محتوي الموضوع
الشعر يتميز الشعر بكونه فن مميزا عن غيره من الفنون حيث انه يعبر عن حالة الشخص سواء كانت حب او حزن وشجن او غيره عن طريق الكلمات فقط وكان موطن الشعر والشعراء هو شبه الجزيرة العربية حيث كانت تقام مسابقات خاصه للشعر ومن أشهرها مسابقات سوق عكاظ حيث كان يجتمع الناس في دائره شعريه ويبداء الشعراء بمبارزة بعضهم البعض ولكل شاعر فن مميز عن الاخر وتنوع الشعر في اشكاله والوانه من مدح وذم وغزل وغيره ولكن الشعر مر بعصور هام وكان من أهمها الشعر في عصر العباسيين التي كان مركزها العراق فتطور الشعر بدرجة كبيرة جدا في العصر العباسي وذلك كان نتاج تلاقي الثقافات واللغات وتواجد مواضيع شعريه مهمة للشعراء للتحدث بها ولذلك سنلقى الضوء في هذا المقال على شعر عراقي من الطراز الشعبي.
شعر عراقي جميل وروعه .
- طفل مالعب حاله حال الاطفال
صينيه ابدايه ومحزم احزام
وي ربعه تواعد يلعب اليوم
حل من الشغل ومن التعب نام
- تيهت دربي وتهت لمن شفت شامتك
ولا تبتعد ياولف يفرح ولك شامتك
شامات على الخد شفت بس باصدر شامه تك
صورك رب العرش وبيك الحسن دكه الك
وسواك مثل الكمر وبلحنج حط دكه الك
ومن يدك كلبي اعتقد دكه اللي ودكه الك
يلي بيك عطر الورد شكد طيبه ياشمتك - ارسمتها وكالت ابحضني تنام
يبني هاي ابلادي والله اجمل ارض
راقبتها وبعدمتخلص الصلاة
اتبوس خارطة العراق بكل فرض - شفت الكارثه من طحت محد جاك
اثبتلي اعله الصداقه او شنهو برهانك
ونته ابكل وكت تحجيله بس بلواك
من شافك طحت اقرب شخص خانك - مـــو لجـــروحــي …. تعـــال الخـــاطر الشـيــب
غيـــر كــل مــــــلامـح وجهــــــي بجفـــــــــاك
تعــال ومــن تجـــي تلـكـانـــــــي تمثــــــــــال
واكـــف فــاتـح آيــــــدي لحضـــن ملكــــــــــاك
خــايف كبـــل جيتـــك يوصــــــل المــــــــــــوت
شكلــه انتظــــــر خـاطــر التقـــي ويـــــــــــاك - ثوب ألمآسي يخي أصبح علي لايجي
والـفـرح ثـوبـو گـصـر لايـرهـم ولايـجـي
مفارگ غوالي وصفى بعيني الدمع لايجي
ومايوم شفت الوكت أسعد دليلي وراح
خلاني عگب الولف أصفگ الراح بالراح
مـادام ولـف الـجهـل بـاگـو الزمان وراح
گولوا للعيد السنه بيّا زعل لايجي / - تدري بيه بروحتك ماراح اعيش
اشلون كلبك طاوعك خليتني
موش عميه الوادم تشوف الدموع
وانت هيج بلا ذنب بجيتني
لو صدك مكسور كلبك ما مشيت
بسكته لو بهداي جا حاجيتني
وكتلي رايح لا يظل بالك وراي
حته اعرفك من صدك مليتني
ليش خليت الدمع فايض عليك
ردتك تشوفه اشعجب نسَيتني
اشعار عراقية قصيرة
شعر عراقي شعبي جميل ومعبر.
- لهنا واخذ حد عشرتك وانتهة المابيناتنة
يا وسفة امس جانت مطر
بس كاع حبك جن صخر ما طكت ابدمعاتنة
المن نحبك للقهر
وصلتنة حالة محبتك
جيلات من يمنة تمر ما فززت صفناتنة
المن تجي لو ما تجي
محيرنة ما جنك ندة
تذبل وتنزل بس خبث توكع بصف ورداتنة - انه اكتب شعر شاعر خلقني الله
والـماعنده ذوق يـروح مـن يـمي
اترجم ما اشاهد واحجي واقع حال
اعله هم ناس نوبه ومره عن همي
انـت شـبيك تـاخذهـن عليك ثـكـال
مـو يمـك تـرانـه شبيـك متـحـمـي
يـمـعـود دبـطـل كافي مـا مـليـت - علـــى لحــــن الدمــع نــــامت عيــــوني الليـــل
و علــــى صــــوت القهـــر فـــز الصبــح گلبــي
لا ظــــــالم بشـــــر لا قاهــــــر أحـّــــــد يــــوم
ليـــــــــش يصــــير هيــــچ ويـــاي يـــا ربــي
…
مخنــــــوگة الســـــوالف تطــــــلع من الـــــروح
مـا أدري إشعجـب ؟ و شصـار ؟ و شذنبــي ؟
يــــــلوموني لأن ربـّيــــــت حزنــــــي ويــــــاي
المفــــــارگ محــــــب متگلــّـــي شـــــــيربّي .؟
صـــح تعـّبــني كلــش .. صــح سهــرت ويـــاه
بـــــس والله أصيــــــل و مـــا نكــــر تعـــــــبي - بعد بيمن تامن خربت الناس
الضحك وياك يدعي اعليك بالشين
كبل جانت مرؤة وصدك وحساس
هسة الناس صارت عدهه وحهين
الصحبة مصالح
هذا الامر واضح
كلشي انشوفة بالعين - الضحكه يم الموته كلش مالحه
بهيجي عزرائيل كون انصالحه
شاب بس من عنده شايب
روحي ترجف واني تايب
ربعي من هسه قرولي الفاتحه
شعر عراقي حزين للغايه.
