محتوي الموضوع
الحزن ذلك الشعور الذي نعرفه من صميم قلوبنا بل انه هو من أعظم الأشياء التي نتجاهلها نعم الحزن ذلك الشعور السيء الذي يمر به البشر يمكن أن يكون هو التحول في حياتك ولكن نظرة الانسان او الاشخاص من شخص لآخر يشعر انه هناك شئ مختلف لا يمكن لشخص ان يفهمه فمعظم الأشخاص الذين أصبحوا عظماء اليوم كانوا محطمين في الماضي وقلوبهم محطمة وهذا هو محور عظمة الحزن و أساسه انه لايجعلك قوي في نفس الوقت انما هو يجعلك عظيم بعد أن يمر وستجد ان كل شئ اصبح جميلا طيبا وسترى أن ذلك الحزن المقيت هو الذي علمك الدرس وفهمك الحياة بل هو من اعطاك النبض والجمال لكي تفهم وتعي أن الحب والحزن هما بنفس درجة الجمال ولذلك سنسرد لكم مجموعه رائعه من اروع ابيات الحزن العراقي.
اجمل الابيات العراقيه المؤثره والحزينه عن الحب.
- تعبت سنين لجلك وانته ما حسيت
وكبرتك ولك بثنين اديه
حتئ الناس صاحت هذا جابه منين
كتلهم اخوي من الهويه
يا وســفه ندمت بيوم شفتك بــي
ماشوفك بعد حد المنيه
تعرف لــيش حالف قررت انــــساك
جي بعت الصداقه لخاطر بنيه….
- لاتعاتبنـــــــــــي وتـــزيد جرحي نار
آنـي كـلشي لخاطـــــــــرك سويتة
انتة امس كدام شـــــــماتي نطيت
بية وآني الشوف عينـــــــي انطيتة
جرحي بيدك فوك بيبان الـــــــدروب
كبال شماتي أمس طشيـــــــــــتة
يل تطش بجروحي خلف الله عليك
عمي آني أنسان مـو جكــــــــليتة - فدوه الخاطر العافوك بيه أهتم
نسيت ايام بعدك والجرح سلهم
موقصدي اني ابوكك حقي من تعود
وما قاصد بحجي وياك كلمة ذم
العفتني ورحت الهم امس مو باعوك ؟؟
وانه النشف دموع التصبهن دم
خشنه وجوهم وأنته أترف من الماي
المثلي يلوكلك من الحرير انعم
- طفل مالعب حاله حال الاطفال
صينيه ابدايه ومحزم احزام
وي ربعه تواعد يلعب اليوم
حل من الشغل ومن التعب نام - تيهت دربي وتهت لمن شفت شامتك
ولا تبتعد ياولف يفرح ولك شامتك
شامات على الخد شفت بس باصدر شامه تك
صورك رب العرش وبيك الحسن دكه الك
وسواك مثل الكمر وبلحنج حط دكه الك
ومن يدك كلبي اعتقد دكه اللي ودكه الك
يلي بيك عطر الورد شكد طيبه ياشمتك - ارسمتها وكالت ابحضني تنام
يبني هاي ابلادي والله اجمل ارض
راقبتها وبعدمتخلص الصلاة
اتبوس خارطة العراق بكل فرض
تدري بيه بروحتك ماراح اعيش ღ
اشلون كلبك طاوعك خليتني ღ
موش عميه الوادم تشوف الدموع ღ
وانت هيج بلا ذنب بجيتني ღ
لو صدك مكسور كلبك ما مشيت ღ
بسكته لو بهداي جا حاجيتني ღ
وكتلي رايح لا يظل بالك وراي ღ
حته اعرفك من صدك مليتني ღ
ليش خليت الدمع فايض عليك ღ
ردتك تشوفه اشعجب نسَيتني ღ
شعر عراقي شعبي حزين للغايه وموجع جدا.
