إن الشعر العراقي يعرف دوماً على أنه شعر حزين ، ولقد أطلق عليه تلك الصفة لأنه دائماً ما يحتمل كلمات حزينة وآهات ولوعة ، وربما يكون السبب وراء هذا الأمر كثرة المشاكل والمآسي التي مرت بأهل العراق من حروب وظلم وفساد حكام في الماضي وفي الحاضر ، إذ جرت على هذه الأرض التي يحبها كل عربي ويلات عظيمة جعلت الحزن مخيم على هذا النوع من الشعر ، وقد قيل في العراق آلاف الأبيات الحزينة التي توصف ما مر بالبلاد ، وفي اليوم هذا يسعدنا أن نقدم لكم متابعينا الكرام متابعي موقع احلم موضوع تحت عنوان شعر عن العراق حزين وقصير ، سوف نجمع لكم في هذا الموضوع كم كبير جداً ومجموعة ضخمة من أقوى الأبيات والقصائد المؤثرة التي تتحدث عن العراق ، وحتى لا نطيل عليكم تعالوا نستمتع سوياً بقراءة هذه الأبيات.
90 بيت حزين عن العراق الجريح:
- مل مني القلم ومن القلم مليت
- عمت عينه قلمنه الما نفع شِعره
- تعب حته الشِعر ويه العراقيين
- وصار بحال اهلنه وبالعراق ادره
- رسمت حروف العراق برسم فنان
- وجمعت اربيل والانبار والبصره
- وگلت لازم حروفي توحد الخوّان
- ما معقوله هيچ تصير فد مره
- ورديت ولگيت دموع عالوجنات
- حروف الي رسمتهه اليوم متطشره
- كردستان تحچي بزودهه وتگول
- احنه العاصمه وبغــداد متأخره
- والانبار شالت سيف عالخوان
- لو ليه الحكم لوفلّش الاسره
- والبصره تگول احنه نريد اقليم
- ومن نفط العراق الكُم فقط عُشره
- وشفت للفتنه والله العراقيين
- دون حروف جر يا ناس منجرّه
- مذبوحه المحبه وناس تكره ناس
- سويه الي يحب والقابض الجمره
- حته الورد ما يرضه بعد بالماي
- من دمنه تريد الورده والشجره
- رقم جبنه قياسي بالقتل والموت
- وصرنه اول شعب نص اهله متهجره
- نهر دجله يـا ناس من الجثث غرگان
- خلي نمد ادينه لدجـــــــــله وانجرّه
- على جثثنه ادور هالفضـــــــــــائيات
- ياهو الي يصــــور ياخذ الاجــــــره
- معصوبه العـــــيون مچتفه الايدين
- وانواع الرصاص يچوب بـــــصدره
- لا اهله اجوي وچــــــــفّنوا بچـــفان
- مجــــهوله الـــهويه ومن درة بأمره
- اذا امّه الــــحنونه الصايمه برمضان
- ما اكــــلت اكلهه وبقت تـــــــنتضره
- تنــــــتضره يرد وتريد تحــجي وياه
- اثاري العيـــــــــد لازم ينگطع مهره
- لان باعت ذهبهه بشارع الصياغ
- حته تزوج ابنهه الما فرح عمره
- ما نامت بقت سهرانه كل اليل
- ايا ليل العراق الما بزغ فجره
- وما جاهه صبر طلعت تدور عليه
- مثل طلعة حمامه بعينهه العبره
- وما شافت ابنهه وجاهه ملك الموت
- تعرف شنهي يعني تموت بالحسره ؟؟
- معناها الفرح صاير مثل رجال
- شايل ورده بيده وخنجر بضهره
- معناها عراقك كاتل ومكتول
- سوده گلوبهم وعقول مفتره
- وكل هذا ويگلي احنه العراقيين
- سنه وشيعه عشنه الحلوه والمره !!
