أشعار عراقية حزينة عن الفراق والبُعد معبرة جداً

الحزن هو ضيق ثقيل جداً على الإنسان في دنياه لا يكد يفارقه، فهو شعور طبيعي تجاه كثيراً من المواقف والأمور، فلا يخلوا إنسان من المشاعر والأحاسيس، فعندما نحزن نبحث عن شيء ما يعبر عما بداخلنا ننفث من خلاله عن آلامنا وأحزاننا وطرق التعبير عن الحزن كثيرة منها كتابات بعض الكلمات تلخص فيها ما تعانيه أو تأليف مجموعة من الأبيات الشعرية أو القصائد.

فالحزن شعور صعب جداً وعلى كل إنسان أن يتخذه عدواً له حتى لا يتمكن منه ويتيقن بأن لا جدوى من البكاء والحزن، وفي هذا الموضوع سنقدم لكل متابعينا الكرام أشعار عراقية حزينة عن الفراق والبُعد معبرة جداً، سنضع بين أيديكم كم كبير وهائل ومقتطفات حزينة من أروع ما كتب وألف الشعراء سنقدم قصائدنا اليوم باللهجة العراقية الجميلة وحتى لا نطيل عليكم تعالوا نقرأ تلك الأبيات المعبرة.

شعر حزين باللهجة العراقية:

لاتحزن بعد وتبچي على الراح
وعوف ادموع عينك لا تبديهه
ووگف على الجرح لاتصرخ وياه
وراح اكتب قصيدة والك اهديهَ
مدينة الم روحي لاتظــن ترتاح
وانه ابن المدينة وتيهت بيه
يل عندك جرح وتگلي مجروح
انه جروحي فاضت وين اودّيه
*****
فـاهي اللـيل يمـهم حتـى مابي لـون
ولا بـي طيـف يرهـم عالجـفن رسـمه
ماصـخ مسـتحاهم وآني مالـح طيــب
اليتبده وي غيــري بـروحـي مالمـه
بيها آعــناد روحــي وي الهـوى من يفوت
اذا يثـكل علـيّ لو مــوت مــا شمه
*****
اليذكروني عفتهم لجل شوكي وياك
واني اتذكّرك وانت الي ناسيني
بايعني برخص واني بغلاة أشريك
مو انت الگلت بالروح تشريني ؟
روح وداعت الله بس أگلّـك ها
الي رب كريم الصبر ينطيني
*****
هاك أخذ جرحك بعد ما أشتهيك
وكلمة انه اهواك تحچيها
وبس أوخر عنك اسنينك تطيح
اسنين عمرك .. عمري لمتجيها
ابگـاع خدينك أنه العاكس ضواي
آبمعنى آخر …….. انه لمحليها
ذكرياتك صارن … الطف ويزيد
حيل اكرهك من يمر طاريها
*****
أقبل رجعتك بس عندي كومه شروط
أولهن تردلي سنين محسوبه
وثانيهن شبابي الهدر بين أوراق
وسهر ذيـچ الليالي المالهن حوبه
وثالثهن دموعي الصبّن بفرگـاك
على كل دمعه أفصلك فصل منهوبه
ورابعهن تروح تسكّت الشّمات
وتگلّهم حيل أحبّه وأبقه محبوبه

من أروع ما قرأت:

