ما اجمل اليوم الذي تضحك فيه فالضحك من الاشياء التي تجعل قلبك مليئ بالطاقة الايجابية وبحب الحياة ، فجميعنا نحتاج الى ان نخرج عن المألوف وان نبحث عن كل ما يسبب لنا السعادة ، فبسبب روتين الحياة الممل اصبحنا نشعر بأن الحياة قصيرة و الايام التي نعيشها جميعها متشابهة وهذا ما يجعلنا نشعر بأننا في سجن اسمه الحياة ، وبالتالي علينا الخروج عن هذه الحالة بممارسة الهوايات التي نفضلها او القيام بأي اعمال نعتبرها مسلية يمكن ان نقضي فيها اوقات الفراغ ، ولاشك ان الضحك هو اجمل الاشياء التي تجعل حياتك نشيطة ومليئة بالحيوية ، ولذلك يسعدنا ان نقدم لكم اليوم من خلال موقع احلم باقة من اجمل و اروع النكت المصرية الحديثة و الجديدة التي تجعل عيناك تدمع من الضحك ، فنتمنى ان تستمتعوا بهذه النكت ونتمنى ان تنال اعجابكم.
اقوى النكت المصرية المضحكة جدا
- مره واحده بتقول لجوزها “تصدق إن أنا كل يوم بحلم بيوم جوازنا” قالها “هى لسه الكوابيس دي بتجيلك.
- واحد ندل بيعلم اولادة الندالة وهو بيموت قالهم الندالة ثم الندالة ثم الندالة مات رموه من الشباك.
- مرة واحد احول أبوه مات دفن امه.
- عصبي ضربته شمس جمع شلته.
- مرة واحد احول باباه كان راجع من السفر راح باس الشنطة وشال ابوه.
- مرة واحد عصبي عايز يحكى لمراتو شئ غريب حصلوا .. قالها أنا عايز أقولك على حاجة غريبة حصلتلى بس أنا مش كذاب أنتي الكذابة و وقحة و كل عيلتك و انتي طالق.
- واحد منحوس خبطته عربية ومات فروحه طلعت خبطتها طيارة.
- مرة فار فشّار شاف جثة اسد قعد يجر فيها لغاية ما وصلها الغابة المهم الحيوانات كلها قعدت تهتف وتقول عاش الفار ، راح الفار رفس الاسد برجله وهو بيقول انا لما اتعصب ما برحمش.
- مرة ثلاثة فشارين راحوا الجبل واحد اعمى و واحد اطرش وواحد اقرع الاعمى قال انا شايف النملة اللى فوق الجبل و الاطرش قال انا سامع دبتها والاقرع قال أنا شعرى وقف من كتر الكدب.
نكت مصرية تموت من الضحك
- عجوزة خيروها بين الحج والجواز .. وطت راسها مكسوفة .. وقالت: هى مكة هتطير.
- واحد اتصل بمراته قالها حضري المية السخنة راح صاحبة قالة انت حمش قوي قالو امال هغسل المواعين بمية باردة.
- مرة واحد بتاع سمك ابنه مات فماشى فى الجنازة يقول: كان صاحي وبيلعب.
- اتنين رخمين اوي اتحكم عليهم بالاعدام فسألو الاول نفسك في ايه قال نفسي اشوف امي وبعدين سألو التاني نفسك في ايه قالهم نفسي متخلوهوش يشوف امه.
- إتنين ماشين فى الصحرا طلع عليهم اسد فواحد منهم رماه بطوبة وجرى بيبص وراه لقى صاحبة واقف بيقولة إنت مبتجريش لية قالو وانا مالى هو انا للى ضربته.
- واحدة الدولاب عندها بيعمل صوت لما القطر بيعدى من جنبهم جابت نجار صلحه مرة و اتنين و تالت مرة قالتله و الله ما انت ماشى الا لما القطر يعدى و أشوفه هيتهز ولا لا شوية و جوزها جه و النجار من الخضة استخبى فى الدولاب …. لما جوزها شافه قاله و انت بتعمل ايه هنا قاله النجار لو حلفتلك بايه مش هتصدق اني مستنى القطر.