- لا والله چذب احنه العراقيين
- سنه وشيعه مثل الضره عالضره
- ملينه الچذب وليمته وليا دوب
- واقع حال لازم نخضع لامره
- ملينه الچذب وليمته وليا دوب
- قصايدنه اجت للناس متأخره
- نعم خوان احنـــــــــــــــــــــه
- نعم خوّان احنه وياك آني بهاي
- بس مو من بعد تفجير سامرّه
- بعد تفجير سامرّه العراقيين
- مثل فلم الرعب ودمايته الحمره
- مو فتنه صحيح الصايره ابّغداد
- سونامي الفتن بغداد منتشره
- قتل مو عالهويه هواي متوهمين
- صارت عالاسم گص راسه ويشمره
- واليگلي تبالغ انته حيل بهاي
- جبت حجه ودليل وياي هالمرّه
- اتحده بكر واتحده ابو الخطاب
- افن واحد البيهُم يوصل الثوره
- واتحده على واتحده هم حسين
- اذا فلوجه طبهه ومنكسر ضهره
- صـــــــــفر كل النتايج للعراقيين
- بس بالفتنه جابوا عشره من عشره
- هذا يگول سني ناصبي اغتالوه
- وهذا يگول شيعي رافضي نكفره
- ضلّوا بهالسوالف يا خزي ويا عار
- واسرائيل علگت نارهه الــــــكبره
- يول وين الــــــــشرف گدامكم بغداد
- شــــــگّوا ثوبهه واخذوهه متأسره
- غتصبوهه الكُفر … ما تسمعوهه تصيح
- آنه ام الــــــــــــشرف واليوم مو عذره
- بعد والله ما يــــــــــــــنفعنه قيل وقال
- لات كـــلشي انتهه وانكــــسرت الجرّه
- مرحوم الـــــــعراق استشهد من سنين
- يا وسفه صفـــت أشلائه مـــــتنثره
- متنـــثره بمزابل يمـــهه كوم چلاب
- اكلت من لــــــحومه وما درت سرّه
- صــــير وياي بس هالمره اترجاك
- عيب من الــــــــــــعراق اليوم نتبرّه
- صعبه بمزبله جثة الــــــــعراق تصير
للمزيد يمكنك قراءة : شعر حزين تويتر
اقتباسات تبكي العين:
يا فكري المشغـول للفكـر ميعـاد
خلّك معي ساعات والوقت محدود
أنا هنا بين علـى روس الأشهـاد
موجود في الصّورة ولاني بموجود
تسري بي الأفكار وأغيـب وأنقـاد
أرحل عن الواقـع ولا ودّي أعـود
هنا كسبت إعجاب أحبـّة وحسّـاد
وهناك لي موطن وتاريخ وحـدود
ماني بناسي صبح بغـداد الأمجـاد
يا خـادم البيتيـن يا ذخـر الأسيـاد
ياللي برأيك صامل الرأي معقـود
يا الحاكم العادل ويا الصـارم الحـاد
يا مزبّن المضهود يا الشّامـخ الطـود
لك سيرة أمجادٍ قديمـات وجـداد
**
الـكاع من الـزرع هـم كامـت تضـوج
لان بس ينحط كرك حسبالهة الدفان
خلصنه العمر شو كله مدفونين
على ياذنب الصدر من عدنه يابوفلان
متكفي الفلوس .؟ كروش عدنه كبار
آضن حتى الهوه من عنده ماخلصان
مثل وكفه يتامه منك احنه نريد
دخيلك يا علي منريد كلشي الجان
**
غيابك حبيبي شلون أصبر الروح
يا حال إلي ظل على حالي من تروح
جرحك بالكلب داويته بس ما طاب
وبطاري السفر زيدت قلبي جروح
ما أنساك لو سافرت عشر سنين
وشوكت ما ترد باب القلب مفتوح
يمي إنت وأحس بيك بعيد
وأبد ما فكرت يجي يوم مني تروح
صحيح إني كتلك سوي كلشي تريد
بس على البعد كلتلك هذا ما مسموح
للمزيد يمكنك قراءة : اشعار عن العراق الحبيب
أشعار مصورة:
للمزيد يمكنك قراءة : شعر عن العراق الحبيب
إن الشعر الحزين يستخدم كثيراً بالأغاني العراقية التي تغنى باللهجة العامية ، ويكثر هذا الأمر بالمواويل الحزينة التي تتكلم عن الظلم وعن الفساد وعن الفراق ، وإلى هنا أيها المتابعين نكون قد وصلنا لختام موضوع الليلة وقد تكلمنا ودار حديثنا فيه عن شعر عن العراق حزين وقصير ، وضعنا بين أيديكم باقة منتقاة من أقوى ما جاد به الشعر العربي ، فقد أرفقنا لكم العديد من الفقرات الحزينة والمؤثرة التي تلمس القلوب ، فبدأنا موضوعنا بفقرة بعنوان 90 بيت حزين عن العراق الجريح ، وفي ثاني فقرة قدمنا اقتباسات تبكي العين ، وختمنا حديثنا بفقرة بعنوان أشعار مصورة.
