محتوي الموضوع
الشعر العراقي هو تلك الأبيات التي تختلج القلوب التي يكون لها القدرة على تحويل والتأثير على كل القلوب وإيصال المعاني الخلابة التي تستحوذ على تفكيرك وذهنك أن كل تلك الأشياء تحيط بك وتؤثر بشكل مباشر في الشعر العراقي هو من اقوى الاشياء الأدبية تأثيرا على حياة الإنسان داخليا وخارجيا وذلك نستشعره من خلال تلك الأبيات العظيمة التي توضح مدى قوة وعظمة تلك الابيات العراقيه المؤثرة والقوية والتي تهز كيان الإنسان في الشعر العراقي هو شئ ليس له مثيل هو من أعظم الأشياء التي يستطيع فيها الشعراء ان الابيات العراقية كلها ليس لها مثيل ولا هدف فكل تلك الأشياء العظيمة ولذلك سنعرض عليكم مجموعة من الأبيات الشعرية العظيمة والتي تعكسها تلك الابيات الشعريه.
اقوى شعر عراقي رومانسي وجميل:
- لاتحزن بعد وتبجي على الراح
وعوف ادموع عينك لا تبديهة
ووكف على الجرح لاتصرخ وياه
وراح اكتب قصيدة والك اهديهة
مدينة الم روحي لاتضن ترتاح
وانه ابن المدينة وتيهت بيهة
يل عندك جرح وتكلي مجروح
انه جروحي فاضت وين اوديهة - فـاهي اللـيل يمـهم حتـى مابي لـون
ولا بـي طيـف يرهـم عالجـفن رسـمه
ماصـخ مسـتحاهم واني مالـح طيــب
اليتبده وي غيــري بـروحـي مالمـه
بيها اعــناد روحــي وي الهـوى من يفوت
اذا يثـكل علـّـي لو مــوت مــا شمه - اليذكروني عفتهم لجل شوكي وياك
واني اتذكّرك وانت الي ناسيني
بايعني برخص واني بغلاة اشريك
مو انت الكلت بالروح تشريني
روح وداعت الله بس اكلك ها
الي رب ٍ كريم الصبر ينطيني - هاك اخذ جرحك بعد ما اشتهيك
وكلمة انه اهواك ? تحجيها
وبس اوخر عنك اسنينك تطيح
اسنين عمرك ..عمري لمتجيها
ابكاع خدينك انه العاكس ضواي
ابمعنى اخر…….. انه لمحليها
ذكرياتك صارن …الطف ويزيد
حيل اكرهك من يمر طاريها - أقبل رجعتك بس عندي كومه شروط
أولهن تردلي سنين محسوبه
وثانيهن شبابي الهدر بين أوراق
وسهر ذيج الليالي المالهن حوبه
وثالثهن دموعي الصبّن بفركاك
على كل دمعه أفصلك فصل منهوبه
ورابعهن تروح تسكّت الشّمات
وتكَلهم حيل أحبّه وأبقه محبوبه - انا عيوني تسولف عالغرام ويــاك
ومن عيوني اعرفك تفتهم قصدي
مااحب الوكت لو خلص بلـــــــياك
بالقرأن محد حبك بكـــــــــــــدي
واذا تنساني صدك اني ماانساك
لان غيرك محب بالدنيا ماعندي. - مو كل اليحب ايعيش فرحان ..
اكو واحد يحب بس هو يائس
واكو لمن يحب ايصارع الموت ..
ميهمه يصارع الف فارس
ينشدونه اعله قيس وليلى كل يوم ..
اشو محد ذكر بالعشك عابس - تعال وياك اخذني وخـــــل نروح ابعيد
ونعيش الفرحه كافي وخل نعوف الهم
تعبنه الوكــــــــــت والقدر بينه يدوس
مجروحين احنه والجرح يلجـــــــــــ م
محد بينه داري وعذبانـــــــه الحــآل
والك هذا الحجي يل وحــــدك التفهم
كل شي يخـون بينه لكن انه ويـــــآك
ابد منخون حبنه وربك اليعلــــــــــ ـــم - تعال ولا تظني عليك زعلان
جا هو الكلب من نبضه يزعل
صدكني ابد ما همني الصار
ولا زهرة محبتك عندي تذبل
مو انه دفنتك حدر العيون
اشوفن بيك ساعه وبيك اندل
عذبني هواك ومرمر الروح
واكولن ما يهم هو يتدلل - يدك براس حبك يزغيرون
واحن لحرورتك حنين النوك
حقي ارتبك ووكوع من اﻻكيك
رمش عينك يفهي العدهن الطلوك
الشمس شتعودلك شويجوي ملكاك
دفؤ زنودك على المستبرد يلوك
حايط بابكم معذور اذا طاح
الله يساعده بكل لحظه مدكوك - ليش تبچي….الناس اجو سألوني
جاوبتهم….هذا حظ اعيوني
گالو اضحك…
عوف دمعك…
حيل اضحك…
خل نسمعك…
توني اجيت اضحك..واجو بچوني؟؟
اقوى الابيات العراقيه المؤثره والجميله:
- روووووح كتلك ليش اخذت حجايتي !!!!!!
