النكت من اجمل الثقافات الشعبيه الجميله الفكاهيه التي ترسم البسمه على وجوه الناس عن طريق قول المواقف بطريقه مضحكه سواء اكانت المواقف حقيقيه ام لا وكل بلد يختلف بثقافته وأسلوبه فى طريقة النكت ولكننا متفقون جميعا أن هذا هو الشيء الذي يسعدنا ويجلعنا مبتسمون فهي من اجمل انواع الأدب الشعبي فى العصور القديمه والحديثه ونحن اليوم نقدم لكم اجمل النكت الجميله والمضحكه جدا فنتمنى أن تنال إعجابكم.
نكت مضحكه جداا
- واحد محشش كان حيخبط واحدة بالعربية . قالتله انت ماشفتنيش . قالها أيوه شفتك بس مش فاكر فين؟؟
- واحد مسطول اشتغل سائق تاكسي، شاورتله واحده، وقف وسألها “رايحه فين؟” قالتله “المهندسين” قالها “روحي بس ما تتأخريش”.
- مسطول ماشى لقى واحدة ست بتتحرق قالها منورة يا حجة.
- اتنين مساطيل بيتفرجو علي نشرة الاخبار فالأول بيقول للتاني هي النشره طولت أوي كده ليه، التاني قاللو الظاهر انها الحلقه الاخيره.
- محشش سأل صاحبه المحشش : إيه أخبار أبوك ؟؟ بعدين إفتكر أنو أبوه ميت فكمل بسرعة: لسا في نفس الطربة؟
- محشش سأل محشش: في رأيك عيد الفطر هيوافق يوم الخميس. فرد عليه: إذا ضغطنا عليه أكيد يوافق.
نكت طريفه ومضحكه للغايه
- واحد محشش سأل بياع الخضار عندك فاصولية خضرة قاله لأ … قاله طب في ألوان إيه؟
- صاحبنا مسطول راح لصاحب مطعم مسطول قاله عايز ساندوتش فلافل من غير سلطة خضرا
رد عليه قاله مفيش سلطة خضرا ، أجيب لك من غير سلطة طحينة. - مسطول شاور لتاكسي قال له فاضي ؟ قال أيوَ ، قال له طيب انزل نتكلم شوية.
- مسطول دخل بقالة وخرج يضحك ، سألوه بتضحك ليه قال لهم عطيته جنيه وما اشتريت شىء.
- كلب مسطول ماشى فى الشارع يقول : نو نو … لا لا …. صو صو …لا لا…. هو هو.
- اتنين مساطيل قاعدين فى الاستاد واحد سأل التانى : تلف الاستاد ده فى قد إي ؟ قال له فى سيجارتين.
- مسطول اتصل بنمرة تليفون سأل : محمد موجود ؟؟ قالوا له النمرة غلط رد عليهم قال : ولما النمرة غلط بتردوا ليه
نكت مضحكه وجميله
- مرة واحد مسطول بيلعب كورة اخد الكورة على صدرة طلعها من منخيرة.
- ضابط المرور بيحقق فى حادث… سأل الاول .. فرد .. يا بية أنا اديتة كلاكس .. واديتة انوار وصرخت فية علشان يبعد ومفيش فايده سأل التانى . فرد … يابية انا اعمل اية ، انا قاعد فى الكشك بتاعى.
- مسطول لابس جزمة ، فردة بيضة والتانية سوده قابله مسطول تانى…. وقاله: “ايه ياواد الجزمه الشيك دي. راح المسطول الاولاني حط رجل علي رجل وقاله: وشرفك إنت.. عندي جوز جزم تاني فى البيت شبهه بالظبط.
- مرة بدوي قال لأبوه: عايز آخذ نوكيا قال له:على جثتى حتاخد بنت عمك.
- بدوى اول مرة يشوف فلبيني قال يا بخته هذا شبعان نوم.
- اتنين صعايدة بيلعبوا شطرنج الملك مات مشلول.
- مرة صعيدي طلعله عفريت علاء الدين وقال له شبيك لبيك خدامك بين ايديك قال له عايز كوبري من الصعيد الى نيويورك قال له مستحيل شوف طلب غيره قاله طيب خلي الصعايدة يفهموا فكر شويه وقال له عايز الكوبري اتجاه واحد ولا اتجاهين؟.
- مره واحد صعيدى سافر مصر إتسرقت المحفظه بتاعته بلغ عنها فقال له الظابط حاضر حجيبهالك من تحت الأرض طلع الصعيدى بره لقى الناس بتحفر لخط المتر و فقال لهم الهمه يارجال هى سوده وفيها سوسته.
نبحث دائما عن كل شيء يسعدنا ويرسم البسمه على وجوهنا وننتظر دائما وقت تجمعنا مع الاقارب والاصدقاء لكي نضحك سويا على الأشياء الطريفه والنكت المضحكه التى تجعلنا نشعر بالمحبه والود والكثير من المرح مع الأصدقاء والعائلة وتختلف النكت وانواعها الكثيره ولكننا دائما مانحب أن نستمع إلى الكثير من انواعها فجميعها مضحك ونحن قدمنا اليكم مجموعه من اجمل النكت المضحكه جداً جداً فنتمنى أن تكون قد نالت إعجابكم وانتظروا المزيد من الموضوعات المرتبطة بالنكت من خلال موقع احلم.
و يمكنكم ايضا قراءة : نكت تموت من الضحك مصرية اتحداك متضحكش
