أشعار شوق وحنين للأحباب 3 قصائد قمة الرومانسية

ماكنت في قلبي ولا كنت فـ البال
توّي عرفت انك فـ عمري حقيقه
شفت البحر وشلون يشتاق للجال
هذاك شوقي لا فقدت دقيقه !

فاض من قلبي شعور الشوق لك
وأنت حاضر كيف لاغبت ورحلت
والله إني كـل ما جيت أسألك ؟؟
عن قدر نفسي رحلت ولاسألت !

*في طلتك تزهر مداين حنيني
وتنبت على جال التعب زهرة الشوق
حلفت لك وحدك براحة يميني
والناس باليسرى على ذمة الذوق

*اشتاق في غيبتگ وافرح اذا جيت*
يعني على ما ظن شكلي احبــــگ

عاتبوني و المعاتب بـ سلم العاشقين
ما يجي الا من محبه ومن قدر و غلا
ادري ان الشوق فضاح و الخافي يبين
و من تعود قول لبيه ما يضبط هلا♡

من زمن ماقلت لي عطني يدينك
لا خذاك الشوق لـ عيوني و شفته
رغم كل اللي حصل بيني و بينك
ما أنكر إنك أجمل إنسان عرفته

*عذبني الشوق وآسرفت بخيالاتي
روح تحبك دخيلك ليش .. تهمـلها،،

أبسألك
*كيف أقدر أرتآح وأنآم
وبين الشهيق وزفرة الشوق غصّه
شفهآ جروحي
*لآبدى وقت الأحلآم
تأخذ لهآ في مسرح الحلم رقصه

روّح علي من ليل الأشواق ثلثين

واقبل عليّ ثلثٍ طوا ضيقتي طيّ

عقب الهموم وظلمة الليل والبين !

تنويرة الهاتف ملت ليلتي ضيّ

البارح اضوي به وادوّر على شين !

والحين نوره مالي البيت والحيّ

حي اتصالك يوم جاني على الحين

الفا يقدّيني عن الطيش والغيّ

يامرحبا يا صوت اشاهده بالعين

صوتٍ رسم طيفك بلوحات عينيّ

في ذمتي يا سيد كل المزايين

صوتك مثل ما أخذتني ؟ … رَدني ليّ

تنشد عن احوالي وانا اقول لك : زين*

ماغير جرحٍ وآخر علاجه الكيّ

أتعبني ان الحب ما بيننا بين*

والمجتمع باقي على وصلنا عيّ

بس التعب فدوه .. وحن أجل اثنين

تعبك يالغالي مثل شربة الميّ

يرخص لك الغالي .. ويهدا لك الزين*

تامر عيوني ؟ هاك هذي قبل ذي

في خاطري يا مهجة القلب بيتين

دامك بتقفل قبل الآذان بشويّ

حق الأذان وحق صوت الملبين ؟*

لك في خفوقي شي .. لا ماهو ب شي

اشيااااااء .. لكنّي باعلمك شيئين :

شوق و محبه …. موتتني وانا حيّ

تجيني طيف يا عمري.. على جنحان شوقـي لـك
اخاف ارمش من عيوني..! وابعثر جيت وصالـك*
…*
حبيبي لا تجيني قول.. وين انت؟ وانا اجـي لـك
ابيك تقول وين انت.. وعلى عيوني انا اسعى لـك*
…*
وربي فوق روس الشوك.. لا اخلي القلب يمشي لك
واخلي ظلالي يسبقنـي.. قبـل يحضنـي منزالـك
…*
ثواني بس.. ابتهندم.. من عيونـك وابهـدي لـك

في عينـك ضحكـةٍ حتـى تكحـل عيـن عذالـك*
…
يقولوا الناس: بغيابي تشب القلـب ويضـوي لـك
حنيني ومن وهج شوقه.. يميـل القلـب لا مالـك*
…
قضى دمعي من عيوني.. ابي من عينك ابكي لـك
ابنثر من ورا عيوني.. دمـوع عيـون ترحالـك*
…
تعبت اهرب من الاشيا البسيطـه مـن تفاصيلـك
تعبت اسأل زوايا البيت.. عن اول واخر احوالـك*
…
وحتى الشوق من صبح الدرايش قام يهـدي لـك
عصافير الرضى ترفـرف علـى بيبـان مدخالـك*
…
هنا ترمي صباح الخير.. قبل لا تروح وادعي لـك
وهنا تضوي مساء الخير.. في عيني مـن هلالـك*
…*
انا من الليل يقطفني.. شعوري لـك واغنـي لـك
انا من الصبح يليّلني الحزن.. مـن لـون موالـك*
…
حرام الليل ماهو ليل..! اذا مـا كنـت فـي ليلـك
وحرام الصبح ماهو صبح..! اذا ما كنـت فظلالـك
…
تروح وقلت: احط روحي.. علـى كفـي واناديلـك
نزعت العمر مـن شفـت الغـلا بالـروح نادالـك
…
بربك قول: وش سوى الفـراق بوجـه منديلـك؟؟
تسيل الوان طيفي فيـه الـى مـن البكـا سالـك
…
حبيبـي لا يبكيـك الفـراق ولا يـهـد حيـلـك
اخاف الدمع من عينك يجفف صورتـي ببالـك..!*
…
تعال احتاج اسولف لك عـن الايـام واشكـي لـك
وافض غيم الحزن وانثر حنيـن الشـوق بقبالـك*
…
تعال وحـط فـي قلبـي همـوم الفرقـا واشيلـك
لان القلب ماهو قلب اذا فـي نبضـه مـا شالـك*
…
وقف دمعي من عيوني.. ابي من عينك ابكي لـك
اخاف ابكي من عيوني..! وابعثر جيت وصالـك..!
……………….. ………….

أشعار حنين واشتياق

إشتقت لك بالإمس واليوم مشتاق
وباكر إن شفتك يزيد إشتياقي
لجلك زاد الحب وزادت الإشواق
وزاد من بين الضلوع إحتراقي
الله جمع فيك الحلاوه والأخلاق
مثلك لو دورت ماني بلاقي

**
يالبيه ياللي هزك الشوق يالبيه
حر الشوق يجمعنا ونرجع كما كنا

كلام الحقيقه فاقد الشي مايعطيه
وحنا فقدنا اشياء تبيها العرب منا

كل شي يهون إلا غيبتك عني
كيف أعتذر لقلبي وكيف أداري غلاك
في غيابك وش اللي تاخذه الناس مني
مادام قلبي والمشاعر معاك

مستحيل أتخيل الدنيا بلاك
*أنت لي* مادام لي قلب خفوق
جاك قلبي يالهوى مليان جاك
وأجتمع حبك ودمي في العروق