تعال وياك أخذني وخـــــل نروح آبعيد
ونعيش الفرحه كافي وخل نعوف الهـمّ
تعبنه الوكــــــــــت والقدر بينه يدوس
مجروحين آحنه والجرح يلجـــــــــــم
محد بينه داري وعذبانـــــــه الحــآل
وألك هذا الحچـي يـلّ وحــــدك آلتفهم
كل شي يخـون بينه لكن انّـه ويّـــــآك
أبد منخون حبنه وربك اليعلـــــــــــــم
*****
تعال ولا تظني عليك زعلان
چا هو الگلـب من نبضه يزعل
صدگني أبد ما همني الصار
ولا زهرة محبتك عندي تذبل
مو انه دفنتك حدر العيون
أشوفن بيك ساعه وبيك آندل
عذبني هواك ومرمر الروح
وآگـولنّ ما يهم هو يتدلل
*****
يدك براس حبك يزغيرون
وآحن لحرورتك حنين النوك
حقي ارتبك ووگوع من أﻻگيـك
رمش عينك يفهي العدهن الطلوك
الشمس شتعودلك شويچوي ملكاك
دفؤ زنودك على المستبرد يلوك
حايط بابكم معذور إذا طاح
الله يساعده بكل لحظه مدگوك
*****
ليش تبچـي …. الناس أجو سألوني
جاوبتهم …. هذا حظ آعيوني
گالــــوا آضحك …
عوف دمعك …
حيل آضحك …
خل نسمعك …
توني أجيت اضحك .. واجو بچوني؟؟
*****
روووووح گتلك ليش أخذت حچايتي !!!!!!
سوالفك والليل سلبن رااااحتي
دمعي طاح وعاذرك
ومن اصلي الخاطرك
(هيچ أگولن ربّـي رجعه بداااعتي

مقتطفات:

إنخاف ما نحچي الحقيقه
أيعـذرونه أيجوز
بأنواع العقاب
أنخاف لو مطنه اللثام
أنروح بيها
لو كشفناه النقاب
سافرينه وأحنه مجبورين
لا بد أن نسافر
أنجبرنه أعلى الغياب
سافرينه أويانه أخذنه
ذكرانه مليانَـه حزن
ومجسّــمه بصورة عذاب
*****
الله مايهديچ وتحبيني
أستحي من الشيب خليتني
من أشم عطرچ عشر مرات أموت
عا لجمر مشلول مشـيتيني
الله ميهديچ وتحبيني
*****
ﻻ‌ تحچي بعنف من تنصح الناس
آبدي بعيب نفسك يلّـه تتكلم
الگدامك بشر مو كومة آحجار
لذلك من تجرحه تشوفه يتألم
آبدي بكلمة طيبه ورقّـة واحساس
حتى يحب حديثك ومنّـه يتعلم .
*****
آني ما أخون ربعي
حتى لو خانو
وإذا هين عليهم
هم ما هانو
چانو على الاقل
ذاك الوكت زينين
وراح اسكت
لخاطر كلمه
الچانو

*****
انا عيوني تسولف عالغرام ويّــاك
ومن عيوني أعرفك تفتهم قصدي
ما أحب الوكت لو خلص بلــيّاك
بالقرأن محد حبك بگـــــدي
وإذا تنساني صدگ آني ما آنساك
لأنْ غيرك محب بالدنيا ماعندي .
*****
مو كل اليحب آيعيش فرحان ..
اكو واحد يحب بس هو يائس
واكو لمن يحب آيصارع الموت ..
ميهمه يصارع ألف فارس
ينشدونه آعله قيس وليلى كل يوم ..
أشو محد ذكر بالعشــگ عابس

إلى هنا متابعينا الكرام متابعي موقع احلم نكون قد وصلنا إلى ختام مقالة الليلة التي دار الحديث والكلام فيها حول أشعار عراقية حزينة عن الفراق والبُعد معبرة جداً، جمعنا لكم مجموعة كبيرة جداً من أبيات الشعر الحزينة التي ستعبر عما بداخل قلوب كل متابعينا، فقد أرفقنا مجموعة من الفقرات تكلمنا في أول فقرة لدينا عن شعر حزين باللهجة العراقية، وفي ثاني فقرة قدمنا مجموعة من أبيات الشعر من أروع ما قرأت، وختمنا موضوعنا بفقرة بعنوان مقتطفات، متمنين أن نكون قد وفقنا في التعبير عما يدور بداخل كل شخص حزين من خلال هذه الأبيات المعبرة.