- شفت الكارثه من طحت محد جاك
اثبتلي اعله الصداقه او شنهو برهانك
ونته ابكل وكت تحجيله بس بلواك
من شافك طحت اقرب شخص خانك - مـــو لجـــروحــي …. تعـــال الخـــاطر الشـيــب
غيـــر كــل مــــــلامـح وجهــــــي بجفـــــــــاك
تعــال ومــن تجـــي تلـكـانـــــــي تمثــــــــــال
واكـــف فــاتـح آيــــــدي لحضـــن ملكــــــــــاك
خــايف كبـــل جيتـــك يوصــــــل المــــــــــــوت
شكلــه انتظــــــر خـاطــر التقـــي ويـــــــــــاك - ثوب ألمآسي يخي أصبح علي لايجي
والـفـرح ثـوبـو گـصـر لايـرهـم ولايـجـي
مفارگ غوالي وصفى بعيني الدمع لايجي
ومايوم شفت الوكت أسعد دليلي وراح
خلاني عگب الولف أصفگ الراح بالراح
مـادام ولـف الـجهـل بـاگـو الزمان وراح
گولوا للعيد السنه بيّا زعل لايجي / - لهنا واخذ حد عشرتك وانتهة المابيناتنة
يا وسفة امس جانت مطر
بس كاع حبك جن صخر ما طكت ابدمعاتنة
المن نحبك للقهر
وصلتنة حالة محبتك
جيلات من يمنة تمر ما فززت صفناتنة
المن تجي لو ما تجي
محيرنة ما جنك ندة
تذبل وتنزل بس خبث توكع بصف ورداتنة - انه اكتب شعر شاعر خلقني الله
والـماعنده ذوق يـروح مـن يـمي
اترجم ما اشاهد واحجي واقع حال
اعله هم ناس نوبه ومره عن همي
انـت شـبيك تـاخذهـن عليك ثـكـال
مـو يمـك تـرانـه شبيـك متـحـمـي
يـمـعـود دبـطـل كافي مـا مـليـت - علـــى لحــــن الدمــع نــــامت عيــــوني الليـــل
و علــــى صــــوت القهـــر فـــز الصبــح گلبــي
لا ظــــــالم بشـــــر لا قاهــــــر أحـّــــــد يــــوم
ليـــــــــش يصــــير هيــــچ ويـــاي يـــا ربــي - مخنــــــوگة الســـــوالف تطــــــلع من الـــــروح
مـا أدري إشعجـب ؟ و شصـار ؟ و شذنبــي ؟ - يــــــلوموني لأن ربـّيــــــت حزنــــــي ويــــــاي
المفــــــارگ محــــــب متگلــّـــي شـــــــيربّي .؟ - صـــح تعـّبــني كلــش .. صــح سهــرت ويـــاه
بـــــس والله أصيــــــل و مـــا نكــــر تعـــــــبي - بعد بيمن تامن خربت الناس
الضحك وياك يدعي اعليك بالشين
كبل جانت مرؤة وصدك وحساس
هسة الناس صارت عدهه وحهين
الصحبة مصالح
هذا الامر واضح
كلشي انشوفة بالعين
شعر مؤثر وموجع شعبي عراقي.
- الهمسة الثالثة
قصة الرجل والبنات
هناك بيت شعر شعبي مشهور طريف لا يخلو من الفكاهة الخفيفة والمداعبة مع البنات لا سيما الجميلات منهن، يقول:
ثاري البنات اشكال مثل الـﭽفافي لو وحدة بالالفين يمكن توافي - تدري البنات انواع مثل العصافير
لتأمّن الـﭽذاب مــن عشك يطير
والله البنات فنون ﭽنــهن تصاوير
والصورة بس للعين وللـﮕلب تصبير
وبالك من ام لنقوش مثل الزرازير
والحلوة بالاخلاق باللون متصير
وعند البنات فنون بالـعمر تصغير
وحتى العجوزه اتـﮕول بسكم التكبير
وكل يوم الهن راي كل يوم تدبير
ويـﮕولن بكل حال ما عدنه تقصير
والتمّن الحلوات مثـــل الزنابير
ﮔلولي شنهو الراي علموني تعبير
جيتك طبيب ﭽـلاي انشد التجبير
يضحك عليه ويـﮕول كثر جرجير
وركضن عليه غفل زبرني تزبير
واتعاونن بالمـكر طبرني تطبير
بس هي ام الصدج عرفت التقدير
وظلت وفيه اله ومن دون تفكير
- الضحكه يم الموته كلش مالحه
بهيجي عزرائيل كون انصالحه
شاب بس من عنده شايب
روحي ترجف واني تايب
ربعي من هسه قرولي الفاتحه
- أدري بيك تحبني وبشوكي تذوب
وأدري عنك لــــو غبت تشبع قهر
وما نسيتك جنك انتة اللي نسيت
خلصت عمري الك يـــامــا أنتظر
كافي ارجع تدري كل لحظة اموت
وليلي مــايكدر بعد يحمل سهر
تدري بفراكك جهنم من تـــروح
وابقى جم دوب انتظر فوك الجمر
- كلما جلست مع نفسي معتزلا بالمحراب
يبزغ هذا الشعر امامي كأنه السراب
لاني اسير في طريق الاغتراب
بعد اختفاء طريق الاحباب
في زمن المجهول والارتياب
جالس بصومعتي في مدينة الضباب
وحيدا الا من عشق رب الارباب
وقد اوصدت من دونهم الباب
لا استقبل الاعداء او الاصحاب
صبرا صبرا فقد اقترب المآب
وبه نهاية العذاب!!!
- قال بلسان الحبيبة البعيدة بعدما شكت له لوعة الفراق وقسوة البعاد مواسيا اياها
آآآ يويلي آآآ يويلي طار نومي وطال ليلي
أشـﮕد اظل عنك بعيدة والله مو بطلت حيلي
وسلوتي صارت احلامك عل بعد ﮔامت تجيلي
وصورتك بالقلب رفت….بغـربتي صارت دليلي
ما اصدق بعد اشوفك آآآ يويلي آآآ يويلي
وفي نهاية المقال يجب ان تفهم انه من اجمل الاشياء التي يعلمها لك الحزن هو النضج فمن المستحيل والصعب ان تعبر بفترة من الحزن بسبب شيء ما وتجد انك تكرر ذلك الشيء بل هو من أكثر الأشياء التي يمكن أن تحدث لك ، وفي النهاية اذا قراءت اي قصه واي شئ عن التاريخ تجد أن الحزن ليس شئ دائم على الاطلاق بل انه الشئ الوحيد المتغير ودائما لكل شئ نهاية في نهاية الليل صباح مشرق وجميل ونهايه الفجر الشمس الجميلة وفي النهاية نتمنى ان تكون ارتسمت الضحكه ع وجوهكم.
