يحيى العلاق غزل اجمل الابيات الشعرية الرومانسية

ما اجمل الشعر ، فالشعر هو الوسيلة التي يرتقي بها الانسان من مرحلة كتمان العواطف و الشعور الى مرحلة اظهارها ، واجمل شيء في الشعر هو انه يوضح حقيقة المشاعر في ابيات فنية ، ابيات شعر روعة وجميلة جدا ، ويعتبر الشعر من الفنون الادبية التي ظلت محتفظة بحقيقتها منذ قديم الزمن وحتى يومنا هذا ، فعلى مر العصور و الازمان كان هناك شعراء بارزين في زمنهم ، فمنذ زمن الجاهلية وحتى اليوم هناك ابيات شعر جميلة جدا تحكي قصص و روايات مختلفة عن هؤلاء الشعراء ، واليوم موضوعنا حول شاعر من اصل عراقي هو الشاعر يحيى العلاق ، هذا الشاعر الذي كانت اول قصيدة له في منتصف التسعينات ، تجدر الاشارة ايضا الى ان يحيى العلاق هو عضو في الاتحاد العام للشعراء الشعبيين منذ عام 1998 م ، واسمه بالكامل يحيى حنون حسين العلاق ، والآن نترككم مع باقة من اجمل ابيات الشعر الغزلية و الجميلة للشاعر يحيى العلاق ، فنتمنى ان تنال هذه الابيات اعجابكم.

قصيدة اتجاهلني بعد

تجاهلني بعد وياي ثكل الدم
لا تنطي مجال اصعب وكابر هم
ضبط سوي روحك عود ما مهتم
والله تحبني حب بس الله بي يعلم
تراقب عن بعد كلبك عليه ايلوب
جرأة الـ بالكلب لو تنتقل للفم
جا كلمة احبك جزت ذاك الصوب
والاطرش سمعها واجه كلك تم
من اكعد اكبالك تلتفت ليغاد
مو يم القضيه وانته رب اليم
اسولف ويه غيرك احس بيك اتموت
فص عينك طلع ما اعرف اشدردم !
احجي بصوت عالي شدردمت لتخاف
من المنضغط متوقع اشبع ذم
ولو مرات ادك دكة خباثه وياك
اشوفك روحي واختل واكعد اتبسم
وتضل عينك تدور علي بين الناس
والبيدك يطيح ويغدي وجهك دم
هنا يبدي الضعف ويبين المبهم
بـ هاللحظة المشاعر صدك تترجم
حسبالك رحت لا ما رحت موجود
وهذا الوكع من ايدك دهاك الزم
دايخ بيه دايخ هسه شموازيك
فضها وكول احبك شلك بهـالـهم
يعجبك شكلي صوتي ووكفتي وممشاي
وحافظني حفظ تندلني وين انشم
متردد ابطبعك حذر مدري شبيك
ترجع الف خطوة وخطوة تتقدم
اذا حتى السلام اترده بالمثقال
ما اسلم اتكول شدعوه ما سلم
لكن هم اعذرك عقلك مأذيك
الله يساعده جم قسم يتقسم
مابين المكابر والخجل والشوك
والحب والشرف والنسب وابن العم
تره الدنيه كصيره والسنين اخفاف
من تتبده منك بعد ما تلتم