سوالفك والليل سلبن رااااحتي
دمعي طاح وعاذرك
ومن اصلي الخاطرك
(هيج اكولن ربي رجعه بداااعتي ) - إنخاف ما نحجي الحقيقه
أيعزرونه أيجوز
بأنواع العقاب
أنخاف لو مطنه اللثام
أنروح بيها
لو كشفناه النقاب
سافرينه وأحنه مجبورين
لا بد أن نسافر
أنجبرنه أعلى الغياب
سافرينه أويانه أخذنه
ذكرنه مليانه حزن
ومجسمه بصورة عذاب - الله مايهديج وتحبيني
أستحي من الشيب خليتني
من أشم عطرج عشر مرات أموت
عا لجمر مشلول مشيتيني
الله ميهديج وتحبيني - ﻻ تحجي بعنف من تنصح الناس
ابدي بعيب نفسك يله تتكلم
الكدامك بشر مو كومة احجار
لذلك من تجرحه تشوفه يتألم
ابدي بكلمة طيبه ورقه واحساس
حتى يحب حديثك منه يتعلم. - اني مااخون ربعي
حتى لو خانو
واذا هين عليهم
هم ما هانو
جانو على الاقل
ذاك الوكت زينين
وراح اسكت
لخاطر كلمه
الجانو - رمّاي من انيشن حته اجيس الصوت
ما لعّبته مره وخاب سرگيها
ساتر ما احط الستر للنســـــــــــوان
گصتي استنكف الساتر يغطيها
اعوج بس كلامه معــــــدّل الشاجور
اكو حچايات محد غيره يحچيها
آخذ چيله وحده وياي وكت الصــــيد
خاطر جوع اموتن لمن اخطيها - يا ألذ وآبيض سمار ،
آنا من كل شي أغار ،
من براءة خيط ثوبج ،
من أصابيعج على آزلوفج أغار ،
من التراجي والمحابس والسوار ، - الليل عگبك طوله خطوه…
وخطوه مال وداع …!!
مو خطوه بدرب نمشي سوه .؟
الليل هدني …. ؟
وحمله ما ينشال مكلف !!
ومتني واهس ارمله بباب المحاكم ؟؟
تذكر ايام العرس !!! - لوهيج العشك لو لا يعشكون
ياعمري احبج ياحياتي
والبطران اصلا لايجي ايلوم
هذا اني احب امكسراتي
عندي الشوفه منك هاي الايام
تسوه اليوجعني اوعافياتي - لاكيتك وضاع الحجي
اظطريت اسولفلك بجي
ودمعتي الخانكها الرمش من شافتك هديتها …
لاكيتك وماسيطرت
كابرت بس ماكابرت
جتفت نزوة خطوتي ورجل برجل شديتها … - لاتسولفلي اعله جرحك عمري ضاع….
الجرح يشفه اسنيني وين الكيهه……….
كون موكد الهوه شجابك عليه…..
جفوف مويمك شكو تلاويهه….
لاتبرر ذبلت الورده بديك….
انته موكدهه الشمس شعليهه……
شعر عراقي عن الحب والغزل:
- خلينه نتحاســب حسبه مال أحبـاب …..
وأگلك بألأحســــه وأنت هم گلــــي …..
إذا كـل شبــر بية أتحبـه أنت تگـــول …..
آنه حبــــي إلك ينقــــاس بالملــــي …..
وإذا بگلبــك أعيشن فقط يالمحبــوب …..
وألكعبـه أنت كلــــك عايــش بكلـــي .. - ندم كلي ندم من جدمي للراس
لان شلتك حلم وبروحي مريـت
حضنتك سيف تذبحني واداريــك
وتكَـص حبل الوصل وتكلي شديت
نطيتك ظهر جرحي وامنت بيــك
وجبت ملح الغدر بجروحي خليت
وتعيرني كَـعدت بفيك سنيـــــن
ياشجرة غرور وبيك ثقـــــــــــيت
اذا ماتت الشجرة تصير تابــــــوت
ولان ميت ضميرك هيجي سويت - والله لو هين علي .. ما جيتلك
لا ولا كل هالمسافه امشيتلك
**********
ما ابالغلك انه بحجم الحنين..