- تعبت سنين لجلك وانته ما حسيت
وكبرتك ولك بثنين اديه
حتئ الناس صاحت هذا جابه منين
كتلهم اخوي من الهويه
يا وســفه ندمت بيوم شفتك بــي
ماشوفك بعد حد المنيه
تعرف لــيش حالف قررت انــــساك
جي بعت الصداقه لخاطر بنيه…. - لاتعاتبنـــــــــــي وتـــزيد جرحي نار
آنـي كـلشي لخاطـــــــــرك سويتة
انتة امس كدام شـــــــماتي نطيت
بية وآني الشوف عينـــــــي انطيتة
جرحي بيدك فوك بيبان الـــــــدروب
كبال شماتي أمس طشيـــــــــــتة
يل تطش بجروحي خلف الله عليك
عمي آني أنسان مـو جكــــــــليتة - فدوه الخاطر العافوك بيه أهتم
نسيت ايام بعدك والجرح سلهم
موقصدي اني ابوكك حقي من تعود
وما قاصد بحجي وياك كلمة ذم
العفتني ورحت الهم امس مو باعوك ؟؟
وانه النشف دموع التصبهن دم
خشنه وجوهم وأنته أترف من الماي
المثلي يلوكلك من الحرير انعم - روح وداعـــت الله ويــــاك لارديـــت
اريد اخلص واعيش البقة من سنيني
عشرتك بس اذيه وكلها هم واحزان
وكــــل ذكرى تمرني وياك تجويني
راح انساك وانسه كلشي جان وياك
واطلع صورتك واشمرها من عينــي - أدري بيك تحبني وبشوكي تذوب
وأدري عنك لــــو غبت تشبع قهر
وما نسيتك جنك انتة اللي نسيت
خلصت عمري الك يـــامــا أنتظر
كافي ارجع تدري كل لحظة اموت
وليلي مــايكدر بعد يحمل سهر
تدري بفراكك جهنم من تـــروح
وابقى جم دوب انتظر فوك الجمر
شعر عراقي غزل للاحبه.
- ياربي عندي طلب
بس اعلة كد الحال
ماريد منك قصر
ولاريد اصيرن ملك
ياربي رايد ستر وشوية راحت بال
- بديت اشتاقلك يومية واحتار
واذا مايووم اسمع صوتك احزن
جبت كلبي بيدي كربته للنار
وليش بنار حبك كلبي أمن
أخاف اعيوني من الشوك تنهار
وخايف لا يجيهن يوم يبجن
ويدمع اعيوني ينزل مو دمع نار
وكل دمعه شهر من توكع اصفن - ينشدوني عليك شلون وضعه وياك …
واكلهم مو طبيعي اهواي داراني.
وتطردني من ادك بابك وأكل للناس
طار من الفرح لمن تلكاني .
اشطبتني من سجلك واني اكل للناس
شطبني من سجله للكلب وداني
…كالولي يكرهك كلت غلطانين
يكرهني بشقه وبصدك يهواني
كالوا شلع كلبك كلت يعني اصار
شكو بيه اذا محبوبي شاقاني - بوكــــــاحة عيــــن جاي اتريد شتريد؟
ولاخجـــــــلان اجيـــــــــت ورايـــد اتعود
وتحاسبنـــــي على هجرك جنــي غلطان
وعجيــــبه اتريد منــــــي الجرحك شهود
الحـــمد ل الله على هاي وشاهدي وياي
غيـــــر اثار دمعــــــي الفـــــوك الخدود
حتـــى اذكـــــــرك هالمــــــره خليــــت
خنـــجر طعنــتــــــك ليهســـه مــــوجود - عادي وداعتك ماصار أي أشكال
هن شكم جرح وبظهري شايلهن
انساك_وينامن يصحن بذ****
وعلى طاري الخيانه يبجي نايلهن
الهيهن بترجع حتى بس ازتاح
لكن غير تبعد بيها ما يلهن
وأهلوس _جيت.احظنك.مابعت.حنيت
وصاحن بيه كافي شكثر كايلهن!
اناطر وكفتهن كلهن بطابور
بلهفه اتحظرت حسيت جاي الهن
وجرح يدفع جرح وتعاركن للموت
تعال بجفك ألمس شوف عايلهن
واذا حاولنا لمس تلك المعاني الهامه للاذهان نجد ان مكانة الشعر لازالت مرتفعه عند العراقيين فمازالو يمتلكون حس تعبيري رائع عن الشعر وكما قولنا ان العراق كانت في يوم من الايام اعظم الدول التي اسهمت في رقي الشعر العربي وكان ذلك فالعصر العباسي حيث ازدهر الشعر بفضل تعدد اللغات والثقافات والاديان في العراق مما عمل على تنوع الفئات الشعريه واستحداث انواع جديده منه وحتى عندما تقراء الاشعار العراقيه لاتجدها صعبه بل هي رنانه المعاني في القلب والنفس وتستمتع برنينيها في اذنك وقد قدمنا لكم في هذا المقال مجموعه مختاره من اهم الاشعار العراقيه المعروفه بالعراق والتي لازالت تستخدم حتى عصرنا الحالي ونتمنى من الله ان تعجبكم هذه المقاله الرائعه.
