اشعار غزل عراقية أبيات شعر جميلة جدا للحبيبين

نقدم لكم هذه المقالة من موقع احلم تحت عنوان اشعار غزل عراقية أبيات شعر جميلة جدا للحبيبين، فشعر الغزل العراقي من أكثر أنواع الشعر الغزلي الذي يحرك مشاعر الحزن والشجن والألم ويدمي القلوب، فمن المعروف أن الشعراء في العراق تفننوا في إنتاج أبيات من الشعر المتقنة، مما هيأ لأبيات الغزل العراقي أن تنتشر في ربوع العالم العربي كله، وتغنى بشعرهم أهم المطربين والمطربات، كل هذا لأن الشعر الذي تنتجه العراق بإختلاف أنواعه، وخصوصا شعر الغزل الذي ينضح بكم هائل من المشاعر والأحاسيس الرائعة والمشاعر الفياضة التي تمتزج بروعة اللهجة العراقية، فيختلط جمال اللهجة ومشاعر الحب والشجن والإتقان، والشعر العراقي 7 أنواع أساسية، هي الشعر الحر،والعمودي، والبدوي، والدارمي، والزهيري، والابوذية، والعتابة، ومن أمثلة شعر الغزل العراقي:

راح اعرض عيوني اليوم للبيع

وابيع بنص سعر لليشتريها

بعد فرگاك ما أحتاج العيون

عين الما تشوفك شلّي بيها .

أشعار غزل عراقية:

شعر عراقي جميل:

اهيم بشوك وصلك وانثر الروح
وعلة اشفافك ثلج من تنزل اشفافي
واعض اشفاف حسنك واشتعل نار
وكطعهه بصدك ياكلمة الكافي
لمستك **ت بيدي وذوبت الاشواك
الطريق اطويل اكعد تعبت اجتافي
واحس رجفة ابغرامك والكلب عطشان
اريد اشبع وحسن بيك متعافي
واريد بايدي اجتفك تنسجن بحساس
وعلة اوصافك اريد اطبعهه لاوصافي
وبادلني بغرامك خل اهيما بيك
بس اكعد حبيبي وانتة الك صافي

قصيدة غزل عراقية رائعة:

الشاعر أيمن الكردي:
ما مقسوم أحبك وابتدي وياك
بس مكتوب دوم بحبك نعاني
ما اكلك انساني بس اكلك روح
وياك الوكت محتار خلاني
اعتب عالزمان الما جمعني وياك
… وبدرب السراب شلون مشاني
بعد كل البنيتة وبية ما ضل حيل
اجة بلحظة الزمان وهدم بنياني
وبعد جرح الأمس وك يا زمن ما طاب
وصدك كالو تشافيني بجرح ثاني
لا صاحب تركتة ولا حبيب وياي
وعلى صفحة حزن خطيت عنواني
وعموما ياحبيبي واغلى ما حبيت
انت اول محب استحل وجداني
الف مبروك اكلك من كلب ولسان
مو كلمة واجتني بطارف لس
بالعكـس لا والله عادي وخاف هنتك أنـي أسف
بصـراحه صعب حبنـا حتـى ما ينراد سـوالف
سنين عـايش انـي احبك عيشـت روحي بحلم

قصيدة غزل عراقي بعنوان يا قمر:

بهيدة على بختك يا كمر، مساهر وأريد أشكيلك

انه غريب ابدنيتي مضيّع وادور ابليلك

عن ربعة اهلي ، ودلّة الديوان ، ومواويلك

عن ضحكة البربين لعيون الدلو

عن رقصة الصفصاف والماي الحلو

عن صحبتي، وخلاني، وعيون النّهر

بهيدة على بختك يا كمر

مما لا شك فيه أن شعر الغزل العراقي هو شعر غزل عفيف قوي جميل، يتغزل بالحبيبة ومحاسنها المعنوية فقط، من صفات حميدة وأخلاق تتصف بها المحبوبة، دون وصف دقيق لملامح جسدها الأنثوي، أو سرد لتفاصيل جسمها بشكل دقيق، فيرتكز الشعر كله على مشاعر الشاعر وأحاسيسه إتجاه المحبوبة، وذكر لحاله بعد فراقه لمحبوبته ، وإستحالة اللقاء بينه وبين محبوبته الغالية، ثم يسرد ذكريات الحب بينه وبين محبوبته، وما يشعر به من ألم وجروح الفراق، وألم الشوق والإشتياق، ويصف إخلاصه وعشقه المستعر لمحبوبته البعيدة عنه، ولا يستطيع رؤيتها، ومن أهم الشعراء في فئة الغزل العراقي  سعد محمد الحسن، أيمن الكردي، محمد رحيمة الطائي، وعبد الحسين الحلفي، وفي الختام مقالنا نذكر ماقاله الشاعر عبد الحسين الحلفي في محبوته:

أحبك مو لأن انت حلو…لا

لأن روحي التقت گبلي… ولك بيك

اذا إنت تمُّر عا الأعمى يصيح الله

والأخرس لـَّون حاچيتة يحاچيك

أذب گلبي إعلى سهمك وآنه مجروح

واگلك دير بالك اخاف أأذيك

إجرَّحني ولك بس كون عالكيف

لأن إنت ويَّـه دمي وخاف أبديـِّك

إجرحني ولـك بس كون ماموت

حتى مـِّن يتهموَّنك أبريّك

على المراية وگفـت ما شفت وجهي

وشفت وجهك طلعلي وگمت احاچيك

وثبت بمرايتي وجهـك مرايات

واباوع وجهها مرايتي بيك

بگذلتك شِّد رگبتي وطلع الروح

اريدنها بعد تتگرب إعليك

انت بحضني واگول بعيد

اريدن هيچ كون آنه انخبط بيك

بيا شارع مشيت گبالي الاگيك

افوت بغير شارع هم الاگيك

ارد للبيت گبلي الگاك بالباب

اطب گبلي تطب وتگلي اتانيك

بغيرك فكرت كلت آنه انساك

طلع غيرك يشبهك وفكرِّت بيك

طلع غيرك يشبهك وفكرِّت بيك .