- مره واحد راح يعزى فى واحد صحبه فهو ماشى فى الجنازه قابل بائع بطيخ فشترى واحده فالناس طول ماهيه ماشيه بتبوص للبطيخه وتقول كلنا لها راح رادد عليهم وقال محدش واخد منها حاجه.
- مره واحد اتحكم عليه بالاعدام فسأله عشماوى نفسك فى ايه قبل ما تموت فقعد يرفس ففكوه و قالوله يا جزمه كنت هتتخنق.
- مرة واحدة ست بتقول لجارتها الحقيني يا أم محمد بعت جوزي يجيبلي ملوخية راح مخبوط بأتوبيس … يالهوي وعملتي إية .. عملت بامية وامري لله.
اروع النكت المسلية و الجديدة
- مره واحد كان قاعد في الصاله مراته دخلت عليه لاقته بيقرى في كتاب (الرجل سيد المنزل) فقالتله انت مش هتبطل قراية الكتب الخياليه دي.
- حان موعد اختبار المجانين فرسم الدكتور باب مقفول على الحائط واحد ركله والاخر بطحه وضحك الاخير فظن الدكتور أنه شفى فسألة عما يضحكه فقال له المجنون: المفتاح فى جيبك.
- واحد صينى وقع اتكسر.
- مرة واحد خد مراته جنينه الحيوانات و صورها جنب قفص القرود و علق الصورة فى الصالون و كتب تحت الصورة :هذه صورة زوجتى مع القرود ملحوظه زوجتى الثالثه على اليمين.
- واحد غني بيتأتأ فراح رحله على حسابه مع اصحابه طول السكه قاعد يقول “ن ن ن” لما وصلوا قالهم” نسيت الفلوس” فرجعوا طول الطريق قاعد يقول” ك ك ك” فلما وصلوا قالهم” كنت بضحك عليكم”.
- واحدة بتقول لزوجها لو ما كنتش رضيت اتزوجك كانت حياتك بقت فاضيه قالها :ايوه بس محفظتي كانت حتبقى مليانه.
- مرة دكتور تحليل امة ماتت قال تحاليلي ياما.
- مرة واحد غبي راح يخطب فوالد العروسة بيقولة احنا عايزين مهر عشرين الف جنية قام الغبي قاله ليه دا انا قدامي واحدة على خمس تلاف وحامل.
- سودانية لبست فستان أحمر وقالت لزوجها دلعني . .قال لها: يا فحم يا مولع !!.
- مرة واحد بيقول لمراته “اعملى محشى” فقالت له “ما بعرفش” قلها “ماليش دعوة” فراح الشغل ورجع لقى السفرة مليانة محشى قلها “مين اللى عمله؟” فقالت “معرفش” فأشتكى للبواب، البواب رد وقاله “الشقة ديه مسكونة” فقله “لاياعم أنا هروح شقة حلوان” فطلع الشقة لقى العفش محلول وهو نازل لقى أربع عفاريت بيغنوا “هنروح حلوان هنروح حلوان”.
و في ختام هذه النكت يجب ان نعلم ان الضحك هو العلاج لكل حالات الملل و الاكتئاب التي قد تصيبنا بسبب روتين الحياة الممل الذي نعيشه كل يوم ، كما ان الضحك له فائدة حتى على الناحية العلمية فهو يعمل على تقوية عضلة القلب كما انه يساعد على تنشيط الدورة الدموية ، وكل هذه الفوائد نجدها في الضحك ، واذا كنت تريد الضحك فعليك البحث عن النكت الجديدة و المسلية وهذا ما قدمناه لكم في هذا الموضوع ….. نتمنى ان تكون هذه النكت المسلية قد نالت اعجابكم وانتظروا المزيد من الموضوعات المرتبطة بالنكت المسلية و المضحكة جدا من خلال موقع احلم.
و يمكنكم ايضا قراءة: نكت مصريه جامده جداً استمتع معنا باحلي 30 نكتة جديدة
