محتوي الموضوع
نعرض لكم اليوم من خلال موقع احلم باقة مميزة من اجمل و اجدد النكت المضحكة الى ابعد حد ، فالحياة مليئة بالمواقف الكثيرة و المختلفة ، البعض منها يجعلك تشعر بالسعادة مثل النجاح في المدرسة او العمل والبعض الآخر يجعلك تشعر بالحزن و خيبة الامل ، وهناك مواقف قد تحدث صدفة تسبب الضحك ، وهنا سنتكلم عن الضحك ، فالضحك من الامور المفيدة جدا سواء من الناحية النفسية او الناحية الجسدية ، فبخلاف فائدته العظيمة لصحة القلب فهو ايضا يجعل الطاقة الايجابية داخلنا هي المسيطرة وليست الطاقة السلبية ، واذا كنت تبحث عن الضحك بجنون فما عليك سوى قراءة اجدد النكت المسلية و المواقف الكوميدية التي تحدث بصفة يومية والتي تجعلنا نضحك بجنون و دون توقف ، و لذلك يسعدنا ان نقدم لكم اليوم من خلال موقع احلم مجموعة من اجمل و اجدد النكت المضحكة جدا التي ستجعلك تضحك حتى تدمع عينيك ، فنتمنى ان تستمتعوا بقراءة هذه النكت و نتمنى ان تنال اعجابكم.
نكت قصيرة روعة
- وحدة صحيت من النوم مخضوضة سألها جوزها مالك يا ولية؟ قالته كابوس حلمت إني ترملت، قالها بعد الشر يا حبيبتي ان شاء الله أنا ولا انتِ.
- واحد غبي قال لابن عمه: أمريكا طلعت القمر واحنا لازم نطلع الشمس، فرد عليه وقله: بس الشمس حر جدا، قله: مفيش مشكلة نطلعلها بالليل.
- مر واحد قرر يكبّر دماغه معرفش يقلع الجلابية.
- طالب كان بيمتحن امتحان كيميا فكان عنده سؤال بيقول ايه الشيء اللي مش بيدوب لما بيفضل ف المايه راح كاتبلهم السمك.
- شاب ماشي مع خطيبته فبيقولها هو أنتي عارفة ايه الفرق بين الحب والجواز؟ فقالتله لا ايه؟ راح قالها الحب ده زي النجوم اللي بنشوفها ف السما، راحت قالتله والجواز ايه؟ راح رد عليها قالها لا دا البلاعة اللي بنقع فيها واحنا بنبص على السماء عشان نشوف النجوم.
اقرأ ايضا : نكت قصيره تضحك اتحداك تمسك نفسك 2022
نكت مضحكة جدا
- واحد خبطته عربية فخد تعويض 1000000جنيه وقام واقف على سكة القطر وفاتح درعاته وقايل: تعالالي يبو الملايين.
- واحد بيستهبل اتجوز وحده بتستهبل، خلفو واد لما خرج عمل فيها ميت.
- واحد غبي سمع أن في نظارة الشخص اللي يلبسها يشوف كل الناس من غير هدوم.. فراح باع كل اللي عنده وجمع فلوس وسافر عشان يشتريها.. ورجع مبسوط بيها بقى وماشي يتفرج على الناس لغاية ما وصل للبيت فتح الباب لقى قدامه رجل غريب ومراته والاتنين من غير هدوم، فقام قالع النضارة لاقاهم برضو من غير هدوم، طبعًا مراته جريت عليه تقوله سامحني راح قالها يا ستي استني خليني أشوف النضارة علقت ليه.
- ناظر بيقول للاستاذ هو لي كل التلاميذ عندك بينطقوا الجيم دال؟؟ قاله مش عارف هو دا الي مدنني.
- صرصار دخل محل سوبر ماركت فطلع منه مبسوط أوي فقالوله مالك ايه اللي حصل قالهم لقيت صورتي جوه على علبة اسمها ريد.. هو أنا للدرجة دي مشهور.
و للمزيد يمكنكم قراءة : نكت مضحكة قصيرة مكتوبة مصرية تموت من الضحك 2021
اروع النكت الجديدة
- ايه الفرق بين الحفرة والكمبيوتر؟ الكمبيوتر حاسب آلي والحفرة حاسب لتقع.
- ست خوافة أوي كل يوم تصحي جوزها من النوم وتقوله يا عبده قوم أنا سامعة صوت في الشقة شكله في حرامي في البيت.. فقام جوزها قالها يا ستي الحرامي لما بيسرق مش بيعمل صوت، راحت تاني يوم صحته عمالة تصوت وتقوله اصحى بسرعة مفيش صوت في البيت يبقي في حرامي.
- غبي وقع عطوله مرهم وقالوله ادهن مكان الإصابة راح دهن السلّم.
- مرة صاحب توك توك دخل يمول من محطة بنزين فكان قدامه مشروع بيحط 50 لتر ومقطورة بتحط 200 لتر.. قام الرجل بص للي شغال هناك وقاله امبوو.
- واحد قال لأبوه بابا عاوز أكمل دراستي بره قال وايه المشكلة، قول لأمك تفرشلك في الحوش بس خد بالك لتبرد .!!.
اجمل النكت المسلية
- مره واحده بخيل راح يزور أمه في المستشفى لقى لوحة على الباب مكتوب عليها (إدفع) قام قايل ربنا يشافيها هبقى أشوفها أمّا ترجع البيت بقى!!.
- مرة نمر بيجري ورا عربية ليه؟ عمال يعاكس النمرة.