بس امس مر طيفك وحنيتلك - غضب دجلة بمحبته وفيض الناس
أنتفض بس لدعاء أمي العزيزة
يباوع عالوطن محتاجله الماي
صفات الغيرة عنده وترس بيده
مثل عباس ماهمته الأوغاد
وجاب الماي ونشلت وريده - تعبناك كلش هاي الايام
وعيونك بدونك جنه ايتام
برد هجرك يمرنه ويرجف حيل
ونتلفلف برمشك من يجي الليل
وأذا مو دفو صوتك نكدر أنام
شعر عراقي قصير:
- يمعود تره الكلك بعدني ارتاحلك جذاب يمعود
- وجهات النظر تختلف باللحظات
- مو لان رمده العين ..لان شوف الكلب ارمد
- وعزيز الشمع بس بالليل ومن ينطفي كلهه اضوج
- مو حبا ..لأن كلشي يصير اسود
- يمعود طبع سجين انه طبعي
- شما اضعف عليك اشتد
- يمعود ..أنه ما ناجرك ياباب
- الله يساعد النجار بوجه الباب من ينرد
- كبل جنت انه دايخ بيك اموت عليك
**
- لا تعتب اعلى المشه خلي المشه لحاله
- والبير مابي سمج وشتنفع الفاله
- يا كلبي لا تنتظر
- الفرح يمك يمر
- يخلصن سنين العمر
- والباقيه اوشاله
**
- مو ذاك الاعرفك انت من سنين
- اطباعك علية هواي مختلفة
- مدغيرة الملامح بيك والاشواك
- وجياتك احس مابيها اي لهفة
- جنت تجرح كبل يومين عندي يطيب
- هسة الجرح منك ابد مايشفة
- وجنت توكف كبل والعين تحجي العين
- هسة شبيها عينك شو صفت صلفة
- كبل حجيك ذهب والناس تمدح بيك
- ومن تحجي عسل تتناثر الشفة
شعر شعبي عراقي عتاب:
- طول النهارِ عن التودّدِ تُشغلُ
- وتنامُ ليلكَ عن هوانا تغفلُ
- ما ضمّني في الليلِ حُضنك دافئً
- حتّى كانّك عن لقائي تثْقلُ
- أين الليالي حين كُنت ضياءَها
- ولّت كأنّي في دُجاها الموحلُ
- أسفي على زمنِ الصبا يا حلوتي
- حيثُ التجمّلُ والودادُ المجزلُ
- رغم الجمالِ فما رواني حُسنه
- والعمرُ يجري والمفاتنُ تأفلُ
- عودي لقلبي كالصبيّة وانهلي
- فالشوق عينٌ أنْ ظمأت المنهلُ
- عسلٌ للهفك لو أذقت منابعي
- فأنا لودّك لو عَرفت المنحلُ
- ما أسعد اللحظاتِ حين عيونه
- ترمي فؤادي بالسهامِ وتقتلُ
- عودي فقدْ جفّ الفؤادُ من الجفا
- والصبرُ من هجرِ الأحبّة مُجفلُ
- ألكيلُ يطفحُ أن بعُدت للحظةٍ
- كيف التصبّر والنوى لا يعقلُ
- أحلى عنادك لو يكون لمتعةٍ
- بيني وبينك فعْلها لا يُخجلُ
- بالله هبّ إلى اللقاءِ مهلّلاً
- فأنا بجفْوك مُسقمٌ مُتململُ
- ضُمّ الجوارحَ بالحنين مُدفّئً
- فالبردُ من ضعْف العواطفِ مُوغلُ
- حقّي عليك بأنْ تجيْب فأنّني
- زوج وقلبي في ودادك يأملُ
- لا تجعليني ناطراً شمْسَ الشتا
- تعلو ولكنْ دفؤها لا ينزلُ
**
- من ياهي اعذرك ….وانت ما معذور
- سيفك هد علي…….. بساعه الشده
- حسبتك تحبني …وجبت بيدي الروح
- بعدها ابنص ……اديه وكمت تتعده
- ردت مره اجربك…. وانتخيك بيوم
- على كلبي انتخيتك ……بلكن اترده
- وكح كتلك وكح ….ويريد احب بذات
- شجعته ع الي…….. وتوكف بسده
- مرات التحبه تشوف….. منه اشكال
- وتخلقله الاعذار ….دكول مو قصده
- وتصد كل الحجي… والنصح من الناس
- وتتحمل ذنوبه……… وكل خطأ عنده
