من أسوء اللحظات التي تمر على حياة الإنسان هي لحظات الحزن والفراق فراق الاحبة اصعب انواع الفراق والحزن عموما هو من اصعب المشاعر الإنسانية التي تمر على البشر حيث ان كطعنه بداخل القلب شيء يخترق القلوب ويجعل من شفائه أمر مستحيل وكلنا نعلم ان اصعب انواع الحزن هو الناتج من فراق الاحبه ، فذلك النوع من التعب ووجع القلب يعصره عصرا يجعل الأشخاص تجاهد في سبيل وصولها ، وان الحب هو من أصعب أنواع المشاعر التي يمكن للإنسان أن يمر بها على مدار حياته وذلك بسبب ان الحب مختلط وخليط من مشاعر العطف والحب والحنان بل هو اكثر تعقيدا من ذلك وذلك لان يتخلل القلب والروح والجسد ولذلك سنسرد لكم اهم ابيات الشعر العراقيه الحزينه التي تتحدث عن الحب.
شعر عراقي حزين عن الحب للاحبه والعشاق.
- شفتك بالحلم
شفتك بالحلم فزيت ادور عليك
نسيت انة صحيت وبالحلم عفتك
اعاين بالوجوه وانت ما موجود
ما معقولة يمي وإني ما شفتك
شلتك بالكلب يوم الجنت موجود
ودمعة بالجفن يوم الرحت شلتك
ما ردتك دمع وتساير الخدين
انة عون وذخر بالدنيا الي ردتك
وحشة البيت بعدك ارجع أترجاك
وحشني بيك كولشي حتى سالفتك
ولو ادري جيتك جيت مودعين
جنت ع الأقل هميت جنت ودعتك
ما ادري غفل عن عيني راح تروح
ويخلص بالعجل ما جنت اضن وكتك
- لسان حال صديق الشهيد الذي تلقى خبر استشهاد صديقه
(( قصيدة نص مفتوح نثريه ))
رايح وين
بعد حضن السواتر ماشبع منك
وردت منك..
صوره لابس قاط بيهه وبيدي ازفنك
واصفكَلك واهوس
هوسه ماسامعهه بس من شفة أمك
#ياصديقي
الماكَعد ويانه غير الساتر
شكَد بجينه احلامنه
صح تلاكَينه بحرب .. وبالدرب
#للموت نمشي بس جميله ايامنه
تضل يتيمه البندقيه اخلافنه
#يعريس عله حور العين
وين تريد
خليني اشم عطرك واودعنك
يماي اتبده من ايدي شلم منك
وبقه اخر طلب عندي
بقت بس #الصور عندي
مروتك منهه اطلع خل اشبكَنك
مروتك منهه اطلع خل اشبكَنك - كُـبـر جــرح الـيـحبك مـا بـعد يــنـشـد
أعـيـش شـلون؟ إذا كـل الـصبر يـنفد
أعـيـش المن؟ اذا باب الوصال انـسد
صحـت ويـنك ردت بـعيـونك اتـعـبّـد
صحت وينك انه بحاجه لنظر وجـهك
أدور بالـبـشـر مـــا واحـــد يــشـبـهـك
سـنـيـنـي بـفـرگـتـك لا مـو عُـمر تـنعد
صـلـب عــــودي لان بــسـدك اتــلــبـد
وأحــس هـسا أريـد الـگومتـي مسند
أريـد أحـچـيـلك ومـن كـلـشي أتـجرد
وأخـبـرنـك تـغـير كـلـشـي مـن بعدك
بـشـرنه مـو نـفـسـهـا الچانت بعهدك
تـغير كلشي حتى جروحي ما تضمد
خِــرس حـتـى الـلـسـان الـگـبـل غرد
وأخـبـرنـك غـــيـابـك للـحـزن جـسّـد
صـرت بـعـدك ذلـيل ومـا الــي أحــد
أحس وحدي أحس كل البشر ضدي
صـبـر شـهدي أريدك تـوگـف بسـدي
نظر عيني لمثل شخصك أبد ما صـد
عـيـون الـفـگدتك من حگـها لو ترمد
أريـد انـفـاسـك اشـتـمـهـا مـن اتنهد
واذا مو عطرك اشتمه النفس يخمد
عـفت بعدك گلب ما بـي نبض لا دم
رحـت عـني وعفتـني شـلون أتأقلم
أشـوف بغـيبـتك لون الـفرح أسـود
على احـوالي اذا تـسألني هاك الرد
تحت جـفـني الـحزن بعـيوني يتأبد
جـمر بُـعدك أريــد بـشـوفـتك يـبرد
جـروحي بـشـوفـتـك تـتلايم وتبره
اعـذره الـي يعاتـب لو خلص صبره
أمس چنت بدلالك ما يحدني الحد
صـرت بـعـدك يـتيم وضـايع مـشرد
گـبل مـا چـانت دمـوعي تزور الخد
صـبح خــد الـتـبـوسه للـدمـع معبد
نـظر عـيـني حلم من صورتك شيد
وأحـافـظ عالحلم واتـمـنـه يتجدد
شعر عراقي مؤثر وحزين عن الحب والاحبه .
