محتوي الموضوع
الحب هو شئ جميل ومؤثر بل ان الحب هو عصب الحياة وأساس أن من دون الحب لن يقوم لشئ قائمة فأنت لاتعلم وجع الحب هو من أعظم الأشياء التي تمر على الانسان في حياته فان الحب ليس بالشئ السهل او الهين لكي نسهو عن ذكره ان الحب هو من اقوى المشاعر بل انه لايمكنك ان تتهاون في حقه فالحب يملك كل شئ واي شي ان الحب لشئ مذهل يصيب قلبك ويجعلك مبتهجا فرحا حتر بدون سبب وذلك لان الحب هو عباره عن هاله عظيمة من الطاقة والحيويه التي لا يمكن وصف مدى جمالها وأهميتها الحب ليس عظيم فقط انما هو مؤثر بكل الاشكال وسنسرد لكم في تلك المقالة أهم الابيات الشعريه العظيمة عن الحب وجماله.
اروع الابيات العراقية عن الحب والغرام
- ماظن تنحمل لحظات صفناتــــــــــــــــه
اذا برموشه شايل كومـــــــــة سيوف
ياكلب اليشيل اصواب طعناتــــــــــــــه
يمكن بالبشر مــــــــــــــاشفت مخلوق
واحد بالارض يضحك بضحكاتــــــــــــــه
نغم موسيقى يضحك جنهــــــه قانون
بت هوفن تراهــــــــــــه اتصير سكتات - مشتاكلج اوين الكاج البعد كاسر الواهس
مشتاكلج خليني اشوفج بأي مكان
ردي خجلان بكبر جرح العراق
مشتاكلج واني مو ايوب حته احمل جفاج
والله مو قصدي اعوفج مو ركضت اني ابراج
الحب ابد مو عيب صدكي وعيب اليفارك حبيبه
مشتاكلج - دفتر ذكرياتي تكلبه تقراه
على خد الورق ماتلكه دمعات
ليغرك كتبت بصفحه مشتاك
نسيتك وانتهت بهواي صفحات
واذا اسمك لكيته بنص الاسطور
اسم ابليس كلمه بنص الايات
الك كلبي فتحته وردتك تفوت
وكفت انته اعله صفحه وخنجرك فات - صوابك ماخطاني أمعلم أيصيب
أحس جتف بجتف صفكلك أكفاي
يالبايعني صوت بسوك خرسان
مر بكل وكت تلكالي شراي
جدمي بدرب ذل أمسبك وياك
ودرب غيرك كرامه بعين ممشاي
على خدودي الدمع لوسير اغروب
تسيورة جمر لجدام حفاي - ياشيطان عقلي اشلون وياك!
ابمزاجاتك تسكتني إوتحَجيني
وتاخذني ابهواك اهنانه وهناك!
وإذا خطواتي ضاعت ما تدليني!
ساعه اتكلي بيك ايفكر اهواك
وساعه اتصَوره فد مره ناسيني!
ياشيطان راح اتعمد انساك
وتكف هالعلاقه البينك اوبيني - مابينه انتفارك والعمر محسوب
اشما يفتر الميل اسنينه اتعدي
بعدك والشماته ارماح مسمومات
رمح وحشي اوحياتك ماخطن جبدي
اتحدى اليكول اعيوني بيهن ماي
دمع اجفاك بركت ناكته ابخدي
بطران اليكول ارتاح كون انساك
شريد انسه اوشبكتك ضاله ابزندي - ابحلك جرحي سوالف ضام اهواي
الك يلما وفيت اوياي بلعشره
جنت اقره المحنه ابيوم الاكيك
هسه الفاتحه امن الكاك كمت اقره
شيب راس جرحي امن اول افراك
وتخيل ابجرحي اخلافك شكبره
عفتني ابروح جاهل ناطر العيد
وبواهس يتامه امتانيه الفطره - ذلتني المحبه ودم بجيت النوب
كرهت الدنيه كلهه شلون ذلتني
بجتني اعله حبك سهرتني الليل
وعينك هاي انت بغيض بجتني
ابد ما انسه جرحك وانه الك ممنون
… واطباعك تجارب كومه علمتني
بس اصبر علي لازم يجيلك يوم
وتضل تصرخ يناس النار جوتني - مرامك وين توصل كافي ما مليت
الك نيه تحس وتوكف بحدك ؟
الفرشتلك جنحهه وشالتك للغيم
لا تدبج عليها اتوقع تهدك !
لوحدك من تظل معناها جف تصير
وعمرك ما تصفك من تظل وحدك
ناصفتك بروحي وصرت شركه وياي
بيه وكلشي عندي وكلشي ماعندك - شتســـولف بعــــد وي خـــاطري المكســــور؟!