- لبس يفاجئك يلبس……. جلد ثعبان
- ومفصل عليه……… وجايبه بكده
- مانادم عليك ……الراح خلي يروح
- ولك صارت قديمه …..الماي وتبده
- بس نادم علي… شلونه اصدك بيك
- ونادم ما اخذت…. العبره من وحده
- وهن اهواي صارن.. ماتبت عالصار
- يا كلبي شيتوبك…… كافي وتهده
- غيمه من الدمع يزرعها ….وسط العين
- وانت ورود …. حمره وتزرع بخده
شعر عراقي حزين:
- سهم العشك بيه نبت
- وظلوعي منه تثلمت
- كافي ولك حيل تعبت
- قهر والم يوميه
- ما انلجم من انجرح
- مدري انلجم بس ما احس
**
- شما اقرب عليك
- اتزيد حسراتك
- اذا خايف احرجك
- گلي ليش اتخاف؟
- ماريد آنه اصبح
- سبب مأساتك
- احسب للطريق، وشوف دربك زين
- بس آنه اعتقد
- حاسب حساباتك
- مرات اني اشوفك
- قمه بالاشواگ
- ومرات احس گلبك
- عكس نظراتك!!
**
- ماكو واهس مدري ليش ؟
- وجاي احس روحي حمامه بليا ريش
- وماكو صحبه بلا مصالح
- وانا بس بهاي فالح
- يوم الاضحك تكثر الصحبان عدي وچنها جيش
- ويوم الانهم ياهو يهتم
شعر عراقي فصيح غزل:
- اريد اعلن حداد وللعشك ماعود
- واريد انساك ونسة البينك وبيني
- وشك دفتر غرامك خاطر انة انساك
- ودير الوجه عنك من تلاكيني
- ماريدك بعد لو انت روحي اتصير
- وماريدك لون من موت تحييني
- ملح بعيوني احطن ونسة حتى النوم
- اخافن بالمنام طيوفك تجييني
- اذا شافتك عيني وفرحت بملكاك
- والله اتبره منهه وهاي موعيني
- واذا صافحك جفي بحجة الخملان
- اكص اثنين اديه يساري ويميني
- واذا كالولي حبك يسري بالشريان
- ثق بالله اكطع كل شراييني
- واذا صاير شمس انه ابقه دوم بليل
- وما ريد الضوة وبلظلمه خليني
- تذكرمن لكيتك والعطش واليك
- وكلتلي امعود اترجاك روييني
- عصرت اجفون عيني وشلييت دموع
- وشربتك بديه وانت تدرييني
- ومن مرني العطش صرت انت جربة ماي
- كصدتك معتني ومديت جفيني
- وانت بكل وكاحة وكل صلافة عين
- درت بجفوفي سم وردت تنهيني
- تذب نفطك عليه وانه بيه النار
- وتتحمه اعله ناري و ماتطفيني
- وصرت محبس بديك وكمت بيه تسوم
- ساعة تبيع بيه وساعة تشريني
- اظل خصمك وفضحك حتى من اتموت
- على كبرك أخطـــــــــــن بايك اسنيني
وفي نهاية المقال يجب ان تكون مدرك أن كل تلك الأبيات ماهي الا تعبيرا قويا وأساسيا عن الحياه والحب وعن كل شئ هام يمكنك ان تعيشه وذلك تمثيل لهم الابيات العراقية التي تمثل الأدب العراقي والتي من شأنها أن تؤثر تأثير واضح وأساسي في حياتك كإنسان فيجب عليك ان تنظر الى حياتك نظرة نقد هامة وإذا تمعنت في التفكير بتلك الأبيات ستجد انها لاتخلو من الجمال العاطفي ولا الحكم فكلها ابيات موزونه وقائمة على أساس هامة من المعايير وفي نهاية المقال نتمنى ان تكون اعجبتكم المقالة.
وفي الختام كما عودناكم لا تنسوا مشاركتنا في التعليقات الموجودة في الأسفل بأجمل بيت شعر نال على إعجابكم ؛ بالإضافة لأبيات الشعر التي تحبونها وتودون منا إدراجها في مقالاتنا المقبلة!
ويمكنكم الاطلاع على مقالات مشابهه مثل:
