نعرض لكم اليوم من خلال موقع احلم كلمات قصيدة وحشتيني لعمرو حسن ، فهذه القصيدة من القصائد التي حصلت على شعبية كبيرة حيث تخطت مشاهدتها حاجز الثلاث ملايين مشاهدة على موقع يوتيوب ، و هذه القصيدة تصف حال الكثير من الاشخاص الذين ارهقهم الشوق و الاشتياق للحبيبة ، ويبدو هذا واضحا من اسم القصيدة ( وحشتيني ) فهي تعبر عن مدة الاشتياق للمحبوبة وكيف ان الحياة تصبح بلا معنى بعد رحيلها ، حيث ان اصعب انواع العذاب و الالم هو الم الرحيل ، واليوم الذي يتركك فيه الحبيب و يرحل تشعر بأنه آخر يوم لك وانت على قيد الحياة وتشعر بعدها انك فارقت الحياة ، ولذلك يسعدنا ان نقدم لكم من خلال موقع احلم كلمات قصيدة وحشتيني لعمرو حسن ، فنتمنى ان تستمتعوا بهذه القصيدة و نتمنى ان تنال اعجابكم.
كلمات قصيدة وحشتيني
وحشتيني
ولو كل اللي عارفينك قالولك اني مانفعكيش
ولو كل اللي عارفينني قالولي بكره تنسيني
وحشتيني
ولو كل البشر قالوا ان انا عاصي
واني غلطت ف حياتي غلط ياما
ده واد تلفان وكل يومين معاه واحدة
وحتى فلان زعل وياه عشان واحدة
انا أصلا مانيش يوسف
ولو زوجة العزيز همت
وقالت هيت لك ياجميل
يجوز راح اميل
وممكن اضمها جهراً
يسيل من ضحكها نهراً
تدوب الاغنيات ف النيل
لكن مهما هاشوف وهاطوف ومهما قابلت ناس وظروف
هتبقي لوحدك القشة اللي جيت علشان تنجيني
وحشتيني
مافيش انسان مالوش ماضي
مافيش راجل مالوش أخطاء
لكن دايماً ف نقطة ضعف
ونقطة ضعفي هي انتي
وطول الوقت كنت باقول
انا مابقتش عاوز شيء سواكي انتي
باحس معاكي اني مسيح
براءتك عاملة زي الريح
بتكنس ف الغلط بهدوء
وبابقي ف ضحكتك سكران
ومش عاوز لا انام ولا افوق
وكان فيه حل والله
وكان ممكن اكون بالوقت زوج صالح
ماليش ف المسئولية ساعات
ساعات طايش
لكن بالوقت كان ممكن اكون احسن
تسامحيني ف غلط فالت
وهاحلفلك بإني هاصلح العدلة التي مالت
بلاش تمثيل عشان أصلاً
صياعتي وفشلي من غيرهم
ماكانش يجوز تحبيني
وحشتيني
ف كل مكان ف ذكرى معاكي متسابة
ايديا ف ايدك الطفلة باعدي معاك ف الشارع
ملامحك وانتي بتسمعي فيروز
نهارك وانتي بتواجهيه بشاي بحليب
وحكاياتك على صحابك
فلانة بتكرهك جداً
فلانة قالتلي ماتشوفيهوش
كلام قولتيه وكان لازم
ف وقت الجرح ماتقوليهوش
اكيد دلوقتي بتقولي
زمانه مولع الدنيا
بيغلط كل يوم عادي
خلاص فاكك بقا ومرتاح
وانا والله ف قيودك
كطير من كتر ما اتقيد
طلعله جناح
انا ف البعد متحاوط بطيف ريحتك
ولسه لحد هذا الوقت فاكر شكل تسريحتك
وتنهيدك
وشكل الساعة علي ايدك
طريقتك وانت بتغني
بعيد عنك حياتي عذاب
حياتك ايه بعيد عني
يا دنيا عرفتها فجأة
وارض لمستها بشويش
يا أطهر من رقم فلكي
ف عداد اسمه أكل العيش
بتحكمي ليه على غيابي
وف حضوري بتنسيني
رفضتي ان انتي تتسابي
وفجأة انتي اللي سيبتيني
وحشتيني
كأنك ف الغياب أقرب…
وجودك بيزيد إذا بعدتي…
رصيد ناقص ف كل غياب، ووحدك ف الغياب زدتي
عرفتي ازاي..
عرفتي ازاي تشاركيني غنا التفاصيل..
بقيت متساب لكن شبطان….
شيطان طيفك ملاك ف شيطان
مخليني ف وسط الناس لكن وحدي…
أشوف العمر بيعدي،
وحسديني البشر ع ايه وانا بدونك؟؟
وايه الدنيا سوى عيونك؟!
سوا حضنك ف وقت الخوف…
يا عم الحاسد الطامع
تعالي وشوف طلل راجل ف عز الليل بيسرد قصته لروحه…
ويشكي جروحه ل جروحه،
ويظهر للبشر باسم،
يعيش وكأنه مطمن
وهو في قلبه عجيب
شوفيلك حل ف غيابك..
يا إما رجوع من المبدأ…
يا إما تقولي كيف أبدأ ف اي طريق ينسيني…؟؟
اقرأ ايضا : كلمات اغنية بحبك وحشتيني لحسين الجسمي
قدمنا لكم اليوم من خلال موقع احلم كلمات قصيدة و حشتيني ، فهي من القصائد الحزينة التي يخبر فيها الشاعر محبوبته كيف انه يتألم بعد فراقها وان القلب يصبح مليئ بكل الوان الحزن و العذاب عند رحيل الحبيبة ، وهنا يجب ان نذكر ان الحب هو الشعور الذي يجعل الشخص سعيد و محب للحياة ولذلك عند رحيل هذا الحب تجد ان الانسان اصبح كالشمعة التي انطفأ ضوئها ، ولذلك من المهم جدا ان نحافظ على الحب لان الم الفراق ليس له مثيل ، فتشعر وكأن قلبك ممزق ………… نتمنى ان تكون هذه القصيدة قد اعجبتكم وحازت رضاكم وانتظروا المزيد من الموضوعات المرتبطة بالقصائد من خلال موقع احلم.
