هناك من يتفنن ويبدع في أن يجد طريقة حتى نبتسم من خلالها، لأجل هذا جاءت فكرة المسرحيات والمسلسلات الهزلية والمقالب والأفلام والقاطع القصيرة المصورة والنكت إلخ، كل هذا قد وجد لهدف وحيد، ألا وهو إدخال الضحك والسرور ورسم الابتسامة على شفتي أحدهم، وممن أبدعوا في تأليف النكت هم الشعب الجزائري لأنه شعب محب للكوميديا وعاشق للضحك والفكاهة، من خلال النكتة يعبر عن أشياء كثيرة دون عنف فقط تأتي النكتة لتكون سلاح من لا سلاح له بها يسخر من الأشياء التي لا يراها مناسبة من وجهة نظره ولكن بشيء كوميدي وجميل.
وفي هذا الموضوع يسعدنا أن نقدم لكل متابعينا فيس بوك نكت جزائرية ستضحك من قلبك، ستجدون في هذه المقالة مجموعة كبيرة من النكت الجزائرية للفيس بوك وتويتر وكل مواقع التواصل الاجتماعي على أمل أن تعجبكم النكت وتشاركوها مع أصدقائكم على هذه المواقع.
نكت جزائرية مضحكة :
هذا وحد النهار طفل صغير ديما يدير صبعو في نيفو قاتلو مماه يوليدي متزيدش دير صبعك في نيفك كرشك تولي كبيرة وحد النهار خرج مع باباه ومماه ايا فالطرامواي شاف وحدة حامل بقى يشوف فيها ويضحك توسوست قاتلو علاش راك تشوف فيا وتضحك قلها علبالي وش درتي علاه كرشك كبرت
أخذ الأب هاتف إبنته من أجل رؤية الساعة فوجد صورة حبيبها كخلفية للشاشة ..سقساها شكون هاذا المخلوق يا بنتي ؟
قالت بكل سيريو : هذا جندي شهيد و وهو رمز للكفاح والنضال والشرف ،فأجهش بالبكاء و طلب منها ارسال الصورة له ليضعها هو كذلك في جهازه…لحد الساعة المشكلة ليست هنا..المشكل أن الشهيد راه جاي السمانة الجاية يخطب..فسبحان من يحيي العظام وهي رميم
لبارح دخلت السبيرات راح نشري .. بعد شويه دخل واحد طويل وعريض وصوته كما الرعد وقعد يقول .. تكبيييير .. واحنا نعيطو وراه الله اكبر .. 😰هو يعيط .. تكبييييير .. واحنا وراه .. الله اكبر .. 😱😱بديت نشهد ونستغفر
بعد شوي خرجت طفلة صغيرة تجري قتله انعم بابا .دك هدا خلاصو عليه الاسامي ا واش بيه اسم مسعودة !. !
الله لا تربحو . حسبتو راح يفجرنا ..
واحد قاعد يزطل قدام الدار ، جاء الكاميون تاع الزبل
قالولو: اذا عندك لابوبال فالدار ،
قالهم: اصبرو نشوف المدام
دخل للدار و قال لمرتو : ياااا مرااا ، كاين لابوبال
قاتلو
مرتو : ااايه كاين
خرج ليهم و قالهم : يعطيكم الصحة عندناااا
نكت جزائرية للسوشيال ميديا:
قالك واحد سيد طاح من طابق 3 على راسو داوه للسبيطار دارولو عملية على راسو نجحة
كانت قدامو فرملية فطن شوية قالها راني حي ولا ميت هي قاتلك مزالو مخدر نكسر عليه كوكاو قاتلو راك ميت
قاللها يسمي نتي من حور العين قاتلو ايه قاللها ما عندي زهر لا في دنيا لا في الأخرة
المهم الطفلة من داك نهار مازادتش ضحكت
واحد عرف واحدة في الفايسبوك وقالها نتلقاو في salon de thé. قالتله كيفاه نعرفك، واش تكون لابس؟ قالها : كي توصلي تلقايني نشرب في jus d’orange 🍹راح هو للصالون مالقاش jus d’orange أيا طلب كاش شاي 🍵 كي لحقت، شاف فيها لقاها ماشي شابة دور وجهه، وهي بدأت تحوس على واحد يشرب في jus d’orange مالقاتش، راحت ليه وقالتله : انت هو اللي تعرفت عليه في الفايسبوك؟ مالخلعة😮😮😮 قالها : اختي ربي يهديك، راكي تشوفي في هذا jus d’orange.
نكت جزائرية روؤوعة:
قال لها بكل فرح و سرور : عمري وش تحبي تاكلي فالكبش ؟؟
.
.
.
.
.
.
.
.
.
فقالت له : نحب غير سكالوب عينيا و لباقي قع ماناكلوش
.
.
فمنذ ذلك اليوم و هو قاعد يغربل الرمل في الصحراء و يكحل على الناقات
واحد تكسّرلو لافابو فالليل هو و مرتو و يسّقمو فيه هي شادة الضو 🔦 باش تضوّي عليه و هو يركّب فالجعبه من لتحت .. نص ساعه و هو يركّب ما عرفش
قاتلو مرتو ترا شد انت الضو و خليني نركّبها .. هو شد الضو و هي ركبتها في بلاصتها
عطاها كف و قالها : شفتي يا بغلة كيفاش يشدّو الضو ؟
ثلاثة كذّابـيـن قاعـديـن يحـكـو …
..
.
واحد منهـم قـال : الـبارح فاللّـيـل وصلـت متأخّـر للـدار و لقـيت البـاب مغـلـوق مالا دخـلت مـن تحـتو ..!
الـزاوج قـال : و أنـا وصـلـت للـدار و البـاب مغـلوق جـيت ندخـل مـن تحـتو لقـيـتو مغـلوق مالا دخـلت مـن الثقـبة تـاع المفـتاح ..!!
الثـالث قال : مام أنا البـارح وصلت و البـاب مغـلوق ! و مـن تحـت البـاب مغـلوق ! و مكـاش ثـقب للمفـتاح !! مالا رحـت للسيتـيـرنة (خزّان المـاء) و مشيـت فالتـويـاوات حـتى للصالدوبـان ، وصـلـت للروبـيـني بـصّـح لقـيتـهم غالقـيـنو .. !!!
قالولو مالا كيـفـاش دخـلت ؟ O.o
قاللهم : بقـيت نقـطـر حـتى للصبـاح
لهنا نكون قد وصلنا إلى ختام موضوعنا اليوم الذي تحدثنا فيه حول فيس بوك نكت جزائرية ستضحك من قلبك، أهديناكم في هذه المقالة باقة جميلة من أحلى وأجمل نكت الفيس بوك باللهجة الجزائرية، فقد أرفقنا في هذا الموضوع فقرة نكت جزائرية للفيس بوك جمعنا في هذه الفقرة أجمل النكت الجزائرية المضحكة من مواقع التواصل الاجتماعي وقدمناها بين أيديكم، كما أرفقنا فقرة نكت جزائرية روعة قدمنا في تلك الفقرة مجموعة كبيرة من النكت الجزائرية الجميلة والمضحكة، فإن أعجبكم هذا الموضوع لا تبخلوا علينا بمشاركته مع أصدقائكم وانتظرونا في موضوع آخر عن النكت قريباً.