اقرأ ايضا : الشاعر أحمد مطر مقتطفات من أشهر قصائده عن الحكام العرب

قصيدة غزلية روعة للشاعر يحيى العلاق

ياكلشي وكلاشي ويااشكال الوان
طفل كلبي تعدة وشاف تكانك
ظل واكف ابابك كتلة اخذ شتريد
شو رادك شلع وي قطعة اعلانك
خلاني العشك تفكيري ماموزون
صدك كمت احسد فرجة اسنانك
لأن تلمس اشفافك كل صباح وليل
ولأ بعظ الاحيان اداعب اللسانك
شفتك مرة وحدة وصاربية الصار
عمي الله يساعد كلب جيرانك
وية غيرك اردبس العن الشيطان
وانتة اشماالعنة يزيز شيطانك
كون بليلي اظمك ليلي يحلم بيك
كره حتى النهار وانت ماخانك
احسك ملتزم عاصي اعلة روحك حيل
بس صدرك تمرد كسر عصيانك
واحس بعماق روحك صرخة استنجاد
على الحمل الثكيل الشالتة اغصانك
لو يصفة الوكت واتكابل انة وياك
اشم تفاح خدك واسكي رمانك
وادك روحي عليك ابميت الف بسمار
حتى اتصيرقطعة احظاني واحظانك
ومثل طبع الكهوجي وداعتك ماجوز
الحد مااشوفك تهز فنجانك
انة بحضرت جمالك ازهد العشاك
مضطر افك حبك قافل البيبان
من تكبل علي سجادة اسوي الروح
واتوضة بعطر لوشفت وكتك حان
اتعثراكبالك بالجذب تمثيل
خاطربالوجه تاخذني بالاحظان
وماجني حضنتك جني ذاك اليوم
حاظن جنس حوى من انخلق للان
تعلة انفاسنة ونعرفها ماهي انفاس
حمم خلص وكتها وتنزل ابركان
ويهب عالي الهوى وشعرك علية يثور
جن ظدي حرب ماخلة حسنك بان
يصعد على الوجه ويبوش الوجنات
انزلة اعلة الزنود ايفصللها اردان
راح اغرك ابشعرك لوردت ماموت
دنيلي الشفايف وانقذ الغركان
طولك مستقيم الدنيا تحلف بيه
بس خصرك فظحنة بكل وكت سكران
معذور ايتمايل شرب كومة اعيون
هو احنة النباوع صارعدنة ادمان
لاتوصل الحينة الناس ظجت بيك
شارعنة اشتكالي وزعلو الجيران
انتة اشعرفك سلمت واتعديت
ماتدري وراك اطلكت نسوان
شباب البطرف شيبو من شافوك
والشياب لبسو مودة الشبان
تعال اكرب حبيبي اذنوب عندي اهواي
اريدك ذنب اكبر تكلب الميزان
اسولفلك سوالف مالمسهن بال
جلدك يطربلها اتصير عندة اذان
واكتبلك قصايد بس الك مخصوص
واذبحلك غزل ميذبحة ياهوالجان
انة صاحب قصيدة اشبع الاحساس
مو صاحب قصيدة اشبع الديوان

قصيدة حضرة الزعلان

حضرة الزعلان بيش امزعلك !
انه المداريك اكثر من هلك
تجرح وتقسي وشغلتي استحملك
شويه خل احچي الحچي مو كله الك
بحظك وبختك گلتلك يوم لا
من عرفتك صرت خيط ابمغزلك
تؤمر وتنهي وتريد وما تريد
والحرام الما يحل حللته الك
المشكله التعزه يتعزز عليك
والتصير وياه سهل يستسهلك
بس عليّ متعصب ووجهك ثگيل
السفن غرگت لو حريق ابمعملك !
زين اعرفك غرتك بعض الوجوه
الشياطين التجي بهيئة ملك
ايجوز ما امثل وابالغ بالكلام
الظاهر انته اتقدر اليستغفلك
انه لا اتأخر ابموعد عليك
ولا اتركك تنتظر لا بهذلك
هذا طبعك ماتحب الروحه بيك
وركض تركض ركض ع اليتجاهلك

