامـد مانـي بهيّـن
تقـول كـن العـرب لعبـة بيدينـي
شخصيتـي مـن غرابتهـا وطيبتهـا
كن الزمن في تحـدي بينـه وبينـي
اخذيني الشاعر اللي ماصـدق حظـه
لاقلت: ياحظ وينك!! قال: ياوينـي!!
اخذينـي المبـدع المتفلسـف التحفـة
مؤمن وتضحك على العالـم شياطنـي
شهرة شكسبيـر وافلاطـون ونيوتـن
لاقلتي بيت شعر تطيـح مـن عينـي
واخذيني العنصر اللي صدق متعنصر
من دون ربعي لـو اقطـع شرايينـي
واخذيني اللي اليا منه طلـب يُعطـى
وتكفيـن لامـن طلبتـك لاترديـنـي
تكفيـن ياغايتـي يابهجـة الدنـيـا
ابحـرق قلـوب نـاس ماتدانيـنـي
اخذيني بكـل شـوق وقولـي: احبـه
وان شككوا فيك ولا فـي.. ضمينـي
قولي: سعـد والله انـه غاليـاً جـدا
وياجعل فدوه شبابـي واخـر سنينـي
وانا باصـدق كلامـك واعتنـز بالله
وباقول: للنـاس مايعنيـك.. يعنينـي
وانا علـي نـذر مارخـص جيتـك
وانتي نذر على رقبتك انك ماتخلينـي
حبيبتي تحفه من النوع الفريد..
لجيت بمدحها اخاف اذمها..
لان المديح بها ينقص ما يزيد..
ولانها خيال وطايش وما همها..
متمرده وبعقل هارون الرشيد..
وفي الزين ما عذرى توقف يمها..
لو قستها مثلا على الجيل الجديد..
تحط حليمه بولند في كمها..
من غيها السادات سواد العبيد..
تحر وتبرك عند ركبة عمها..
ومن غيها لامن تفنت كل حيد..
وده يصير انسان لاجل يلمها..
ومن غيها حتى الدهن عود العتيد..
يسيل في يدها عشان يشمها..
ومن غيها لا من خذت نفس جديد ..
تهاوشت الانفاس على فمها..
لبيها ام الفكر ام القصيد..
لبيها من ضحكها لا غمها..
اللي بقوله الله جعله الحظ السعيد..
والله يخليها لابوها وامها..
قصيدة الطرقات
في الكبد ليعاتها وفي النفس حاجات
حاجات ماهي برغبات وشهوات
ندم على حزن على ماادري شسمه
اللي يكلمك وتكلمه بسكات
ياودي اصرخ من اللي داخلي حيل
وياودي ماتنبس من الليعه شفات
مزحوم تفكير ومشوّش وبردان
وياخوفي من الغضب والانفعالات
تعارك الشر مع الخير فيني
يأثر على اتخاذي للقرارت
ثاقب وألاحظ تفاصيل التفاصيل
كن البشر عري وعيوني مرايات
أفضال ربي علي واجد وأفضل
أفضال ربي علي الفقر وأنكارة الذات
يامجمل الفقر وأشياءه وروحه
تموت منه تعب وتعيشه ازمات
يعلمك ضعفك وبأن عقلك
هو اللي يميزك عن الحشرات
وتعرف بأن هذا لك وذا لغيرك
ولاتفكر ولاتكسّر حسابات
الفقر مفيد وأشياءه مفيده
مليء قناعة وقوة وغايات
يمكن لو أن إنك غني تطغى وتنسى
وتطيش وتطوف الخمس الصلوات
لذلك الحمدلله والثناء له
على الفقر والمصايب والمسرات
يمكن اني فقير بس مانيب تبعي
أجلس ولا أنقاد خلف الاتجاهات
وان ما اعجبتني قناعات الزمن هذا
انا أألف لتفكيري قناعات
شاعر ويسكن في مخي ألف شاعر
ماهم بشعار هالوقت التروفات
اللي يقولون مافي الشعر نادر
وان الشعراء نفس المستويات
لو انهم واحد وبتفكير واحد
ماشفت ناقد ولامعجب وشمات
الله على هالكلام ومن يقوله
الله يقطع سياسة هالمجلات
يعني اللي شعره ملى الدنيا جماهير
مثل اللي يطلق قصده سردة ابيات
لامن سمعت القصيد قلت هذي
سمعتها قبل هذي عشر مرات
يشيل اخر كلام الشطر الاول
ويحطه باخر الثاني وخذ هات
قاف متكرر ولا فكره ولاشي
يبني القصيده على تفكير بنات
وبه نوع ساذج على شان يتميز
يصرخ ويعمل بيدينه حركات
والمرء عدو مايجهل لذلك
هالشعراء يكرهوني انا بالذات
الله يخليني لشعري وأصونه
وأحرق به كبود شعار المسجات
أجذب به أذواق حكام الجزيره
وازرعه في عقول فتيان وفتيات
أركبه جن وأمارسه بجنون
وأشبعه فلسفات وإبتكارات
وأعلم الجيل هذا واللي بعده
جودة الاطاله وفن الاختصارات
ووشلون احرث صخر فكري وأخلي
بيني وبين اقرب منافس مسافات
الشعر في نظرة أغلبهم مصالح
فلوس وشيوخ وبنات ولقاءات
وفي نظرتي الشعر روح وروح حرة
ماتخضع لشف واشخاص وقياسات
الشعر ماتقشعر له الأبدان
ومايسرق من الكلمات الكلمات
تقراه في عيون شاعره وتحسه
يفتح له في جلد يدينك مسامات
ردد قصيدي ياجمهوري وصفق
وعلمهم ان الغلا ماهو خيارات
وتعال نسرح سوى في شي عندي
واخاف لا ابكي وتبكيني العبارات
حزين جداً ومتعومس وخايف
أحس كني على مهوى نهايات
حبيبتي اللي أغليها وابيها
راحت وقالت بجي وللحين ماجات
ما اذكر اني مسوي شي لكن
الحب اذا زاد يسبب حزازات
والصبر صبر القلوب البيض وادري
يامصعب الصبر لاقد به محاتاة
دمرني الشوق واستنزفني شعور
وتعبت اثبت وجودي داخل شتات
تمر كل الوجيه بدرب عيني
نفس الملامح ونفس الابتسامات
حبيبتي طاغيه وبشكل طاغي
صديقة الليل واجناب البنايات
من وين ما افتر لاهذا وجهها
على الطرقات وأضواء السيارات
يابري حالي عليها بري حالي
عليها يابري حالي عشر بريات
لأني أحبها فعلاً وجداً
ماهي محبة رفث ولا اتصالات
احس كني أبوها او أخوها
أدرى عليها من العالم مدارات
واللي سواتي يحب وخايف الله
يعرف معنى معاناة المعاناة
الحزن في بعض الاحيان أزدواجي
وجميل لاصار من تجنيب غلطات
من خلا حاجة لربي عاضها خير
منها واحسن دبلات الدبلات
وانا ما ابي غيرها ولا التفت له
السيده لا رجعنا للسيادات
جعل امها اتوافق ان جيت اخطبها
تكفون دعواتكم يا اهل الدعوات
قدمنا لكم الآن في هذا المقال عبر موقع احلم مجموعة مميزة من اجمل ما كتب الشاعر سعد علوش من قصائد رائعة واشهرها قصيدة الطرقات المميزة، نتمني ان تكون قد نالت إعجابكم ولمحبي قراءة الشعر العربي تابعونا بشكل يومي عبر قسم : شعر حيث نحرص دائماً علي تقديم اجمل القصائد الشعرية المميزة .
