محتوي الموضوع
الشعر العراقي هو نوع من انواع الترفيه المنتشر لدى الشعب العراقي وخاصة الرومانسيه الرومانسية هي أجمل الأشياء التي يكون تواجدها من الأشياء المحمودة في كل العلاقات، والشعر العراقي الرومانسي يشمل أهم نوع من انواع المشاعر وهو الحب والغزل فهما المنارة التي تستنير بها العلاقات وتسير في طريقها الصحيح بفضلهما ، أما عن الحب فهو أسمى المشاعر الإنسانية التي تتولد نتيجة لقاء الأحبة عندما تلتقي نظراتهم وتجتمع مشاعرهم فينتج عنها الحب ويصبح بينهما مايعرف بعلاقة الامان العاطفي التي يلجأ إليها البشر وبهذا الشكل تصل علاقة الحب الى اسمى معانيها عندما يصبح الرجل هو ملجأ الحنان الذي ترتمي به المرأة وعندما تصبح المرأة هي ملجأ حنان الرجل وهكذا ودعون نتطرق إلى اجمل الابيات الشعريه العراقيه في هذا المجال.
اشعار عراقيه رومانسيه رائعه.
- محتاجة كلش إلك – شهد الشمري
محتاجة كلش إلك يلي شاغل انت الفكر
محتاجة إلك مو حجي وارتاح من ينذكر
هنيّاله من كابلك يا أحلى صورة شعر
محتاجة إلك ما تجي ما باقي شي بالعمر
زعلان؟ ليش الزّعل زعلان آنه اعتذر
بس ارجع لخاطري صير على نحري - عطر
صير على جفني كحل
حليني بين السمر تعبني ذرف الدّمع
بس ما طفالي الجمر بركان في داخلي
ويا خوفي لا ينفجر شو مأخرك ما تجي
ما ظل إلك كل عذر
أهلال جرحك كمل أي كمل وأصبح بدر
صدكني حيل اتعبت حبّك عسر مو يسر
اترجيت وتوسّلت بيك شكثر وشكثر
ما فاد بيك الرجه وجبرتني لهل أمر
ما بعد أضلن شهد خلّيك منّي حذر
واحجيها لا تستحي كول أنت طبعك - غدر
حبّك تحيّة صبح ما تلفض بالعصر
روح وبعد لا ترد شي عادي صار الهجر
اللي ما عرف معنى العشك ما بعد أحطله كدر
جانت درجتك ألف بس هسّه صارت صفر - أحبّك
أنا بس بالكلام وذايب بحبّك
وأفكر بيك أنا في ليلي ونهاري
إذا شفتك صدّك شو يصير أنا بحالي
أظن يغمى عليّ وافقد إبصاري
تعال وصير إلي بالحب غطا وفراش
ودفّيني بحنانك واعرف أسراري
أحبّك كالطفل من يهوى صدر أمّه
يموت من القهر لو فطمته إجباري
زرعتك بالعشق وردة وصرتلك ماي
غصن حبّك شرب من أعذب أنهاري
أنا بدونك مثل بيت أنهدم ساسه
تعال ابني أساسي وابدأ أعماري
حبيبي ارحم بحالي حن على قلبي
أنا بهجرك دمع بعيوني ضل جاري
صرت أنت بقلبي كالنّبض والدم
وسمّيتك حبيبي ملهم أفكاري
تعال وخلي أيدك تشبك أيديّ
واحضنّي وطفّي بالعشق ناري
وخلّي شفتي تشرب مي شفافك
أريد بشفتك ترتوي أزهاري
أريدك كالحمامة تحط على بيتي
وأريدك كالثريّا تنوّر بداري
تعال وصير إلي أنت الهوا والماي
وأريدك كالبلابل تسكن أشجاري
تعب قلمي وأنا اكتبلك قصائد حب
ولكن للأسف ما تفهم أشعاري
اشعار عراقيه رائعه عن الحب للمتزوجين .