و يمكنكم ايضا قراءة : شعر حب وغزل وعشق عراقي ومصري قصير رومانسي راقي

قصيدة بين الحب و الكبرياء

اتاخرتو علي.. طولتو يمه
قلقتوني شنو الشغله المهمه ؟
مومشكله احجولي اشكال ماكال
اشم بثيابكم ريحة مذمه
صرت ماضي ونساني ومااهمه؟
انتهى كلشي ويريد ابريه الذمه؟
آنه اتخوني ذاكرتي مرات
رحمه الولديكم هوه شسمه !
حسباله يجيني الخبر وانهار
سبع سنين اظل عايش الصدمه !
امشي اعلى البحر اكضيهه صفنات
احب ضي الكمر وتحبني نجمه !
واشخبط عالرمل وابنيله ثمثال
وظل ابجي وتجي الروجه وتهدمه
ويملون اهلي من الاطباء
يتوجهون بيه اعلى الائمه
خطيه هواي يحلم رايح ابعيد
فرق مابين حلمي وبين حلمه
حلم مره احلمت جني امشي وياه
ابحلم زرت الحلم كصيت جدمه
ناصبله مشانق حتى بالبال
بس يخطف علي طاريه اعدمه
آنا وثم آنا وكان من كان
اصبعين اعلى روحي مااقدمه
كلكم عافني ويرجعلي هيهات..
جا شمتاني ميسويله همه..
انا البايك ضواه خليه سنه ايغيب.
.وترس ريتي هواه ما حاج اشمه..
السواه سوه غيره هواي عشاك.
ينتضروني أأشرلهم لعلمه..
بس هو صدك ماكال مشتاك؟؟
.لايشتاك مو فد؟ هيه قسمه!
شبيها عيوني؟ يمكن لاحهه اتراب..
ماباجي عساها ابهلحظه تعمه..
خابرته اشوكت ؟ بالغلط دكيت.
.مرتين وطلع خارج الخدمه..
من يمهم فتت ؟ اي يعني وشصار…
حضرته المنطقه امسجلهه بسمه!؟
كعدت ابابهم ؟ كلوله غلطان.
وكع مني دمع دكنت المه..
ولو طالع امسلم مااحاجيه
بس ابكلبي اكول اللله ايسلمه
تتوقعون اريد اتصالح وياه؟..
ابشرفكم تالي عمري اكسرلي كلمه ؟
اشايف روحه ..اتنازل واراضيه
اذا راضيته اكلكم وين اعزمه؟
آنه الخوش زلمه ومااطخ راس
لكن بالعشك موخوش زلمه

شعر يحيى العلاق

المثلي بنظرة وحدة الفكرة توصله
اتوقع قريبًا عني يتخله
واصير انسان عابر حالي حال الناس
والتعب التعبته ينـكر كله
والحب والمشاعر.. يامشـاعر هاي!
ذن استهلكن ونرمن بالسله
طيب والرسايل!… انته والمرسال
ابقائمة التجاهل راح تتخله
ماگــلي ارد اعوفك يعني مو إله
اليحس ماله داعي الباب يندله
لأن ايحس اليحبه باله مو ويا
يگعد يمه ساعه وكلمه ميگله
هنا يعني الكرامة قربت تنداس
هنا يصبح وجودك منتهى الذله
لا بعده يحبني .. اشبعد وشـخله
ارجع للسوالف تعرف العله
اول خطوة لمن صار رسمي وياك
الخطوة الثانية ايدورلك الزله
لو يطلع وياك ابقصة مو عالبال
لو يدخل عليك ابـ لغز متحله
چذب تشويه صورة المهم يتبله
الما يعرف يحب خل يسكت احسله
الناوي يروح لو تسجدله هم يروح
عوفه براحته فدوة ابقـه لتـگله
والزم دمعتك وفرها لليسوون
لا تصرف دمع للجاي يتسله
مو شرط الجريمة أثر دم وسلاح
اليلعب عالمشاعر بشر كاتله
ربك مايضيع دعوة المجروح
باوع للسمه وادعيلة بالمثله

اقرأ كذلك من خلال موقعنا : شعر حب للحبيب ابيات شعر لاغلى الغاليين على قلبي

بذلك اعزائي متابعي موقع احلم نكون قد وصلنا الى ختام موضوعنا اليوم باقة من ابيات الشعر الرومانسية الغزلية للشاعر يحيى العلاق ، هذا الشاعر الذي كان معروف عنه انه لا يمتلك ديوان وكان السبب وراء ذلك اعتقاد داخله ، فقد كان الشاعر يحيى العلاق يؤمن بان الشعر لا يُقرأ وانما يُسمع ، لان السمع بطبيعة الحال يختلف عن القراءة .. نتمنى ان تكون هذه الابيات الشعرية الغزلية قد اعجبتكم وحازت رضاكم وانتظروا المزيد من الموضوعات المرتبطة بابيات الشعر الرومانسية و الغزلية لمختلف شعراء العالم العربي من خلال موقع احلم.