جــــام إتكسّـــــر بيا سالفـــــه تجبّــــره…؟
صفــــره جفـــوف إديــــك وحجيــــك المسمـــوم
لـــون أصفــر طلــع والريـــــح إجـــــت صفـــــره
عســــاهــه إبخــت گلبــــي المـــاعرف يختــــار
والعــرفنــــي بيــــك بحظــــــــه وبعمـــــــــره
هســـــه تـــريد تــــرجــــع مــن بعـــــد ماراح
عمـــري وشــد متــــــاعه وتيهــت عمـــره
بيـــافشلــة جـــــرح؟ ياعاطفــــــــه أتلگـــــــاك؟!
أگلــك ثـــلج بعــــدك صــــــــارت الجمــــــــره - جبت كل هذا العمر ألله كريم/
صار أطول من عمر نوح العمر/
عمر كضّيته بعسر يهدم جبال/
موطني وبيتي صفه هذا العسر/
عشت دنية ضيم ممزوجه بجراح/
ومن بطن أمي البست درع الصبر/
صح اعيش بعزه ما مذلول دوم /
وصح اعيش بكوخ أحلا امن القصر/
لكن الدنيه بطبعهه تريد امور/
يا أمر ينجلي متبوع بأمر/
ابيات عراقية مؤثرة عن الحب والغرام
- انا المشتاكلك بــــــــس رايد انســــــــاك
واريدنك تجيني ولا تجيني
وماريد التقي فد يوم وياك
من الكاك كون انطيك عيني
مدمن بيك حد منازع الروح
ما تدري بقدر شوكي وحنيني
يمدمن بيك ما فكرت فد يوم
اشتريتك بالغلا ما تشتريني ؟ - فدوة اطلع من وكت يوم الدوام
بس عطل خلّص حبيبي اسبوعنه
انته من ماجيت خربطت النظام
والمدارس عزّلت بفروعنه
خطوتك دكّة جرس لمّن تفوت
وعلى جيتك كمنه نضبط سوعنه - ماخذني الكبر والحيل شايب صار
وما أدري ألسنين شلون أكملهه
عفتني شلون كَلي ليا سبب تعبان؟
ألمشاعر وأللًة بعدك راح ابطلهه
تكحل ألكحلة عينك حتة حلوة تصير
ما عندي أني عين شلون أكحلهه
شجرة بنص نهر ما تعرف ألعوز
بس جيب أليكَايش حتة يوصلهه - من اكول اشفايفك وي كلبي فد روح
تتهامس عليه وتضحك الناس
اذا من دون علمي وباسك الغير
وي لمسة اشفافك كلبي ينداس
كون الله بكثر مارقه مطيك
مخليلك ضمير وذرة احساس
الف مره كلتك كلبي مو زين
يوجعني اذا بطيف تنباس
اذا مابيك وجهي تبيضه فد يوم
انا اترجاك كافي تبيض الراس - تجي ميت شعورك حاسبك خطار
الميت من يسير ماترده الكاع
بشوغة ليل بعدك أمطر ملاكاة
يالغيمت عشرتك نكطتلي أوداع
حسبتك نفس وتملكت عالروح
شفايتلي النفس لو ينشره وينباع
جابعتك بأول شهكه من أغتاض
ولارخصت روحي ويمك أنذليت
الميت والنفس بيناتهم دفان
وانه وعشرتك بيناتنه أهل البيت
انه ابن ابوي وهوابني ايصيح
واذا صار المزامط بيه اتنخى
يتوصى الطفل والمافهم دنيا
وانه المثلي جريمه اتكول يتوصى
انه امعلم الجدم من يمشي فوك الكاع
وانه اعرف من شمرته شيطلع بشصى
الماتلوي اذنه وهوه جانان ازغير
بعد ماتنفع ابكبره ضربت العصى - اعوفك شي طبيعي ولازم انساك
لأن مــا بيــه حيـل اصـبر ولاحيـر
مثل يـوسـف احس بقصتي وياك
وعلة هذا الامر راح انطي تفسير
كلتلي شـكــد احبك انـة واهواك
وبـس عاينت بيهة تخيــلت بـيـر
ومثل عطشان اجيتك واعرف بهاي
سراب ومن اكــضـك رأسن اطـيـر
غشيم وما عـرفتك هيجي ويــاي
غـراب ولابـس هـدوم العـصـافـيـر - كلشي اتوقعت بس نفترك لا..!!
جانت حسبه سهله ومحسبتهه
جانت قصه حلوه وبيها احلام
اجيت بنفط هجرك وحركتهه
تذكر من رسمنه اعل الشجره كلبين
خيطت الجروح من ارسمتهه
وعد انطيتني نبقى احنه للموت
حب عشرة عمر دايم قدرهه
))امد ايدي من الشماته خاطر تعود
صلف جف ايد قلبك ما شبكهه - مدري شلون وتفض حالتي وياك..
