اشعار شعبيه حزينه سري جدا الى البحر هشام الجخ

نقدم لكم هذه المقالة من موقع احلم تحت عنوان  اشعار شعبيه حزينه سري جدا الى البحر هشام الجخ، وفيها نعرض لكم مجموعة من قصائد الشعر العربي الشعبي من مختلف الثقافات الشعبية، فالشعر العربي ينقسم لعدة تقسيمات ومن ضمن تلك التقسيمات الشعر العربي الفصيح أو الشعر العربي العامي، في هذه المقالة سنقدم لكم مجموعة اشعار شعبية حزينة للغاية.

فالشعراء العاميين اسخدموا الشعر للتعبير عما يمر بهم من مشاعر سواء مشاعر فرح او حزن، والشعر العامي له باع طويل في تسجيل الاحداث المعاصرة، ومن اشهر الشعراء العاميين في مصر في العصر الحديث الشاعر هشام الجخ،  هو هشام كامل عباس الجخ مواليد 1978، أصة من محافظة قنا في صعيد مصر لكنه ولد وتربي في محافظة سوهاج في صعيد مصر ايضا، تخرج من كلية التجارة جامعة عين شمس عام 2003 ، لها العديد من القصائد العامية وحاصل على العديد  من الجوائز الأدبية، نرجو أن تنال المقالة اعجابكم.

اشعار شعبيه حزينه:

سِرى جِدَاً إِلَى البَحر

وبَقُولُه يَا بَحر ليه المُوج فِى عِز الهُوج مَابِيخَلِصْش
و المِلح سَد وِدَانَك ودَانَك لَجل مَاتخَلِصش
يَا بَحر كَام ألف بِت زَغزَغت رِجلِيهُم
ورَفَعت عَنهَا الحِجَاب ولَزَقت فُستَانهَا بالعَانِى عَلَى ضَهرَهَا
وجَرَحت رِجْل الوَاد اللى جِرِى فِى ضَهرَهَا
وعَمَلت مِلحَك دَوَاَ واللى جِرَاحُه هَوَى
مَالهُوش طَبِيب غِيرَك

طَب لِيه بِتبخَل عَلَيَا
مَع إِن ” نَـــــانَـــــا ” صَبِيَه
زَغزَغت رِجلِيهَا ورَفَعت عَنهَا الحِجَاب
ولَزَقت فُستَانهَا بالعَانِى عَلَى ضَهرَهَا
ودَبَحتِنِى فِى مَهرَهَا ودَفَعتِلَك رَاضِى
خَلِيتلِى حُبِى قَضِيَه وعَمَلتِلِى قَاضِى
وكَوِيت بِملحَك جَرحِى كِيف الدَبْح
مِن مِيتَى يَا بَحر الِجرَاح بطِيب بِحَبِة مَلح
و أنا أصلِى واخد ع الـوَجَّع ..
و أمَّا الجِـرَاح بتْصِيـب جَـدَّع ..
بيصِير وجَعْهَا بــــ مِيت وَجَّع
تعرف يا بحر الـ ميت وَجَّع ..
وَجَّع اللى حَبيِتهَا وسَابِتنى
وَجَّع اللى بعنِيها سَابِتنى ..
وَجَّع اللى عَمَلِت مِنى رَمل فى قَعر جُوفَك رسَّبتنى ..
و تُسعُمِيت مِليُون وَجَّع للذكرَيَات ..
أصْل المحبه يا بحر مِش فَتره وتِعَدى
دِى عُمر شَايِل صُوت هِزَارِى و غُلب جَدّى ..
فِكر طَايِح يُوم يِجيب و شُهور يِوَدِّى ..
و تُسعُمِيت مِليُون وَجَّع ..
عَدَد المحَاره و الوَدَع
عَدَد الكَلام مِن بِين شَفَايِفهَا الجُمَال
عَدَد الشَمَاسِى و الكَرَاسِى و البَنَات ..
عَدَد الرِمَال عَدَد المطَر يا أبو قَلب أقسَى مِن الحَجَر ..
كُل اللى فَاكرِينَك بتجَمَّع للحَبَايِب شَملُهم …
عَـــــــــــــالَــــم بَـــــــــــقَــــــــــــــــــــــــرْ

