كلمات وشعور الحب لا يختلف من عصر لعصر ولا من دوله لأخرى فالحب كما هو الحب شعور واحد مهما كانت جنسيه ولون وانتماء الشخص الذي يطرأ عليه مثل هذه المشاعر ، و زرع الله فينا الحب لكل شيء من حولنا منذ مولدنا حتى مماتنا فالحب احساس مرهف وجميل يشعر به كلا الطرفين بمجرد النظر في عين كل منهما و هو شعور يخفق القلب وترتاح له النفس مليء بالأمان والدفء نستطيع أن نعبر عنه ببعض كلمات الشعر الرومانسي ولذلك نعرض لكم اجمل ابيات الشعر عن الحب العراقي في صورة ابيات قصيره نتمنى أن تنال إعجابكم.
مجموعه مختاره من الشعر العراقي القصير
أبعد ياحزن خليني مره ارتاح
خل مره بحياتي افرح بروحي
جبت اسنين عمري بس اصب دموع
أشل جروح غيري وأنزف جروحي
عِفتني إلمَن حبيبي وعنّي رحت ابعيد
إبـوسط هـالناس أبد ما أشعُـر براحـة
تـعال إرجَـع يَعمري والـزعَل إنـساه
أنـة إبليّـاك طيـر وكسرو اجنـاحـة
وصل حبي إلك حد ماهو معقول
بحيث اوياي إنت وآنه مشتاك
تشابكني وتشاقيني وأشاقيك
وأصيح الله وكبر بسك فراك
انته يل انواع بيك من الجمال
كَلي هم تنباع حته انه اشتريك
يم المراية الخلكَ توكَف تشوف
وانته المراية تجي تباوع عليك
الحُـــب يالوِلِف مو جلمة تنكَال
الحُـب عـاطفـة وتِمتلِـك كَـلبـك
واليـحبّــك تـعرفـة امـن التعـابيــر
مــو إلّــة يـكَلّـك .. آنـي أحبّـك
مسجون الصدكَ يا ناس تدرون
وخذوا كل چذب طلقوا سراحه
كل تعبان كَالوا يبقه تعبان
والمرتاح يحتاج استراحه
كون ايصير كلشي بعمري مكَلوب
وارضة بكل شئ يطلع عن اصولة
كون اول حياتي الكبر والشيب
واخر لحظة من عمري الطفولة
تعال بكل وكت تلكاني موجود
بس كونك تجي مو ماتجيني
واذا ماجيتني هم تنحسب جاي
لان موجود انتة بوسط عيني
اجمل اشعار الحب
إنت بعيوني وبعدني أبجي عليك
شلون لو يوم إطلعت من عيني
من كثر حبك دخت كلش بحيث
إنت أندلك وادور ويني …
أغار إعليك من كلبي والعيون
لذلك آنه حاير وين أشيلك
وحقي ماأجيلك آنه معذور
أغار إعليك مني وماأجيلك
خليتك حلم وعيوني ترسم بيك
وغير عيوني محد يكدر يرسمك
وندهوني شكثر بسمي وجنت ناسيه
وكلتلهم نعم من صاحوا باسمك
كلبي على ألعشگ مارهم بيه مفتاح
مفتاحكـ عليه شلون رهمته
معـذور اليحبـك لـو كفـر بهـواك
او لـو حبـك نبـي هــم چـان كفـرتـه
عندك نور يشبه نور الهلال
يعني انتة كمر وهلال تنقاس
اصعد فوك بيتك باجر وشوف
اذا مو عكب باجر تفطر الناس
كثر ما فكري يمك وانتَ بيه تدور
صرت حته من اغمض هم اشوفنّك
صرت بيك انه عايش وانتَ بيه تعيش
وبعد ما گمت احبك صرت احبنك
كتاب انت انكتب كلشي حلوبيك
ومامليت منك من قريتك
ولو أدري المكاتب منك تبيع
بعت الروح لاجلك واشتريتك
من كد ماترف ينشاف بيك الماي
وتخجل من ضواك وتنطفي الشمعة
وأظن عشرين وأكثر حملت امك بيك
لان دكة جمالكـ مو شغل تسعة
جمالك معجزة وخدين مو خــدين
كلـش ضاويات ونورهن يســــطع
وهيه المعجزة بخدودك الحــلوات
لأن أول كَمر ويه الشمس يطلع
شعر عراقي جميل
بعد ما اوصي كلبي يعاتب الروح
شيفيد العتب وتريد احاجيك
ماشه نار حبك تلهب وياي
كافي انزف جرحوتريد اداويك
تحركني بغرامك واشتعل نار
وهسه تريد ترجع ما اخليك
ياريتك تجي وتشوف الجروح
تلكاهن خطيه يسولفن بيك
شسولفلك عليهن والله محتار
ياجرح التشوفه ابناره يجويك
احبك حب عراقي يحب الهموم
اصيل وشايل الدمعه ويسليك
حبيتك طفل عايش وياي
ياعشك الطفوله شلون أأذيك
سامرتك ليالي وكلبي مذبوح
مثل نجم السعد بحضاني الوليك
يدك ناي الحزن وي صفنه الليل
حد وجه الصبح موال اغنيك
واسولفك عليه وحالي خلصان
بس عندي المهم لازم اداريك
شوف اثار حبك بين العيون
بين شيب بيهن وانت مابيك
وبين بالكلب حبك نياشين
بعد شكثر بعد وتريد اراويك
بين كلشي بين منك وياي
سلاما على الجروح البيهه اباريك
جنت شمعة بحياتك تطرد الليل
هسه الشمعة ذابت بيش اضويك
اترس حضني الك بدموع العيون
واذا راحن عيوني اشلون ارويك
من ماي الكلب شربتك وياي
وافتحلك نهر من كلبي وسكيك
هسه الكلب مات او مو كلب صار
جثه ابنص جسم حاجيني شنطيك
لميتك دمع بعيون الايام
كلي شراح اكلهن لمن ابجيك
ألملم ذكرياتك حتى ارتاح
وشوف شباقي بيهن حتى ابديك
طبع ذيب الوكت لتأمنه الجروح
زمان الضحكك لازم يبجيك
من اجمل الاشياء في الحياة هو الشعور بالحب تجاه شخص آخر تشعر معه بالأمان والاخلاص فى محبته اليك ، فتشعر دائما انك بحاجه الى كلامه وان يكون بجانبك لكي يساندك ويقويك على مصاعب الحياه وعندما تخطو الخطوه الاولى تجاه عمل أو اى شيء مصيري يكون هو اول من يخطو معك ويفرح لك كثيرا ويشجعك وعندما يتوفر لك ذلك تشعر وكأن الحب خلق لك وحدك ولا تعرف كيف تعبر عن ذلك بالكلام فقط ولكننا نستطيع أن نعبر عن اسمى معانى الحب من خلال ابيات من الشعر تصف جمال الحب ومعانيه ولذلك عرضنا اليكم مجموعه من اجمل الاشعار العراقيه في الحب نتمنى أن تكون قد نالت إعجابكم وانتظروا المزيد من الموضوعات المرتبطة بالشعر العربي من خلال موقع احلم.
و يمكنكم ايضا قراءة : شعر غزل عراقي اروع ابيات الشعر من شعراء بلاد الرافدين