- يقي على ساعدي الدموع و شدي على صدري المتعب
فهيهات ألا أجوب الظلام بعيدا إلى ذلك الغيهب
فلا تهمسي / غاب نجم السماء ففي الليل أكثر من كوكب
**
وهل كان حلم بغير انتهاء و هل كان لحن بلا آخر ؟
لكي تحسبي أن هذا الغرام أبيد الرؤى … خالد الحاضر
و أنا سنبقى نعد السنين مواعيد في ظله الدائر ؟
**
على مقلتيك ارتماء عميق و ذكرى مساء تقول ارجع!
نداء بعيد الصدى كالنجوم يراها حبيبان في مخدع !
يكاد اشتياقي يهز الحجاب و تومي ذراعي : هيا معي!!
**
سأمضي … فلا تحلمي بالإياب على وقع اقدامي النائية
و لا تتبعيني إذا ما التفت ورائي إلى الشمعة الخابية
يرنحها في يديك النحيب فتهتز من خلفك الرابية
**
ستنسين هذا الجبين الحزين كما انحلت الغيمة الشاردة
و غابت كحلم وراء التلال بعيداً.. سوى قطرة جامدة
ستنثرها الريح عما قليل و تشربها التربة الباردة
**
ورب اكتئاب يسيل الغروب على صمته الشاحب الساهم
وأغنية في سكون الطريق تلاشت على هدأة العالم
أثارا صدى تهمس الذكريات إذا ماانتهى همسة الحالم
**
غداً.. حين يبلى وراء الزجاج كتاب عليه اسمي الذابل
و تنفض كفاك عنه الغبار و يخلو بك المخدع القاحل
سيلقاك و جهي خلال السطور كما يسطع الكوكب الآفل
**
إذا ما قرأن اللقاء الاخير تمنيت, في غفلة هاربة ,
لو استرجعت قبضتاك السنين لو استرجعت ليلة ذاهبة!
و لكن شيئاً حواه الجدار تحدى أمانيك الكاذبة4
- ميّت أنه
ولا خط يجي عن موتك
سوده وحشتك يَولِدي حرموك من تابوتك
مشجوله ذمته المرمرك
لا تبري ذمته مروتك
ما ناح طير على الشجر
إلّا اعله نغمة صوتك
حيل ادلهمت يا نبع ﮔلبي وﮔمرنه امدمّه
إبموس الخناجر تاكل بلحمه وتفطر النجمه
عميه وتدور رويحتي إبيابير أدوّر يمّه
وما ظِن بعد تطلع شمس وتزول هاي الغمّه
وفرﮔاك فتّ إمرارتي وضاﮔت عليّه الـﭽلمه
لا ﮔبر وتهدّل إله
وألهم ترابه وأسأله
الـﮔلب صاير كربله
ولا خط يجي عن موتك
يتنفس بشفته الورد والنجم غافي برمشه
هد حيلي موتك يا حلم يبّس الطير إبعشّه
إنـﭽان متّ بلا ﮔبر آني ﮔبر يتمشّه
بلـﭼن تفِز إرويحتك يوم وتطير الوحشه
وألـﮕاك أقفلك بالرحم وأنطيهم إذن الطرشه
ما رد حلم عايف هله
وصدره تراب ومنقله
الـﮔلب صاير كربله
ولا خط يجي عن موتك
وما تخلص إﮔبور البلد دفّان ينخه إبدفّان
ومشلّه اشليله الشفل ويطمها عدله الشبّان
يا ريت ما شفتك ولا هلهلت يمّه النسوان
يصل عظمك إبسنّ الشفل وتاكل إبعيني الغربان
وأوﮔع وتلّ إرويحتي وأﭽبّح إعله البيبان
ما رد حلم عايف هله
ولا طير يعرف واسأله
الـﮕلب صاير كربله
ولا خط يجي عن موتك
- هجر لاتخون ولاتصدم گلوب
تره أحنة بشر صدگني مو لعبة
إذا نيتك دغش لاتخدع الناس
وإذا عادي تخون تره عالغير صعبة
إذا متحب تستقر أدمر الحبك ليش
وتتلون لمصلحة سوء وتمثل أتحبة
ترى الصورلك حلم صدگني چذاب
مثل طبعك ترى يغدرك بس تغفه
على نيتي وكشفتك ومتورطت بيك
واشكرالله النقذني من عينك الصلفه
ظل هيچي ذليل وحيل الجرة وياك
تدمرك حوبتي حيل وبيك تتشفة
وفي نهاية المقال نتمنى ان تكون اعجبتكم المقالة والتي فيها تحدثنا عن أسوأ المشاعر الإنسانية التي يمكن للإنسان أن يمر بها وهي مشاعر الفراق التي قد تمزق القلب وتؤدي لاكبر المشاكل التي قد تؤدي لمراحل مختلفة من الحزن الشديد ومن أهم مسببات الاكتئاب هو الفراق فالفراق هو من أشد المشاعر المقيته للانسان وذلك لان عند الحزن تقلل معدل نبضات القلب وفي النهاية يجب ان يعلم الانسان مدى اهمية الحزن حيث انه هو أكبر الدوافع للنجاح والنضج الإنساني ونتمنى ان تكون نالت المقالة على اعجابكم.
