شعر عن العراق قصير وحزين كتابة

قلما عرف التاريخ بقعة على وجه الأرض مثل العراق ، إنه مهد الحضارات ، إن العراق شمس الروحانية وأرض العلم ، وموطن معظم الصالحين ، إنه قبلة للعظماء ، دولة العراق جمعت المجد من كافة أطرافه ، وتمكنت من حفر اسمها بحروف من ذهب على صفحات التاريخ ، حتى أصبحت تلك البقعة الأكثر تميزاً ، وإشراقاً من بين بقية بقاع الأرض ، وعلى الرغم مما تمر به البلاد حالياً إلا أنه يزال الخير باقياً فيها إلى آخر الدهر ، وقد تغنى الشعراء على مر التاريخ بهذه الدولة العراقية ، وفيها كتبوا القصائد والأشعار المؤثرة التي تحمل بين طياتها معاني جميلة وعظيمة ، وفي هذا اليوم يسعدنا أن نقدم لكم متابعينا مقال بعنوان شعر عن العراق قصير وحزين كتابة ، سوف نضع بين أيديكم في هذا المقال اقتباسات منتقاة من أقوى ما جاد به الشعر العربي من أبيات قوية في دولة العراق.

أشعار حزينة عن العراق:

صح العراق انجرح بس هذا مو مقياس

النخل من ينجرح مايشتكي من الفاس

مادام اسمنه علم يعني احنا احنا تاج الراس

ينقاس بينا الذهب مو بالذهب ننقاس

علمني جرح الوطن اضرب مثل للناس

الخوه مو بالعدد الخوه رفعت راس

**

متكفي الفلوس .؟ كروش عدنه كبار
آضن حتى الهوه من عنده ماخلصان

مثل وكفه يتامه منك احنه نريد
دخيلك يا علي منريد كلشي الجان

**

يكولون العراق انتهى وراح

اكوللهم لا لي هسة عطره يفوح من القداح

يكولون العراق الم وعذاب وجراح

اكوللهم الفرح موجود وبيدنا المفتاح

يكولون شلون والعبوات والمفخخات وكل واحد شايل سلاح

اكوللهم إذا صرنا كلب على كلب

وأيد وحدة نبني بلدنا وننشد موطني بعالي الصوت وصياح

ونكول للعالم إلي تراهنوا على نهايتنا

المستقبل إلنا وكل همنا زاح

قصيدة حزينة عن العراق الجريح:

