محتوي الموضوع
يتميز الشعب المصري بخفة الدم، وروح الفكاهة التي تسود مواقفه وتاريخه حتي في الأزمات، فاعتاد المصريون تأليف النكات لتناسب المواقف المختلفة التي تصف حالهم، ويقومون بإلقاء تلك النكت المضحكة علي أوضاعهم سواء الاجتماعية أو السياسية وهذا ما يتميز به الشعب المصري دون غيره من الشعوب، فهو شعب له شخصية تستخرج الابتسامة من قلب الألآم، لتحيا مهما كانت الظروف صعبة ودائمًا تكون النتيجة مواقف جميلة تنحت في الذاكرة ولا تنسى بسهولة، ومن فوائد هذه المواقف أنها خلفت لنا تراث كبير غني بالنكات المضحكة والتس سوف نذكر الكثير منها اليوم في مقالنا هذا، حيث سنقوم بسرد أفضل نكت مصرية قديمة ومضحكة.
نكت قديمة مضحكة جداً
- مرة واحد غبي اشتغل سواق تاكسي شاورتلة واحدة وقف سألها رايحه فين قالتله المهندسين قالها روحي بس متتاخريش
- بيقولك اتنين بلديتنا بيلعبو شطرنج.. واحد بيقولو أنا متولك الحصان.. قام التاني راح حط للبقرة بتاعته سِم.
- مرة فار فشار شاف جثة اسد قعد يجر فيها لغاية ما وصلها الغابة المهم الحيوانات كلها قعدت تهتف وتقول عاش الفار، راح الفار رفس الاسد برجله وهو بيقول انا لما اتعصب ما برحمش.
- مرة واحد احول بابه كان راجع من السفر راح باس الشنطة وشال ابوهمرة واحد عصبي عايز يحكى لمراتو شيء غريب حصلوا. قالها أنا عايزا أقولك على حاجة غريبة حصلتلى بس أنا مش كذاب أنتي الكذابة ووقحة وكل عيلتيك وانتي طالق
- واحد معاه عربية قديمة وعاوز يبيعها ومش عارف، فصاحبه قاله حط عليها علامة مرسيدس وهى تتباع فورا، راح عمل كدا بعد اسبوع صاحبه بيسأله بعت العربية ولا لا، قاله انت عبيط حد يبيع عربية مرسيدس.
أفضل نكت مصرية
- مرة مساطيل حبوا يسرقوا عمارة فقالوا لبعض احنا ناخد العمارة بعيد ونسرقها برحتنا، فقلعوا الهدوم وقعدوا يزقوا فى العمارة يزقوا، جه واحد من وراهم وسرق الهدوم، فواحد منهم بص ورا ملقاش الهدوم فقال له كفاية كدة احنا بعدنا اوى.
- مرة تلاته صعايدة راحوا محطه القطر، لقوا القطر ماشى اتنين منهم طلعوا يجروا ورا القطر والتالت واقف يضحك عليهم، الناس سألوه بتضحك ليه قالهم اصل انا اللى مسافر والاتنين هما اللي جايين يودعوني
- مرة واحدة ست بتقول لجارتها الحقيني يا أم محمد بعت جوزي يجيبلي ملوخية راح مخبوط بأتوبيس … يالهوي وعملتي إية .. عملت بامية وامري لله.
- واحد غبي اتصل بخدمة العملاء قالهم كان عندي شريحة واخويا بلعها قالولو ايه المطلوب ؟قالهم عايز اسال لو اخويا دلوقتي اتكلم هيسحبو مني الرصيد.
نكت صعايدة ومحششين
- تلاتة محششين وقفو تاكسي صاحب التاكسي عرف انهم محششين شغل العربية وطفاها وقلهم وصلنا
- الاول عايز يديله الفلوس والتاني، بيتخانق علشان يدفع هوا قام التالت نزل من العربية وراح لف عند السواق وضربة بالقلم السواق افتكر انو فهم الي عمله قاله والله اسف معلش المحشش قاله علشان تحرم تسرع تاني
- اتنين بلديتنا دخلوا الجيش الاول الضابط بيسأله اسمك ايه قاله محمدين، سأله الضابط ايه اللي فى ايدك دي؟ قاله “بندقية” رد الظابط وقال لا دى مراتك وشرفك وبلدك، سابه وراح للي جانبه وقاله اسمك ايه رد وقال حسنين قاله ايه اللى فى ايدك دي؟ قاله مرات محمدين .
- واحد صعيدي رايح البنك وواخد حبل معاه فواحد بلدياته قاله هتعمل ايه يامجنون قالوا هاسحب الرصيد.
وإليكم الصور
وبهذا نكون أنهينا جولتنا اليوم التي ألقينا فيها نظرة سريعة على أفضل نكت مصرية قديمة ومضحكة، ونتمنى أن نكون استطعنا أن نرسم البسمة على أفواهكم عن طريق سرد تلك النكت، لأنها تعتبر من الأشياء الممتعة والمسلية لدي الكثير من الناس لأنها تدخل السعادة والسرور علي القلب، وتساعد على الخروج من أجواء الحزن وتعمل ولو بشكل مؤقت على نسيان مشاكل الحياة، فالضحك خير معين وخير صاحب، وفي علم النفس يقول العلماء أنك لو قمت بالضحك لبضع دقائق متصلة لو كنت حزين ستجد نفسك تلقائيًا تغير مزاجك للأفضل، فجرب هذا اخبرنا النتيجة، وعليك أن تعلم أن مهما الحزن طال لن يدوم فلا تجعل نفسك سجين لحزنك بل اصنع دائمًا شبال تطل به على الأمل والفرح.