مَا أنَا جِبتَهَالَك .. مِشْ جِبتَهَالَك ؟ ..
شَهِد الشَمس اللى لِسّه سَمَارهَا فُوق ضَهرِى تِقُولَك
إِنى يَا بَحر إِئتَمَنتَك جِبتَهَالَك
ولا لِيه شَهِد رِمَالَك
عَلِّى صُوتَك سَمَّع الرَمل اللى مَدبُوح مِن قَسَاوتَك
وإِندَاهُه و إِن كَان يِجَاوِب إسألُه
فِين قُصُور الوَاد دَاهُه
هيقُولُولَك ما إنت يا بَحر اللى هَدِيتهَا
وسَوِيتهَا بِبَاقِى الشَط
هيقُولُولَك هُوَ هُوَ المُوج يا بَحر
زَى مَا جَمَّع حَبَايِب زَى ما كَسَر قُصُور
بَس النُوبَه دِى يا بَحر مُوجَك القَاسِى كَسَرنِى
هُوَ أَنا نَاقِص كُسُور
لَو تِعَرِينى يَا بَحر تِلقَى جُوَايَا بَنَات مَالْهَا عَدَد
ولَا إِتكَسَرتِش
زَى مَا تقُول جِسمى نَحَس مِن الحَريِم وبَقِيت وَتَـــدّ ..
بس النُوبَه دِى مَاإنتَصَرتِش
بَعتِرفلَك يَا هَوَى البَحر إِنى مَغلُوب النُوبَه دِى
بَس خَلِيك وَاعِى دَايماً و إفتِكِر مِين اللى بَادى
ومِن اللِيلادِى لا إِنتَ صَاحبِى ولا أعرِفَك
إِيَاك تِشُوفنِى بِبِنتْ حِلوَه وتُطلُب إِنى أعَرِفَك
صَبرَك عَلَيا
و هـ اكشِفَك و هــ جرِسَك و هـ جَرِفَك و هـ جَوِفَك و هـ كَتِفَك
كِيِفْ الذَلِيل
مِن اللِيلادِى سَمَاك يَا بَجر هتِبقَى لِيل
مِن اللِيلادِى هـ أطفِى شَمسَك و أطمِس الدُنيَا ونَهَارهَا
” نَـــــانَـــــا ” مَـــــاتِـــــت
بَس فَاضِل لِسَه نَارهَا
و العَزَا عَالِق مَا بِينِى و بِينَك إنتَ
والله مَا هَقبَل عَزَاك
قَبل مَاخُد بإيدِى
تَـــــــــارهَـــــــا

وفي الختام نرجو ان تكون المقالة قد لاقت اعجابكم وان تكونوا وجدتم ما تبحثون عنه، وقبل ان ننهي مقالتنا نريد أن نوضح لكم أن الشاعر هشام الجخ له العديد واللعديد من القصائد الشعرية المشهورة أمثال قصيدة جحا وقصيدة أباتشي وقصيدة تلت خرفان، بعض الناص يقولون أن هشام الجخ ينهج نفس طريقة واسلوب الشاعر العامي عبدالرحمن الأبنودي وهو شاعر عامي مشهور للغاية وله نفس الأصول الصعيدة مثل الشاعر هشام الجح.

لكن سيظل لكل منهم نكهته الخاصة في شعره العامي، وعلى قدر شهرة الشاعر عبدالرحكم الأبنودي كذلك يتمتع الشاعر هشام الجخ بشهر عريضة في مصر والوطن العربي عامة، وقد زادت شهرته بعد مشاركته في مسابقة شاعر المليون. نرجو أن تكون المقالة قد اعجبتكم.