شعر عراقي قصير وحزين عن وجع الحب مكتوب باللهجة العراقية 2021

كما ذكرنا سابقا أن الشعر هو لغة الشعراء التي من خلالها يستطيعوا التعبير عما يجول في خاطرهم من حب أو حزن أو شيئا ما، وسواء اتفقنا أو اختلفنا فالكل يقع في الحب ولكن ليس كل الأشخاص محظوظون لكي يكونوا مع من يحبونهم، فبعض الأشخاص يفرقهم القدر أي لا يكون نصيبهم مع من اختاروا ليكملوا حياتهم معه لذلك يواجه العشاق عذاب الفراق والبعد ويعيشوا فترة عصيبة إلى أن يتداركوا الأمر، وأغلب الأشخاص لا يستطيعوا نسيان من أحبوهم حتى مع مرور الزمن وهذا ما سوف نلاحظه في شعر “عودة الماضي” الذي فيه يتذكر العاشق من أحبها وفرقهما القدر عند رؤية أبنها بينما كان يجلس مع أشخاص ويحتضن أبنها بشدة  ويسأله عن أسمه الذي هو على اسمه مرة أخرى فيعرف أنها لم تنسى حبه لها ويختتم شعره بان شوقه لها لم ينتهي برغم مرور السنوات عليه، ولتعرف على الشعر العراقي نقدم لكم عبر موقع احلم موضوع “شعر عراقي قصير” فهيا لنتعرف عليه.

عودة الماضي:

هزتني الذكرى وانا بين الاجواد

ساعة عرفت اللي لفاني ولدها

طمرت احبه والغلا فيني يزداد

شميت ريحة حبها في سندها

ضميته بصدري على جروحن جداد

من غير ما اشعر احسب اني بيدها

سالته ودمع الوله فاض وقاد

اسمك وشنهو رد لي من بعدها

مسمى على اسمي ما نسيت

حب الامجاد

الله حسيب اللي حسدني وحسدها

مرت سنين كلها شوق وتنعاد

في عيوني اللي عارف وش عددها

صدفه وفيها خير من الف ميعاد

ولو ضاق صدري رحت اناظر ولده

شعر عراقي شعبي قصير حب وعشق وغزل وغرام.

حب من طرف واحد:

من اجيبك ع السلف تسوه السلف كله..
والمفارگ عيونك بالسلف شله؟!
اريد اصفن بوجهك صفنة الميتين!!
ما ارمش لون شچيتني بسلة..
انا الماتيهت..تيهني وجهك ذاك!!
بدوي ودرب الصحاري اشتمه واندله…
قفل خليتلك خيط اعلى طول الروح
حتى منين ماتشتاگلي تفلة
ويشذرة محبس المومن ومن تطيح
بعلامات الموامن تعتبر خلة
اليحب من طرف واحد بوجهة يبان..
على دفنة عزيز يعامل الدفان!!
من نظرة عيونه يبين

شعر أحوال الدنيا:

غلطان اليعاشر بشر ياهو الجان

وغلطان اليحب ويخلص النيه..

هاي الناس تعشك صاحب الوجهين

وابو الواحد ابد متجيب طاريه

اليوافي بهالزمن ينداس بالرجلين

والغدار فوك الراس تاليه

اليحجي الصدك مكروه بين الناس

والجذاب هو الروح والريه

بيهم مانطيت بيوم لاهيهات

بس ياحيف همة اللي نطو بية

يجرحواني واسامح والعذر مقبول

واكول احباب ميقصدون اذية

عالينات عايش وية هذا وذاك

بس ياحيف هسة اختلفت النيه

شعر عراقي عن الحب رومانسي جدا وقوي.

جريح الحب:

ترس روحي الضباب وبينت وياك

كلي بروحك امشي وجرحي ما شفته

انه بالنسمة أعثر وانت قيس الحال

مو جدمي وراك خيالي ما شلته

وأجي بواهس عذر وحروفي مني تطيح

واتبده اعلى وجهك مستحى وسكته

وأنخل غير وجهك واليطيح تراب

وانكتهم واهزهم بس تظل انته

رمح فركاك إجاني مسابك ويا الريح

ماقصرت تسلم بالنفس جبته

بس المحترك يفهم حجي الدخان

ويعرف حرورته ويفهم سبب علته

مثل عاشك بغربة ومره وكت غروب

يفرفح من يمر طاري الهوا يموته

نصائح الحب:

لاتذب روحك عله الرايد يروح

بـنـادم يحـبـك أذا تتجاهله..

عيش مثل البير اليعطشك يجيك

الماله حرگه بشوفتك لتبلله..

أذا تهتم أبشر يثگل عليك

تريده يهتم أهتمامك قـلـلـه..

لا تتاني الوادم ترد الجميل

لـو ردت تخسر أبنادم دلـلـه..

ولا تبين روحك بعازة حبيب

تصغر بعيـنـه تظـل تتوسله..

شما مشه المفتاح راح يظل ذليل

بـعـد مايلكـه قـفـل يستقبله..

أنطي ظهرك لاتظل صافن وراه

اليعوفك كـون هـيـج تعامله..

الماله واهس بيك مايسوه التعال

راسك عله الطاح زحمه تـنزله.

شعر عراقي عن البعد وفراق الأهل والأحباب.

شعر عراقي حزين:

الفاكد حضن يكضي العمر بردان

الطير بلا غصن ضل جرحه رايف

اتعودت على حالي وحيل مرتاح

مثل ما انت وي جتالي واكف

وحك شيبات راسي البانن وياك

نهرك ذاك صار بعيني ناشف

الماعنده كرامه يعيش مذلول

اليغركه الروج يتخيل مشاحف

جنت افرش ضحكتي وجدمك يدوس

تسد الباب وامطرلك مضايف

من شحت اخدودك لحد هاليوم

بوجهي ايتام ماشايل شفايف

إلى هنا نكون قد وصلنا إلى ختام موضوع ” شعر عراقي قصير وحزين عن وجع الحب مكتوب باللهجة العراقية 2021″ الذي قدمناه لكم ويضم إشعار “عودة الماضي، شعر عراقي حزين، نصائح الحب، شعر أحوال الدنيا، وشعر جريح الحب، حب من طرف واحد” والتي تعرفنا من خلالها عن ألم الفراق وشوق المحبين ، كما عرفنا كيف يتم معاملة الحبيب المتولد حتى لا يستطيع جرحنا، ومن خلال شعر أحوال الدنيا عرفنا الفرق في معاملة الأشخاص لشخص الصادق والشخص الخائن الكاذب، وأخيرا نتمنى ان تكون الأشعار نالت إعجابكم…………..دمتم سالمين………….