- دخل المدرس الفصل ووقف سأل الطلاب ايه الحاجة اللي لونها أسود في أصفر وبتنزل عسل؟ قام رد عليه واحد من الطلاب وقاله أتوبيس المدرسة بتاع البنات.
- 3 صعايدة كانوا رايحين محطة القطر فلاقوا القطر خلاص بيمشي راح اتنين منهم قعدوا يجروا وراه والتالت وقف ورا يضحك عليهم، فالناس قالوله أنت بتضحك على ايه قالهم أصل أنا اللي كنت مسافر ودول جايين يوصلوني بس.
- غبي جاتله رسالة حلوة قعد يضحك اتصل بلي بعتهاله وقاله والنبى ابعتها تانى.
و للمزيد يمكنكم قراءة : نكت سامجة تضحك موت قصيرة سعودية 2022
نكت تموت من الضحك
- واحد راح يعزي في ميت لقاه صاحبه على الباب وقاله انت عزيت؟ قاله لا عالسمنة الفلاحي.
- أستاذ بيحكي لطلابه يعيش القرد في جنوب إفريقيا، ردوا عليه: يعيش..يعيش..يعيش.
- راح طفل لأبوه وقاله أنا عايز مدرس خصوصي في البيت.. فرد عليه أوعدك لو نجحت السنادي هجيبلك واحد.
- واحدة ست راحت تقول لجوزها هو أنت ليه مش زي أستاذ سعيد جارنا اللي فوق، دا كل يوم وهو نازل رايح الشغل بيبوس مراته، راح رد عليها قالها أنا نفسي أعمل زيه بس هي هتوافق؟.
- عجوز سمع حد بيخبط على الباب قال: مين؟ قاله: أنا حفيدك رد عليه: حتفيدني بإيه يعني؟؟.
نكت في نكت
- فتح لزوجته باب العربية فقالت له: ياه ما أجملك وأنت رومانسي، فقال لها: اتنيلي انزلي طيب الباب مبيفتحش إلا من برة.
- واحد حامل كيس سمك، لاقى واحد مسطول قاله: لو حزرت في الكيس دا إيه هديك سمكة منه…قاله: بحر.
- مرة واحد راح للدكتور عشان بيشتكي من ديدان في البطن.. ومكنش في ولا دكتور عارف ايه الحل لحالته دي، لغاية ما واحد من صحابه قاله إن في شيخ بيعرف يلاقي حل لكل حاجة روحله هيفيدك، فلما راح للشيخ ده قاله حلك بسيط روح اشتري بطيخة واقعد عليها الديدان بتحب البطيخ وهتنزل فيها.. راح الرجل اشترى البطيخة وقعد عليها فنزل الرئيس بتاع الديدان أكل منها شوية وراح قال للباقي شباب طلعوا البطيخة دي.
- ميكانيكي اشترى سرير نام تحته.
- سواق تاكسي ماشي.. وقفه واحد لابس أصفر في أصفر، وقاله أنا الفرفور الأصفر ممكن توصلني؟ فسابه ومشي، وبعد شوية لقى واحد لابس أحمر في أحمر وقال للسواق أنا الفرفور الأحمر ممكن توصلني؟ سابه ومشي.. وبعد شوية لقى واحد لابس أبيض في أبيض قاله أي أنت الفرفور الأبيض.. رد عليه قال فرفور طب هات الرخص يا شاطر.
وللمزيد من النكت المضحكة جدا يمكنكم قراءة : نكت سامجة قصيرة جدا فكاهية تضحك 2022
نكت تجعلك تضحك بجنون
- مسطول راح لدكتور سنان، قاله الدكتور سنانك عاوزة تقويم، قاله المسطول: بسيطة بس قلي هجري ولا ميلادي يا دكتور؟.
- استاذ إنجليزي قال لطالب ضع كلمة dog في جملة مفيدة، قال الطالب وdog يا مزيكا.
- اتنين مسطولين بيلعبوا سوا، فواحد قال للتاني ايه الدولة الأوروبية اللي لو زودتلها نقطة على أخر حرف منها هتكون اسم لعالم ذرة؟ قام صاحبه قاله لا أنا غلب حماري قول، راح قاله قطر ولو حطيتلها النقطة هتبقى قطز.. راح رد عليه قاله هو قطز أصلًا عالم ذرة؟ قام الأول قاله يعني هي قطر اللي دولة أوروبية.
- مرة شخص أهبل خطف واحدة هبلة في العربية.. فقعدت تصوت كتير راح قالها لو مسكتيش هنزلك راحت قالتله لا لا خلاص هسكت.
- تزوج مدرس رياضيات من مدرسة رياضيات.. وكان ناتج هذه الزيجة هي طفل متساوي الساقين.
قدمنا لكم اليوم من خلال موقع احلم مجموعة قوية و جديدة من اجمل النكت المضحكة و المسلية الى ابعد حد ، فاوقات الفراغ من المهم جدا ملئها بالامور المسلية لان الروتين اليومي اصبح كالرصاصة التي تقتل بدون رحمة ، فاليوم اصبحنا نشعر وكأننا ندور داخل دائرة مغلقة لا نهاية لها ، و لذلك فان اقل ما يمكننا القيام به هو البحث عن اجدد النكت التي ترسم البسمة على وجوهنا لقرائتها و الاستمتاع باحداثها .. نتمنى ان تكون هذه النكت قد اعجبتكم و حازت رضاكم و انتظروا المزيد من الموضوعات المرتبطة باجدد النكت و اجملها من خلال موقع احلم.