1. مل مني القلم ومن القلم مليت
2. عمت عينه قلمنه الما نفع شِعره
3. تعب حته الشِعر ويه العراقيين
4. وصار بحال اهلنه وبالعراق ادره
5. رسمت حروف العراق برسم فنان
6. وجمعت اربيل والانبار والبصره
7. وگلت لازم حروفي توحد الخوّان
8. ما معقوله هيچ تصير فد مره
9. ورديت ولگيت دموع عالوجنات
10. حروف الي رسمتهه اليوم متطشره
11. كردستان تحچي بزودهه وتگول
12. احنه العاصمه وبغــداد متأخره
13. والانبار شالت سيف عالخوان
14. لو ليه الحكم لوفلّش الاسره
15. والبصره تگول احنه نريد اقليم
16. ومن نفط العراق الكُم فقط عُشره
17. وشفت للفتنه والله العراقيين
18. دون حروف جر يا ناس منجرّه
19. مذبوحه المحبه وناس تكره ناس
20. سويه الي يحب والقابض الجمره
21. حته الورد ما يرضه بعد بالماي
22. من دمنه تريد الورده والشجره
23. رقم جبنه قياسي بالقتل والموت
24. وصرنه اول شعب نص اهله متهجره
25. نهر دجله يـا ناس من الجثث غرگان
26. خلي نمد ادينه لدجـــــــــله وانجرّه
27. على جثثنه ادور هالفضـــــــــــائيات
28. ياهو الي يصــــور ياخذ الاجــــــره
29. معصوبه العـــــيون مچتفه الايدين
30. وانواع الرصاص يچوب بـــــصدره
31. لا اهله اجوي وچــــــــفّنوا بچـــفان
32. مجــــهوله الـــهويه ومن درة بأمره
33. اذا امّه الــــحنونه الصايمه برمضان
34. ما اكــــلت اكلهه وبقت تـــــــنتضره
35. تنــــــتضره يرد وتريد تحــجي وياه
36. اثاري العيـــــــــد لازم ينگطع مهره
37. لان باعت ذهبهه بشارع الصياغ
38. حته تزوج ابنهه الما فرح عمره
39. ما نامت بقت سهرانه كل اليل
40. ايا ليل العراق الما بزغ فجره
41. وما جاهه صبر طلعت تدور عليه
42. مثل طلعة حمامه بعينهه العبره
43. وما شافت ابنهه وجاهه ملك الموت
44. تعرف شنهي يعني تموت بالحسره ؟؟
45. معناها الفرح صاير مثل رجال
46. شايل ورده بيده وخنجر بضهره
47. معناها عراقك كاتل ومكتول
48. سوده گلوبهم وعقول مفتره
49. وكل هذا ويگلي احنه العراقيين
50. سنه وشيعه عشنه الحلوه والمره !!
51. لا والله چذب احنه العراقيين
52. سنه وشيعه مثل الضره عالضره
53. ملينه الچذب وليمته وليا دوب
54. واقع حال لازم نخضع لامره
55. ملينه الچذب وليمته وليا دوب
56. قصايدنه اجت للناس متأخره
57. نعم خوان احنـــــــــــــــــــــه
58. نعم خوّان احنه وياك آني بهاي
59. بس مو من بعد تفجير سامرّه
60. بعد تفجير سامرّه العراقيين
61. مثل فلم الرعب ودمايته الحمره
62. مو فتنه صحيح الصايره ابّغداد
63. سونامي الفتن بغداد منتشره
64. قتل مو عالهويه هواي متوهمين
65. صارت عالاسم گص راسه ويشمره
66. واليگلي تبالغ انته حيل بهاي
67. جبت حجه ودليل وياي هالمرّه
68. اتحده بكر واتحده ابو الخطاب
69. افن واحد البيهُم يوصل الثوره
70. واتحده على واتحده هم حسين
71. اذا فلوجه طبهه ومنكسر ضهره
72. صـــــــــفر كل النتايج للعراقيين
73. بس بالفتنه جابوا عشره من عشره
74. هذا يگول سني ناصبي اغتالوه
75. وهذا يگول شيعي رافضي نكفره
76. ضلّوا بهالسوالف يا خزي ويا عار
77. واسرائيل علگت نارهه الــــــكبره
78. يول وين الــــــــشرف گدامكم بغداد
79. شــــــگّوا ثوبهه واخذوهه متأسره
80. غتصبوهه الكُفر … ما تسمعوهه تصيح
81. آنه ام الــــــــــــشرف واليوم مو عذره
82. بعد والله ما يــــــــــــــنفعنه قيل وقال
83. لات كـــلشي انتهه وانكــــسرت الجرّه
84. مرحوم الـــــــعراق استشهد من سنين
85. يا وسفه صفـــت أشلائه مـــــتنثره
86. متنـــثره بمزابل يمـــهه كوم چلاب
87. اكلت من لــــــحومه وما درت سرّه
88. صــــير وياي بس هالمره اترجاك
89. عيب من الــــــــــــعراق اليوم نتبرّه
90. صعبه بمزبله جثة الــــــــعراق تصير
91. خلي نشــــــــــيله منهه وندفنه بگبره

أشعار حزينة بالصور:

للمزيد يمكنك قراءة : شعر عن العراق

للمزيد يمكنك قراءة : شعر عن العراق الحبيب

للمزيد يمكنك قراءة : كلام اشعار حزينة باللهجة العراقية

إلى هنا متابعينا الأعزاء متابعي موقع احلم نكون قد وصلنا إلى ختام مقال الليلة وقد تكلمنا ودار حديثنا فيه عن شعر عن العراق قصير وحزين كتابة ، جمعنا لكم كم كبير جداً ومجموعة ضخمة من أقوى القصائد وأجمل الأبيات المكتوبة في العراق ، فقد أرفقنا لكم ثلاثة فقرات مميزة ، وضعنا في أول فقرة منهم أشعار حزينة عن العراق ، وفي ثاني فقرة قدمنا لكم قصيدة حزينة عن العراق الجريح ، وختمنا حديثنا بفقرة بعنوان أشعار حزينة بالصور ، وختاماً لا تنسوا مشاركتنا أجمل بيت استمتعتم بقراءته أو لو كان في جبعتكم بيت شعر قوي عن العراق لا تنسوا وضعه في التعليقات.