قصائد مميزة وجميلة جداً من اجمل ما قيل في شعر عراقي حزين جداً يبكي القلوب ، مقتطفات من أجمل قصائد شعر عراقي عن العتاب والفراق والبعد والخذلان، استمتعوا بهذه التشكيلة المميزة من شعر عراقي نقدمها لكم من خلال موقع احلم، ولعشا قراءة شعر عراقي يمكنكم زيارة قسم : شعر حزين .
شعر حزين باللهجة العراقية
تيهت دربي وتهت لمن شفت شامتك
ولا تبتعد ياولف يفرح ولك شامتك
شامات على الخد شفت بس باصدر شامه تك
صورك رب العرش وبيك الحسن دكه الك
وسواك مثل الكمر وبلحنج حط دكه الك
ومن يدك كلبي اعتقد دكه اللي ودكه الك
يلي بيك عطر الورد شكد طيبه ياشمتك
اذكرك والعبره تخنكني
اكولن لحكتك وظنوني تفشل
من يمر اسمك تفز الروح
ودربي للموت احسه يسهل
اسمع اول حرف منه واشهك
احس النفس لالله يرحل
شفايت لو نتلاكه هسه انا وياك
وشتسوي. الدنيا خلها تفعل
اخلص من هالعذاب البيه
وما خلي الجفن يبتل
انا اريدك يمي بكل الازمان
ونظل اخوان غصبا عن الما يقبل
يم ربي صعدت روحك فوك
بس صورتك بالكلب ابد ما ترحل
تركني وعني كال تروح ولاه
عليه وميت الف شيطان ولاه
كلتله بحبي احلفك كال والله
وظحك ظحكه خنكلي الروح بيه
احس متغير اني ومـــــــالي خلك الناس
وأحس تعبان كَلبي. من الوكت مــــــقهور
مثل غيمة حزن تمـــــطر علي كبـــــريت
وانه بنار عايش والدمـــــوع. تــفــــــــــــور
كل يوم الامس مثل الفلــــــم ينعــــــــاد
وباجر والامس والجاي نفـــــــس الطــــور
ناعور الوكت يســـــــگيني جان. اشـــعار
وافتر الوكت وانه الــــــصرت ناعـــــــــــــور
جنت اضحك واسولـــــــــف ويا هذا وذاك
على غفلة ولگيت الناس. كلها جــــــــور
طرت بجـــــــــناح واحد للفرح فد يـــــــوم
شو حتـــــــى الفرح ردني بجنح مكسور
ضيعت البـــــــــخت . وانه الجنت محـــظوظ
حتى ويا العــشك ما عشت لحضة بنور
يا كَلبي شكثر عذبـتك انت ويـاي
احس كَلبي على كَلبي من الحزن مفطور
يغيابك حبيبي اشلون اصبر الروح
يا حال اليظل على حالي من تروح
جرحك بالكلب داويته بس ما طاب
وبطاري السفر زيدت قلبي اجروح
ما انساك لو سافرت عشر اسنين
وشوكت ما ترد باب القلب مفتوح
يمي انته واحس بيك ابعيد
وابد ما فكرت يجي يوم مني اتروح
صحيح اني كتلك سوي كلشي اتريد
بس على البعد كتلك هذا ما مسموح
النفس انته الاشمه ولو تروح شلون
شلونا تريد اعيش اني بلياك
حبتنه جذب مو كالو تموت
ولتصدّكهم الكالو لك نسيتك
لأن أنت شراكة بالنّفس ويّاي وما أتنفّس أني بغير ريتــــك
تدري أنت شكثر بيك أنّي محظوظ وأحسّ بختي كعد لمن لكيتك
وإذا فكّرت أعوفك وأنسى ذكراك
ياخذني الكلب كوّة على بيتك
حجولي شكد عليك وكلت عذال
عاندت الحجو عنّك وجيتــــــك
كالو صعب دربه يتعبك هواي
ورغم هذا التّعب كله اعتنيتك
كالو بس أذيه وعوفه وأرتاح
عفت الرّاحة أنا وميّت آب ذيتك .
حرامات التعب للمايجازيك
وحرمات الوفه للطبعه خوان
جرحك بالملح تكدر تداويه
ويزيدك عطش لو جنت عطشان
شما تتعب على العكرب تربيه
يلدغك لو جنت لحظه غفلان
تترجه الوفه أي وين تلكيه ؟
وتتأمل تمر من جذع ذبلان
احلي ايام عمري جانت وياك
لك ماتمنيتك عني ترحل
اشلون انسي ذيج الايام
كلبي اشلون اصبره واكله اغفل
يالعايش بنبض هايه الروح
صدك رايح وبعد ما تسأل
هيج حله بعينك فراكي
ماكلت خاف من اعوفه يذبل
يابعد الروح شوف حالي
هم بقهر كلبي تقبل
سهر ودموع ليلي بعدك
ولايوم عنك فكري يجهل
للمزيد يمكنك ايضاً الاستمتاع بـ :
اجمل الاشعار والكلمات الحزينة والمؤثرة باللهجة العراقية : شعر شعبي عراقي حزين عن الحب .
مقتطفات متنوعة من اجمل الاشعار الحزينة : شعر حزين جدا عن الفراق .
اشعار عتاب وفراق : اشعار قصيره حزينه – شعر حزن وعتاب .