قسمه انت وعلي ربك كتبها
كبل لاعب كليبي هواي وي ناس..
بس لعبة غرامك مالعبها…
تجذب عيني سهله اكبال العيون..
بس وياك احس يصعب جذبها
وبس وياك كلبي احسابه غلطان..
حسب كلشي وسكـتك ماحسبها
عجيبه اطباع روحي وياك محتار..
اعاتب والكه روحي تضد عتبها
اموت من اليحبك واشتعل نار..
عكس ناس التكرهك حيل احبها
أشوه صورتك يم اليحبوك..
والشينات كلهه اعليك اذبها - تــرضى لــيـش انـــت تعذبني بجـــفـــاك
ولــيـــش انت بغيابك تـــظـــل تجـــرحني
انـــي شــكــثر طــيـــب افــــرح بملكاك
وانـــــت تـــســوي عكسي وماتفرحني
تـــجـــرحنـــي وتـــروح ومايهمك شــي
وكــبـــال الشماته انـــوب تفـــضحــني
مــــاريــدك بعد لاتجي وتحجي وياي
ولاريـــدك تبررر كــــاافــــي تشرحلي
انــــي مليتك بـــعــــد مـاريدن هواك
وبعد مــااصــلـح الك ولاانـت تصلحلي
شعر عراقي غزل للحبيب
نضرة جانت خاطفة
وخطفتني مني
ومن درت ضحكت وكالت اسفة
وراحت وعافتني وحدي
وصار جم يوم الضوه ما شايفه
ياقوت لو نجمة لكيتك ع الدرب
ما ميزت بس جانت عيونك لغز
تمنيت بس تذكرت
انه الفقير الاكثر احلامه خبز
و من كتلي بيك تعلقت طبعا انز
حافي وعثر غفلة بكنز
انتظرني ولا تطارد
اليحب مو حلوة يركض حلوة من ينتظر واحد
وانت طيب والوكت كله مكايد
يجوز تلكه الغني بس من دون حب ماكو ضمان وتالي شارد
انتظرني وانه اعوضك على صبرك عشك زايد
هي فترة ولو شفتني تجاوزتها
يعني ما حبيتك وحقك تباعد
الدنيا هم تريد منه وانه بس محبوب رايد
هو انته
والله شاهد
مثل ما ترمش العينين
سهل وبساع تنحبين
والحلوين اذا شافوج ينشافون مو حلوين
اذا همه بمطر حالوب انتي بغيمهم قوس القزح تضوين
من حقه الغني الشافج يحس محتاج
ويحس شيخهم مسكين
من تحجين
ما جنهن سوالف جنج تغنين
ومو بس حلوة تـنشافين
من كد ما حلاتج زايده ونكهتها فد شي خاص
بالنضرات تنضاكين
لتضحكين لا تلتم عليج الناس
كل ضنهم مواكب فاكهة توزعين
ما تدرين
ليش بدون استئذان وسط كلوبنه تدخلين
لان مخلوقة تنحبين
شعر عراقي عن الحب الحقيقي
مبخوت اليلم طولك
نهر ومجتف بحيلين من يمشي الارض تزدحم بالنعناع
شفتك من بعيد وخضرت روحي بغرام وعشك عشر انواع
مستعجل جنت بس حبك اسرع جان
ما لحكت ادير عيوني ضعت بساع
اليحب مرة شعجب بس انه احبك
وانعجب كلساع
ﺗﻘﻮﻝ ﺩﻟﻌﻨﻲ ﻭﺧﻠﻲ ﺍﻟﻌﺬﺍﺭﻯ ﻳﻐﺎﺭﻭﻥ
ﻭﺧﻠﻲ ﺍﻟﺤﺴﺪ ﻳﺎﻛﻞ ﻋﻴﻮﻥ ﺍﻟﺼﺒﺎﻳﺎ
ﻣﺠﻨﻮﻧﻪ ﻭﻃﺎﺣﺖ ﻋﻠﻰ ﻗﻠﺐ ﻣﺠﻨﻮﻥ
ﻣﻮﺗﻮ ﻗﻬﺮ ﻳﺎ { ﺧﺎﻳﺒﻦ ﺍﻟﻨﻮﻳﺂ }
ليلة غيابك علمتني وش الفقد
وعرفت كيف أسكت وأنا ممتلي بوح
الليل دونك..دمعةٍ مالها خد
والصبح دونك ضحكةٍ مابها روح
شعر حب باللهجة العراقية
اضحک بلچذب کدام هاي الناس
خاف الناس تدري بروحي مجروحه
انه مفارک محب وشکد صعب الفراک
والمفارک محب حتی الضحک نوحه
ونه عکس البشر مااسهر اني الليل
انام ونتظر وحلامي مفتوحه
وشوفک چاي وقفل حتى باب العين
وياعين التفگ من بعد روحه
اشم بيک النفس یل من زمان نسیت
شنو معنى النفس لوماچانت روحه
ايموت من البواچي الکلب من یشتاک
طفل وتموت امه اتسکته مرچوحه
اصبر الکلب بغيابک واکول اتهون
بس تغدرني صفنه بدمعه مفضوحه .