- محبتنه جذب مو كالو تموت
ولتصدّكهم الكالو لك نسيتك
لأن أنت شراكة بالنّفس ويّاي
وما أتنفّس أني بغير ريتــــك
تدري أنت شكثر بيك أنّي محظوظ
وأحسّ بختي كعد لمن لكيتك
وإذا فكّرت أعوفك وأنسى ذكراك
ياخذني الكلب كوّة على بيتك
حجولي شكد عليك وكلت عذال
عاندت الحجو عنّك وجيتــــــك
كالو صعب دربه يتعبك هواي
ورغم هذا التّعب كله اعتنيتك
كالو بس أذيه وعوفه وأرتاح
عفت الرّاحة أنا وميّت آب ذيتك - يسقط سجن شوكك ولك مو ملّيت
ما مرّة رحمت بحال مسجونك
شفتني لوحدي وأنت جمالك جيش
واحتلّيت قلبي الماكدر دونك
راح أدخل حرب صبرك بدون سلاح
واشمّت بيك كلّ المايكدرونك
واجبرك تنسحب متعذّب ومكسور
وأشلع ضحكتك من لمعة سنونك
أنا نطيتك عمر شمعة عذاب وليل
بس كلّ الخذوك شراح ينطونك
ثواني بلا سبب كدرو يغيرونك - راح أصبر بدونك وأرهم بلياك
وأذبح رمش عيني الجان يبجيلك
وأتحمل عذابك والبعد والشّوك
وما حط صورتك كدّامي وأشكيلك
ما أكلّك نسيتك بس جرح بالرّوح
يكسر واهسي وما يقبل أمشيلك
عيني الشّالتك كلتلها أشيلج راح
كالت شيلني وما قبلت تشيلك
وجرحي ألفاك صدره وما يريد خيّاط
واكف جنُّه واحد جاي يدعيلك
بس مجبور أدفنك يا عشك يا شوك
وأقرى الفاتحة وبالوحشه أصلّيلك
بعيوني الحزن يقرونه اليواسون
والفوك الحزن لو تدري شاحجيلك
شمّات الأجو وأسوني ثالث يوم
حيل ويّاك كالو مدري شدّ حيلك
اشعار عراقيه رومانسيه للعشاق والاحبه رائعه.
- أجى واحد عليّا وكالي شبيك؟
أحسّ حملك ثكيل ودمعة بعيونك
وأحسّ داخل كليبك نار تشعل نار
وأحسّ ظهرك حنيتة وهدّلن متونك
كتلة القصة هيج وهيج بيّا الصّار
صـــــاح: الله أكبر، عمّي خيعونك
ما يسوون إظفرك خلهم يولّون
ما عدهم كلب ذولا اللّي يخونونك
تتعذّب عليمن أنتَ هم إنسان؟
بس دوس أعلى كلبك لا يدوسونك
وعليمن تنتظرهم والله ميرجعون
حيــــل بعيد صاروا ما يذكرونك
ولو بيهم أمل أنتظر جان ويّاك
بس قاسي كلبهم ما يفيدونك
وأُخُذ منّي نصيحة وعوف دمع العين
صافن لا تظلّ باجر يعبرونك. - مو عدل
مو ميت عدل وإكبالي أشوفك دوم
وأتامّل رحيم الغيبتك رجعة
ما صدّك غفل يا بويا عنّي تروح
مستعجل تريد فراكنا بسرعة
كدّامي القلم كلّ ساعة أشمّن بيه
بلكي علقلم نيشان من صعبة
وشكد ذكريات مخلي عالورق
وحجايات حلوه أبالي متجمعة
نقرى بدفترك حد ما تطيح عيون
والبوم الصّور نشتاق ونطلعه
عيني عالدّرب من ربعك إيردون
أكولن بلكي أشوفن جاي وي ربعه
ويطول انتظاري او وكفتي علـ باب
عين اتاني تبقى وعين بالدّمعة
شريد أنسى يمّا منيلّي النّسيان
هو الجرف ينسه الماي ويودعه
يا بويا العراقيّة تسولف بيك
لمّن تذكر اسمك كلبي اتكطّعه
تبقى عيوني تربي مكابل الشّاشات
بلكت صورتك لو صوتك تسمعه
ظلمة ليل صارت دنيتي بلياك
يلحاروك حياتك للوطن شمعة
أنت وكل شهيد والطّاح وفّه الكاع
يا سيف العراق أو مهرته ودرعه
اقتع روحي يمكن لو كلت أنساك
بس كلبي الدّفنته ويّاك شيقنعه - منين إجيت
الدّنيا مو دنية عشك يبن الحلال
لا تخلّينه بمحبتك ننجبر
أنت ابن العافية وابن الدّلال
واحنا ولد الموت ربّانا الفقر
بينه وبينك فرق كلش جبير
وما نكول أسباب كلّ هذا الفرق
وما نكمل السّالفة لحد الأخير
أمن الأساس ويّاك مسدودة الطّرق
ويّاك ما نرهم وما ترهم محال
ويّانا ما تكدر تدوم وتستمرّ
وباهو كلّك بالسّهل درب الوّصال
وأنت تدري دروبنا مورثة جمر
وفي نهاية المقال نتمنى ان نكون قدمنا لكم مجموعه متنوعه من الاشعار العراقية التي تناقش أهم المشاعر الإنسانية من حب واهتمام وغزل فمن دون تلك المشاعر لا يستطيع الإنسان العيش لحظة واحدة حتى ولذلك كثير من نجد العديد من الناس يعالجون نفسيا من أجل الاندماج في المجتمع والدخول في علاقات اجتماعية جديده وهكذا وأي تأثير على الإنسان سواء في إطار الحب او المشاعر او غيرها فإن هذا قد يؤثر عليه بشكل سئ للغايه لذلك نجد ان الحب يعتبر من أهم المشاعر المحورية بحياة الانسان والتي يجب على كل إنسان أن يأخذ هذا في اعتبارها وفي اولوياته ان الحب مهم لكي تسير امور حياته بشكل طبيعي .