ومر بيك
جنت كل يوم اجي اليمك .. وامر بيك
وبوسة من الشفاف انطيت .. امر بيك
عسل ضكت اني بشفافك و .. مر بيك
وعرفت بنيتك عليه
يا قاسي القلب بيك اني
روح بلا وصل منك بلايا رجوع
واتركني اعيش بوهم ذكراك
واداوي القلب منك جيل موجوع
تريد تروح انت ومستحي تكَول ؟؟
لو خايف جرح يبقالي منك ؟؟
كَمت توعد حبيبي وتخلف وعود
تريد تعوفني وبايعني جنك
روح ولا ترد .. لتفكر تعود
اذا انت مرتاح ببعدي عنك
مطر جنك اذا شفتك
ونا بصحره
وعطش گلبي الك تموز
بس ماكول وانه بعازت الگطره
محد شافها الجنة
وشفتها اوياك من نظرة
شعر شعبي عن الحبيبة
نسخة ما تتكرر انته
وعشك ما ينكتب انته
وين الكالي كمر يشبه ضحكتك
حتى امد عمري حرير بكد ضحكته
وين الكالي مدينة تجيب ناس بلون وجهك
حتى اصيح بكل درب هذا العشكته
بعدها اعيادي تفاحات
شجرتهن مواعيدك
وبعدني شما ملت عيني سفينة نوح
ابادلها بحضن ايدك
ولحد هسه
اليكلي عيدك مبارك
يباركلك
لان عيدي انه من عيدك
بعدني اذكرك من تحجي وياي
وعلى شفافك حلاوة ينقط الصوت
اكابر بالحجي وما اكول مشتاك
بس انه صدك مشتاكلك موت
اذا حبك نهر اتمنى أغرك بيه ..والغركان نعرف يدخل الجنه
واذا لاسامح الله قسمتك بالنار .. وحك ضلع الزجية النارك اطبنه
ياشمعة خواطر تشع تالي الليل .. تتهامس همس بسكوت شفتـنه
انه ابيوم شفتك ما حسبت حساب .. الكلب محبوب رادك هذه كل ظنه
عيونك والنواظر صفنن اعله الباب ..واحنه ابلا وعي من نحب تعرفنه
العشك هوه الفانه ودكدك البيبان .. مانعرف نحب بس لا تواخذنه
محتار وحياتك بيش اوصفك بيش .. يا يوسف زمانك ذيب ما كلنه
كبل يوسف ابحسنه ندري كص أجفوف .. بس حسنك مصيبه وكلنه ذابحنه
,, يا بحر ,,
طال الفراق بينى وبينك
واشتقت لان اشكى اليك احزانى
وابوح بما يدور بين احشائى
ويحوم بفكرى وعقلى ووجدانى
,, أين أنت يا بحر ؟؟ ,,
كيف اختفيت وابتعدت عنى
وتركتنى بين غربتى وظنى
أين أمواجك الرقراقة
وأصدافك البراقة ؟؟
أين إحتضانك لاحساسى ؟؟
أين هديرك العاتى ؟؟
أشتاق أن ألقى بنفسى بين تقلباتك
وأنظر بعينى الى سمائك
وادع النفس والروح تغادر العالم الفانى
وفي نهاية المقال يجب ان تفهم مغزى وجود الحب وأهميته لنا ان الحب ليس كمثله شئ انه من أعظم الأشياء التي يمكن ان تحدث لك فالحياة كلها بل في عالمك كله فعندما يضرب الحب قلبك فانه يغيره للافضل وذلك لان الحب لا يصنع شئ قذر او سئ انما الحب يصنع كل جميل وكل شئ حسن عندما يدخل الحب قلبك تجد أنك تسعى جاهدا في كل شئ لكي تنجح فالاشياء التي تريد الوصول لها يجب ان تحبه ان الشئ الذي لا يدخل فيه الحب والجمال لاينفع ابدا بالتناغم ويسقط بالتدريج وفي النهاية نتمنى ان تكون اعجبتكم المقالة .
ويمكنكم الاطلاع على مقالات مشابهه مثل:
